Свет
Меѓународен ден на трудот, Први мај

Денот на трудот е меѓународен празник кој се одбележува на 1 мај и е посветен на борбата за зачувување и унапредување на правата на работниците
Се празнува на првиот ден од мај во знак на почит кон жртвите на штрајкот што се одржал од 1 до 4 мај 1886 во Чикаго. Целта на штрајкот на околу 40.000 работници била да се издејствува воведување осумчасовен работен ден. Но, безбедносните сили и полицијата употребила сила, при што резултатот донесол голем број на жртви. Организаторите на штрајкот биле изведени на суд, а четворица од нив биле осудени на смрт. Во спомен на жртвите од чикашкиот штрајк, Втората интернационала на својот основачки конгрес во 1889 година во Париз донела декларација со која работниците се повикуваат на масовни демонстрации на 1 мај за да ја подобрат својата положба. Оттогаш празникот е манифестација на класната солидарност на работничката класа во светот. Следбеници на иницијативата се работничките синдикати. Во Македонија синдикалните почетоци датираат од 1908 година кога е формиран првиот легален Синдикат на чевларските работници. Први мај е државен празник во повеќе земји во светот. До 2006 година во Македонија тој се празнуваше два дена, на 1 и 2 мај, а од минатата година денот на трудот се празнува само еден ден. Вообичаено кај нас, овој ден се користи и за излети во природа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ за Си-ен-ен:„Ги ценам извештаите од Белата куќа, но не се секогаш точни“

Српскиот претседател Александар Вучиќ во интервју за Си-Ен-Ен зборуваше се случувањата во Бањска на 24 септември.
На почетокот тој рече дека секогаш ги ценел извештаите од Белата куќа, но дека вистинското прашање е што извештаите не се целосно точни.
„ Во 2001 година потпишавме аранжман со НАТО за пристап до копнената безбедносна зона и беше договорено да ја користиме без никакви ограничувања. Сега имаме 4.400 војници во зоната и тоа е нормално – изјави Вучиќ.
„ Слушаме и следиме и сакаме деескалација. Сакаме да видиме поголемо присуство на КФОР на Косово, затоа се надеваме дека тие ќе ги поддржат Србите и нивната безбедност на Косово, особено на северот – рече тој.
Според него нема причина за загриженост, на Србија не и треба конфликт со НАТО, туку обратно.
Вучиќ рече дека борбената готовност на Србија не е подигната во близина на административната линија.
„ Но, јас дури и не потпишав повисоко ниво на тревога. Бројот на персоналот не беше поголем, ниту 60 отсто, што обично е на административна линија. Србија е последната земја на која и требаа инциденти на Косово поради динамиката на дијалогот. Сите видоа дека Србија е конструктивен партнер, а другата страна не направи ништо, туку постепено етничко чистење на Србите од Косово. Откако Курти дојде на власт, на Косово има 10 отсто помалку Срби, имаше повеќе од 420 напади врз нашиот народ на северот на Косово – рече Вучиќ.
Српскиот претседател нагласи дека Србија ќе бара одговорност од сите луѓе кои извршиле криминални дејствија, а дека обвинителството ќе си ја заврши работата во случајот со Милан Радоичиќ, како и дека тој е достапен за српските власти, но дека коренот на проблемот е во тоа што Србите се на удар и мора да се бранат.
„ Јас зборував за коренот на проблемот, но вие не сакате да го слушнете. Србите сакаа да се заштитат. Нема да го бранам убиството на албанскиот полицаец, го осудувам. Но, Србите се апсат без никакви обвиненија, се исфрлаат од нивните куќи, ништо од тоа не било во согласност со меѓународното право и со Бриселскиот договор. ЗСО сè уште не е формиран“ додаде тој.
Вучиќ порача дека Србија е секогаш подготвена да преговара.
Свет
Тајни документи го открија американскиот план за Украина

Според доверливите материјали, целите на САД во Украина варираат од спроведувањето на протоколите и стандардите на НАТО до приватизација на банките, објави Политико, повикувајќи се на документот.
„Класифицираната верзија на документот „Стратегија на земјата“ е три пати поголема (од верзијата објавена од Стејт департментот, која е официјално достапна) и содржи многу повеќе детали за целите на САД во Украина, од приватизација на нејзините банки, помагање на училиштата во изучување англиски јазик, па се до тоа украинската армија да ги преземе протоколите на Алијансата“, се истакнува во написот.
Во материјалот се наведува дека форматот и содржината на украинските воени документи треба да ја „одразуваат терминологијата на НАТО“.
Покрај тоа, Политико нагласува дека документот покажува дека САД и помагаат на Украина да создаде можности за гонење на наводни воени злосторства во рамките на украинскиот правен систем. Вашингтон би сакал повеќе од 2.000 нови судии да бидат избрани во Украина и да се решат повеќе од 9.000 незаконски судски дејствија кои се во тек.
Претходно генералниот секретар на НАТО Јенс Столтенберг изјави дека Украина ќе биде поканета во Алијансата по едногласна одлука на сите членки и со исполнување на сите услови.
Притоа, тој не прецизираше рокови за таа можна покана, но посочи дека пристапната процедура не предвидува временска рамка.
Свет
Врховниот суд го отфрли случајот за дисквалификација на Трамп од изборите во 2024 година

Врховниот суд на САД денеска го отфрли случајот со кој се бара дисквалификација на Доналд Трамп од претседателските избори во 2024 година, врз основа на уставната одредба која забранува секој што „учествувал во бунт“ да извршува јавна функција.
Судиите ја отфрлија жалбата на Џон Ентони Кастро, даночен консултант од Тексас, кој побара во рамките на 14-тиот амандман на американскиот Устав Трамп да биде дисквалификуван како кандидат за претседателска номинација на Републиканската партија, пренесува Ројтерс.
Во својата тужба, Кастро тврдеше дека Трамп, со своите постапки за време на немирите и нападот на Капитол Хил на 6 јануари 2021 година, учествувал во бунт со неговите поддржувачи.