Свет
Свинскиот грип стивнува?

Вирусот од типот А(H1N1) станува се’ помалку заканувачки за здравјето на луѓето, сметаат американски епидемиолози. Некои од нив сметаат и дека нема причина да се размислува дека новиот вирус е поопасен од сезонскиот грип?!
Според последните објавени податоци на американскиот Центар за следење и превенција на болестите (CDC), во петокот имало 141 потврден склучај на заразени лица со новиот вирус во 19 сојузни држави н САД. „Се’ повеќе заедници се зафатени и се’ повеќе луѓе директно се излоѓени на новиот вирус А(H1N1), рекла др. Ен Шукхар, заменик на директорот на CDC на прес-конференцијата во Атланта. Ненси Кокс, раководитеклката на одделот за грип, пак, рекла дека има добри вести за природата нан новиот вирус.Според Кокс, прелиминарните анализи на овој тип вирус покажале дека му недостасуваат некои вирулентни карактеристики, заради кои во 1918 г. ткн. шпански грип бил многу смртоносен. Градоначалникот на Њујорк, Мајкл Блумберг, изјавил дека од петокот не е забележано дека грипот се проширил надвор од ученичката популација во гиманзијата „Сент Френсис Препатори“, чии 11-мина ученици по одморот во Мексико го донесле вирусот на свионскито грип. И од Мексико има информации многу малку роднини на заболените со грипот се заразиле. Министерот за здравство Хозе Ангел Кордова изјавил дека забележуваат намалување на бројот на нови случаи. Кордова додал дека се очекувала геометриска прогресија во поглед на ширењето на заразата, но тоа засега не се случило„Може да се се случи вирусот А(H1N1) да мини како обичен грип, за што сме подготвени и не се потребни други подготовки, но сепак на заразата и’ приоѓаме сериозно“, рекол др Пирет Пејлис, главниот истражувач за грип на Медицинскиот факултет во њујоршката болница Маунт Синај. Тој додал дека новиот вирус е многу сличен на другите обични типови вируси на грип, па најверојатно сите веќ имаме создадено некој вид имунитет кај себе. Новата американска министерка за здравство Кетлин Себелиус во петокот дала налог да се купат дополнителни 13 милиони дози антивирална терапија а во Мексико биле испратени 400 илајди дози по барање на мексиканската влада.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Франција: Ќе ја признаеме палестинската држава во септември; САД: Непромислена одлука

Американскиот државен секретар Марко Рубио вчера изјави дека Вашингтон го отфрлил планот на францускиот претседател Емануел Макрон за признавање на палестинска држава, нарекувајќи го планот на Макрон „непромислена одлука“.
„Оваа непромислена одлука служи само на пропагандата на Хамас и го забавува мирот“, напиша Рубио во објава на социјалната мрежа Икс.
The United States strongly rejects @EmmanuelMacron’s plan to recognize a Palestinian state at the @UN general assembly.
This reckless decision only serves Hamas propaganda and sets back peace. It is a slap in the face to the victims of October 7th.
— Secretary Marco Rubio (@SecRubio) July 25, 2025
Амбасадорот на Вашингтон во Израел, Мајк Хакаби, во јуни изјави дека не мисли оти независна палестинска држава останува цел на американската надворешна политика.
Франција ќе ја признае палестинска држава на Генералното собрание на ОН во Њујорк во септември, објави вчера францускиот претседател Емануел Макрон на социјалните мрежи, предизвикувајќи жестоки критики од Израел и воодушевување од Палестинците.
„Верен на мојата историска посветеност на праведен и траен мир на Блискиот Исток, одлучив Франција да ја признае државата Палестина. Ќе го дадам официјалното соопштение на Генералното собрание на Обединетите нации во септември“, напиша францускиот шеф на државата на Икс и Инстаграм.
До денес, најмалку 142 земји ја признале палестинска држава, според АФП. САД и Израел цврсто се спротивставуваат на таков проект.
Consistent with its historic commitment to a just and lasting peace in the Middle East, I have decided that France will recognize the State of Palestine.
I will make this solemn announcement before the United Nations General Assembly this coming September.… pic.twitter.com/VTSVGVH41I
— Emmanuel Macron (@EmmanuelMacron) July 24, 2025
„Итна потреба денес е да се стави крај на војната во Газа и да се спаси цивилното население“, нагласи францускиот претседател на Икс.
Во овој контекст, „конечно мора да изградиме палестинска држава, да ја обезбедиме нејзината одржливост и да обезбедиме дека со прифаќање на нејзината демилитаризација и целосно признавање на Израел, таа ќе придонесе за безбедноста на сите на Блискиот Исток“, додаде тој.
Фото: принтскрин
Свет
Тајландската војска: Камбоџа нè бомбардираше, ние одговоривме

Војската на Тајланд денеска соопшти дека судирите меѓу тајландските и камбоџанските трупи продолжиле, при што Камбоџа користела тешко оружје, вклучувајќи артилерија и ракети. Судирите се случуваат втор ден долж нивната граница.
„Камбоџанските сили вршеа континуирано бомбардирање користејќи тешко оружје, артилерија и ракетни системи БМ-21“, се вели во соопштението на тајландската војска. Се додава дека тајландските сили одговориле со соодветен оган според тактичката ситуација.
Тајланд, за потсетување, вчера изврши воздушни напади врз воени цели во Камбоџа, додека соседната земја користеше ракети и артилерија, убивајќи цивили во драматична ескалација на долготрајниот граничен спор меѓу двете земји.
Во вооружен конфликт меѓу Камбоџа и Тајланд вчера загинаа најмалку девет тајландски цивили во три провинции, соопшти тајландската војска. Меѓу загинатите е и осумгодишно момче. Уште 14 лица се повредени.
Соседните земји се борат околу област наречена Мом Беи на кмерски јазик, каде што се допираат границите на двете земји и Лаос и каде што се наоѓаат неколку древни храмови. Спорот трае со децении и доведе до крвави воени судири пред повеќе од 15 години и повторно во мај кога камбоџански војник беше убиен во борба.
Конфликтот повторно ескалираше вчера кога Камбоџа испука ракети и артилерија кон Тајланд, која испрати борбени авиони Ф-16 за да изврши воздушни напади.
Фото: принтскрин
Свет
(Видео) Илјадници демонстранти во Тел Авив, бараа прекин на огнот во Газа

Илјадници демонстранти се собраа вчера вечер на плоштадот Хабима во Тел Авив, барајќи итен прекин на огнот во Појасот Газа и враќање на израелските заложници, јавува Анадолија.
Демонстрантите, од кои многумина носеа израелски знамиња, испратија јасна порака до властите, повикувајќи ја владата да постигне договор за прекин на конфликтот и да обезбеди безбедно враќање на сите заложници што моментално се држат во Газа.
Протестот се одржа во услови на растечка јавна загриженост за хуманитарната состојба и безбедноста на заложниците во блокираниот Појас Газа, а демонстрантите ја изразија својата солидарност со семејствата на заробениците и своето незадоволство од досегашните напори на владата на премиерот Бенјамин Нетанјаху.
Демонстрациите се одржаа со силно присуство на полицијата и медиумите, кои користеа беспилотни летала за да ги снимат моментите од масовниот собир.
Тел Авив проценува дека во Газа остануваат 50 заложници, од кои околу половина се уште се живи. Повеќе од 10.800 Палестинци се држат во израелските затвори, подложени на тортура, гладување и медицинско занемарување, што резултира со многу смртни случаи, според извештаите од палестинските и израелските групи за човекови права и медиуми.
Израел уби повеќе од 59.500 Палестинци во Газа, повеќето од нив жени и деца, од октомври 2023 година. Воената кампања ја опустоши енклавата, го урна здравствениот систем и доведе до сериозен недостиг на храна.
Минатиот ноември, Меѓународниот кривичен суд издаде налози за апсење на Нетанјаху и поранешниот министер за одбрана Јоав Галант за воени злосторства и злосторства против човештвото во Газа.
Израел, исто така, се соочува со обвинение за геноцид пред Меѓународниот суд на правдата.
Фото: принтскрин