Илјадници луѓе излегле на улиците од главниот град на Иран на протести во поддршка на претседателскиот кандидат Мусави кој соопшти дека изборите биле лажирани во полза на досегашниот претседател Ахмадинеџад

Според странските дописници ова се најмасовните протести во Техеран по исламската револуција во 1979 г. Иранскиот врховен и верски лидер, ајатолахот Али Хамнеи и’ се обрати преку телевизијата на нацијата да ја почитува победата на претседателот Махмуд Ахмадинеџад. Тој предупредил дека самиот Мусави и неговите следбеници се однесуваат многу провокациски. Милански Corriere della Serra повикувајќи се на Al-Arabia јавува дека во Техеран има многу уапсени и три жртви во демонстрациите кои прераснаа во судири со иранската полиција и меѓу приврзаниците на поразениот претседателски кандидат Мирхосеин Мусави и на Ахмадинеџад. Доемонстрантите носеле транспаренти со натписи „Смрт за диктаторот“, „Што се случи со изборите?“, „Ние исто така сме Иранци“, „Мусави е нашиот претседател“…Ахамдинеџад исто така имал телевизиско обраќање во кое рекол дека изборите биле фер и легални, според волјата на гласачите. Иранскиот министер за внатрешни работи Садек Махсули и попладнево потврдил дека Ахамдинеџад е реизбран за претседател со 62,6 отсто од гласовите, пред Мусави за кого гласале 33,7 проценти од излезените гласачи. Притоа, се споменува дека излезноста на иранските избирачи била 85 отсто, што за Мусави и неговите следбеници е спорно. Пред универзитетот во Техеран, стотина полицајци морале да употребат солзавец против групата од 300 до 400 студенти.  Немири во Иран по победата на Ахмадинеџад

Махмуд Ахмадинеџад реизбран за претседател на ИранМоже ли Ахмадинеџад да ги изгуби изборите од Иранките?