Потрагата по остатоците од авионот „Ербас А 330-200“, како и истрагата за тоа што точно се случило нема никакви резултати досега. Air France најави дека за околностите во кои можела да се случи несреќата помош ќе побара и од германската авиокомпанија Lufthansа

И покрај информациите за наоѓање дамки во океанот од керозин и делови од авионот на местото на претпоставениот пад на авионот од летот AF-447 од Рио де Жанеиро до Париз, се’ уште изостануваат официјални информации, а сите претпоставки што се случило со воздухопловот се можни, велат француските медиуми повикувајќи се на соопштенија од компанијата и од француската влада.„Ниедна хипотеза засега не надвладува. Единствено во што сме сигурни е дека од авионот немало повици за помош, туку само три минути редовни автоматски предупредувања за престанување на работата на сите системи. Освен трите авиони за потрага на море кои се активни, ќе биде вклучен и извидувачки авион ’Авакс’ кој носи радари“, рекол францускиот премиер Франсоа Филон во Националното собрание.Покрај авионите, Франција во водите каде исчезна авионот на Air France со 228 патници и членови на екипажот го испрати и истражувачкиот брод „Pourquoi paс“ („Зошто да не“), опремен со два робота специјално дизајнирани за истражување на големи длабочини од шест илјади метри. Најголемата длабочина на водите во кои се претпоставува дека авионот исчезна изнесува 4.700 метри. Податоците за временската ситуација кога во неделата исчезна „Ербас“-от, Air France ќе ги добие и од германската Lufthansа, чии два авиона во тоа време летале во истото подрачје. Светската метеоролошка организација (WMO) во вторникот соопшти дека има прелиминарни податоци од два авиона за температурата и ветровите, но не и за турбуленции, бидејќи за тоа немаат соодветна опрема. Нејзиниот директор Херберт Пеумпел изјавил дека е малку веројатно дека гром или невремето би можеле да бидат причина за несреќата, но дека можеле да придонесат. „Два авиона на Lufthansа биле во близина на авионот на Air France, но не знаеме кое е точното место на несреќата, па е проблематично колку биле блиску. Тешко е да се процени колкава ќе биде точноста на податоците, но се’ ќе биде искористено во истрагата“, рекол Пуемпел.