Свет
Меѓународен ден на трудот, Први мај
Денот на трудот е меѓународен празник кој се одбележува на 1 мај и е посветен на борбата за зачувување и унапредување на правата на работниците
Се празнува на првиот ден од мај во знак на почит кон жртвите на штрајкот што се одржал од 1 до 4 мај 1886 во Чикаго. Целта на штрајкот на околу 40.000 работници била да се издејствува воведување осумчасовен работен ден. Но, безбедносните сили и полицијата употребила сила, при што резултатот донесол голем број на жртви. Организаторите на штрајкот биле изведени на суд, а четворица од нив биле осудени на смрт. Во спомен на жртвите од чикашкиот штрајк, Втората интернационала на својот основачки конгрес во 1889 година во Париз донела декларација со која работниците се повикуваат на масовни демонстрации на 1 мај за да ја подобрат својата положба. Оттогаш празникот е манифестација на класната солидарност на работничката класа во светот. Следбеници на иницијативата се работничките синдикати. Во Македонија синдикалните почетоци датираат од 1908 година кога е формиран првиот легален Синдикат на чевларските работници. Први мај е државен празник во повеќе земји во светот. До 2006 година во Македонија тој се празнуваше два дена, на 1 и 2 мај, а од минатата година денот на трудот се празнува само еден ден. Вообичаено кај нас, овој ден се користи и за излети во природа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Врховниот суд ги поништува царините на Трамп
Врховниот суд на САД денес пресуди дека претседателот Доналд Трамп го прекршил федералниот закон кога еднострано вовел широки царини на глобално ниво. Одлуката е голем удар за Белата куќа по прашање кое е клучно за надворешната и економската политика на претседателот, објавува CNN.
Пресудата, според медиумот, веројатно е најзначајниот пораз што втората администрација на Трамп го претрпе пред Врховниот суд, во кој доминираат конзервативни судии. Минатата година, судот постојано застана на страната на претседателот во случаи поврзани со имиграција, отстранување на раководители на независни агенции и длабоки намалувања на владините трошоци.
Мнозинското мислење, кое беше поддржано од шест од деветте судии, го напиша главниот судија Џон Робертс. Во образложението се наведува дека царините се нелегални затоа што Трамп ги надминал своите овластувања.
„Претседателот си ја присвојува вонредната моќ еднострано да воведува царини со неограничен износ, времетраење и обем“, напиша Робертс за судот. „Со оглед на обемот, историјата и уставниот контекст на овластувањето што го повикува, тој мора да покаже јасно конгресно овластување за негова употреба.“
Судот заклучи дека вонредната моќ што Трамп се обиде да ја повика „не е доволна“, пренесува медиумот.
Свет
Полицијата го претресува домот на поранешниот британски принц Ендру
Полицијата денес продолжи да го претресува домот на Ендру Маунтбатен-Виндзор, еден ден откако беше уапсен и приведен речиси 11 часа под сомнение за злоупотреба на јавна функција, во врска со неговото пријателство со починатиот осуден сексуален престапник Џефри Епстин.
По еден од најбурните денови во модерната историја на британското кралско семејство, поранешниот принц Ендру се врати на имотот Сандрингам, каде што престојува привремено.
Потрагата по неговата сегашна резиденција е завршена, а се пребарува и резиденцијата на Кралската ложа, која се наоѓа во парк во близина на замокот Виндзор, резиденцијата на британскиот монарх, пренесуваат светските медиуми.
Неговиот брат, кралот Чарлс III, му ја одзеде титулата принц и правото да живее во Кралската ложа поради неговата поврзаност со Епстин.
Според написите, автомобили без регистарски таблички, за кои се верува дека се полициски автомобили, влегуваа и излегуваа од резиденцијата во текот на целиот ден.
Ендру Маунтбатен-Виндзор е обвинет за споделување класифицирани информации со Епстин додека тој беше трговски претставник.
Фото: ЕПА
Свет
Пет големи европски земји: „Сакаме поевропско НАТО“
Франција, Германија, Италија, Полска и Обединетото Кралство најавија дека сакаат да преземат поголема одговорност за безбедноста на Европа преку создавање „поевропски НАТО“. Изјавата беше усвоена по состанокот во Краков, каде министрите за одбрана нагласија дека НАТО останува темел на колективната одбрана, но дека европските земји треба повеќе да придонесуваат.
Петте држави (формат Е5) се обврзаа на дополнително зајакнување на одвраќањето и одбраната со цел спречување евентуална руска агресија и справување со безбедносните закани. Тие повикаа и на „праведна распределба на товарот“ меѓу сојузниците.
Во фокус е и зголемувањето на издвојувањата за одбрана. Полска веќе издвојува 4,48% од БДП, додека Франција, Италија и Шпанија се околу 2%. Прашањето за трошоците ќе биде клучно и на самитот на НАТО во 2025 година во Хаг.
Лидерите нагласија дека секој мировен договор меѓу Украина и Русија мора да биде придружен со „цврсти“ безбедносни гаранции за Киев. Според нив, силна украинска армија е првата гаранција за траен мир, а евентуален прекин на огнот не смее да стане вовед во нова агресија.

