Дека Руската федерација е замешана во обидот за воен преврат во Грузија претставува налудничава бесмислица вели извор од руските специјални служби за ИТАР-ТАСС

“Ова е блебетење и агонија на режимот на Саакашвили, други зборови едноставно нема“, вели соговорникот на агенцијата за информациите од Грузија.  Грузиското Министерство за внатрешни работи, како што претходно пренесоа агенциите, тврди дека открило заговор за воен преврат во земјата и ја обвини Русија за соучесништво. “Податоците покажуваат дека заговорот е организиран од поранешни високопозиционирани воени лица,“ изјави Шота Утиашвили, портпарол на грузиското МВР. Имено, во базата Мухровани, воени лица објавија непослушност и организираа бунт, кој беше окарактеризиран како обид за воен прерат помогнат од Русија, од грузиските власти. “Денеска за време на одморот, воени лица од тенковскиот баталјон во базата Мухровани, што се наоѓа на 30 километри од Тбилиси, објавија непослушност и организираа бунт,“ изјави Давид Сихарулидзе, министер за одбрана на Грузија, пренесува ИТАР-ТАСС. Тој соопшти дека во базата има надворешни лица, вклучувајќи и цивили. Сите команданти, замешани во бунтот, се симнати од должноста. Претставници на грузиските власти преговараат со учесниците во превратот и настојуваат бунтот да биде прекинат. Превратниците не поставуваат конкретни барања, како што соопштува министерот, пренува ИТАР-ТАСС. Министерот за одбрана е во базата Мухровани и прави обид лично да преговара со старешните, но не успеал да влезе во објектот. “Бунтовниците јавно го усогласиле својот со планот на Русија, а тој предвидува минимум да се спречи воената вежба на НАТО во Грузија, а максимум да се изведе воен преврат,“ рече портпаролот на МВР на Грузија. Натовската вежба Кооператив лонгбов-09 (Кооперативен лансер-09) е закажана за 6 мај  и треба да трае до 1 јуни. Штом вежбата беше најавена, Русија ја оцени како „отворена провокација, која може да има негативни последици“.