Свет
Потврдено е дека остатоците се од „Ербасот“
![](https://makfax.com.mk/wp-content/uploads/2016/11/a08b5e4c-6ed6-48de-9f47-3daaa78f014d.jpeg)
Главниот воен штаб во Париз и бразилскиот министер за одбрана оценија во среда дека веќе нема сомнение оти остатоците пронајдени во Атлантикот му припаѓаат на авионот на Air France. Една теорија е дека е можно да се судрил со воен или со авион на шверцери на дрога
Сепак тврдењата на бразилскиот полковник Хорхе Антонио Амарал, не е и официјално потврдено дека остатоците му припаѓаат на исчезнатиот „Ербас А330-200“, иако бразилското Министерство за одбрана е упорно дека станува збор за делови од францускиот авион. Остатоците биле пронајдени 650 километри северозападно од островот Фернандо де Нороња. „Иако се’ уште е потребна официјална потврда, откако ќе се направи техничка анализа, нема сомнение дека тоа се делови од авионот“, изјавил полковникот Кристоф Празук од штабот.Францискиот авион „Атлантик 2“ надлетувал последните неколку часа над зоната во која бразилските воени авиони открија отстатоците на „Ербас“-от. Како што кажал Амарал, воен бразилски авион открил електронски сигнали на метални и неметални материјали околу еден часот по полноќ и подоцна ги лоцирал остатоците. Се проценува дека потрагата по т.н. „црна кутија“ на авионот ќе биде многу тешка, бидејќи најверојатно остатоците од авионот потонале на длабочина од шест илјади метри во води каде има силни морски струи. Денеска треба да полета и францускиот „Авакс“ кој треба да направи мапа на местата од пронајдените остатоци по кои ќе се одредува местото на несреќата и локациите каде би можеле да се бараат „црните кутии“, затоа што тие емитуваат сигнал само 30 дена од пад на воздухоплов. Што се однесува до причините за падот, еден поранешен пилот на Air France, Седрик Мание, изјавил за француските медиуми дека причината за исчезнувањето може да биде што и да е, па така дури и судар со воен авион или со лесен млазен авион, какви што употребуваат шверцерите на дрога, односно авион чие исчезнување никој нема да го пријави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Полиција во училиште во Чачак: таткото незадоволен од успехот на ќерката и се заканувал на професорката
![](https://makfax.com.mk/wp-content/uploads/2024/04/Policija-Srbija.jpg)
Во Основното училиште „Драгиша Мишовиќ“ дошло до инцидент кога, според соопштението добиено од оваа образовна институција, родителот на еден од учениците незадоволен од оценките на своето дете влегол во конфликт со наставникот.
„На закажаното интервју со директорката дојдоа родителите на ученичката која поради три недоволни оценки беше упатена да го повтори 6-то одделение. Пред разговорот со директорот, наставникот имал непријатна средба со нејзиниот татко. За време на разговорот во директорската канцеларија, на кој присуствуваа помошникот директор и секретарката, родителите беа многу незадоволни од одлуката на Одделенскиот совет и побараа истата да се повтори за ученичката да добие уште една доволна оценка за таа не мора да го повторува класот“ – се наведува во соопштението на училиштето.
Понатаму додаваат дека разговорот бил многу тежок, бидејќи таткото барал апсолутно внимание додека зборувал и, според него, го „аргументирал“ барањето.
– Таткото продолжи со својот монолог и на сите разумни објаснувања и аргументи дека е незаконско и беспредметно да се повторува Советот на одделението, реагираше со емотивна патетика во однос на односот родител-дете. Незадоволен од ваквото објаснување и од тоа што не смее да зборува сам, тој демонстративно ја напушти средбата. Поради елементи на закани кои биле забележани и од други присутни колеги, била повикана полиција која дошла откако родителот го напуштил училишниот простор“ пренесува „Рину“.
По овој инцидент, кој бил пријавен во полиција, училиштето одржало состанок на Тимот за заштита од дискриминација, насилство, злоупотреба и занемарување. Одржани биле и состаноци на Училишниот сојуз и Училишниот одбор на кои биле донесени одлуки и мерки кои ќе се следат во иднина. За сите мерки биле известени управните органи на училиштето, Синдикатот и Управата на училиштето.
Свет
Брачен пар од САД посвоил пет деца: Ги чувале во штала, ги терале да работат како робови
![](https://makfax.com.mk/wp-content/uploads/2024/06/bb74db9b-76fa-4290-8a78-a859d069f091.jpg)
Доналд Реј Ланц (63) и Џин Кеј Вајтфедер (62) од Западна Вирџинија се обвинети за занемарување на деца. Тие, наводно, ги принудувале своите посвоени деца да работат како робови и да живеат во штала. Тие беа уапсени во октомври минатата година, откако беше откриено дека пет посвоени деца на возраст од 6, 9, 11, 14 и 16 години живеат во лоши услови.
Полицијата ја повикале соседите загрижени за благосостојбата на малолетниците.
Соседите пријавиле дека децата биле принудени да вршат земјоделски работи и не им било дозволено да влезат во куќата, се наведува во обвинението. При интервенцијата полицијата во плевната затекнала 14-годишно и 16-годишно девојче. Внатре немало светлина или проточна вода. Еден од тинејџерите во полиција изјавил дека последен пат јаделе пред 12 часа и дека биле принудени да спијат на бетонот.
Ланц и Вајтфедер вчера пред судот се изјаснија за невини по повеќе обвиненија, вклучително и трговија со деца, детски труд и занемарување на децата, објави локалниот медиум „Метро Њуз“. Судијката Мериклер Акерс рече дека децата „во основа биле користени како робови“.
Тие, исто така, се соочуваат со обвиненија за кршење на човековите права, за конкретно таргетирање црни деца и принудување на работа поради нивната раса, објави „Метро Њуз“. Нивната кауција е одредена на 500 илјади долари.
Свет
„Ројтерс“: Трамп подобар кандидат за економски прашања, Бајден за зачувување на демократијата
![](https://makfax.com.mk/wp-content/uploads/2019/07/bajden-tramp.jpg)
Гласачите во Соединетите Американски Држави сметаат дека кандидатот на Републиканската партија на претстојните претседателски избори Доналд Трамп е подобар кандидат кога станува збор за економијата, но сметаат дека кандидатот на Демократската партија Џозеф Бајден е подобар кандидат кога станува збор за зачувување на демократијата.
Анкетата на Ројтерс и истражувачката агенција Ипсос покажа дека двете клучни прашања за гласачите во САД се состојбата на демократијата и економските проблеми, при што 47 отсто од испитаниците велат дека Трамп е подобар избор за тој проблем, додека 37 отсто рекле дека Бајден е подобар пренесува Танјуг.
Кога станува збор за прашањето за имиграцијата, 44 отсто од анкетираните сметаат дека Трамп е подобар избор, додека 31 отсто од нив веруваат дека Бајден е подобар, а Ројтерс додава дека во 2022 година 13,9 отсто од населението ќе бидат имигранти, што е највисок процент во овој век.
На Трамп се гледа и како подобар на кандидат во однос на надворешните конфликти и тероризмот со 40 отсто спрема 35, но Бајден е подобар кандидат кога станува збор за одговор на екстремизмот и заканите по демократијата, со 39 отсто наспроти 33, што според испитаниците е вториот најголем проблем во САД.
Бајден води и кога станува збор за здравствената заштита со 40 наспроти 29.
Во претходните анкети на Ројтерс и Ипсос, Бајден и Трамп беа главно изедначени, но зголемување на популарноста на Трамп беше забележано во некои сојузни држави.