Свет
Истрели и протести во Хондурас
Во недела навечер првиот човек на Конгресот на Хондурас, Роберто Мичелети е именуван за претседател на државата, на местото од Зелаја
Вчера војската го уапси претседателот Мануел Зелаја и го протера во Костарика, заради намерата да го измени уставот за да обезбеди уште еден претседателски мандат. Истовремено, од Хондурас ситгнуваат информации дека се уапсени уште најмалку осум министри.Во официјалното соопштение предадено преку државното радио, најавено е дека е претседателските избори ќе се одржат според планираното на 29 ноември.Доцна вечерта во неделата, околу претседателската палата во главниот град Тегусигалпа одекнувале истрели, каде протестирале стотици приврзаници на претседателот Зелаја, јави Reuters.Сведоци за агенцијата изјавиле дека по неколкуте истрели, таму пристигнало возило на брза помош. Нема информации дека има повредени, ниту кој пукал. Вашингтон, преку претседателот Барак Обама изрази загриженост заради апсење на претседателот Зелаја и неговото протерување во Костарика. Исто така Белата куќа ги отфрли обвинувањата на венецуелскиот претседател Хуго Чавез, дека САД стојат зад државниот удар, но најави дека нивните службеници се ангажирани на безбедноста на Зелаја и неговото семејство и вршат притисок на негово враќање на претседателската позиција. По воениот удар кој во Латинска Америка се случува по 16 години, високи функционери на САД биле во контакт со воениот врв на Хондурас, но од неделата попладне, по американскиот притисок да се зачува уставноста, контактите биле прекинати. Претседателот Мануел Зелаја беше уапсен непосредно пред почнувањето ан референдумот за промена на уставот со која сакаше да си обезбеди уште еден мандат. Зелаја инсистираше на референдум кој Врховниот суд на Хондурас го прогласи нелегален.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Учениците во Италија ќе ја повторуваат годината поради недоличното однесување
Италијанскиот парламент усвои закон со кој на наставниците и професорите им се дозволува да отпуштаат ученици поради недолично однесување. Целта на новата мерка е да се заштитат наставниците од агресивно однесување на учениците.
Воведувањето оценки за поведението им овозможува на училиштата да воведат повторување на годината за учениците само врз основа на нивното лошо однесување. Средношколците и учениците од високите училишта чие владеење е оценето со пет или помалку од максималните десет ќе паднат во годината и ќе мора да ја повторат дури и ако имаат добри оценки по други предмети, пренесува РТС.
Оние кои ќе постигнат шест во поведението ќе мора да полагаат граѓански тест.
Оценките во поведението значително ќе влијаат и на можноста за полагање на клучниот испит „матура“, кој е задолжителен за добивање на завршната диплома.
Новата мерка предизвика бурни реакции во Италија, а многумина велат дека е многу слична на онаа што ја усвоија властите на Бенито Мусолини во 1924 година.
Министерот за образование Џузепе Валдитара вели дека реформата на „оценките од поведението“ ќе го врати значењето на индивидуалната одговорност, почитувањето на другите и јавниот имот и ќе го врати авторитетот на наставниците.
Законот воведе и казни за агресивно однесување кон воспитно-образовниот кадар, кои се движат од 500 до 10.000 евра.
Италијанското здружение на просветни работници АНП го поддржа усвојувањето на законот. Од почетокот на годинава има драстично зголемување на бројот на инциденти во однос на лани – дури 110 проценти, пренесува медиумот.
Според написите, на наставниците често морало да им се укаже медицинска помош, а во многу случаи главни актери на инцидентите биле родителите на учесниците.
Претседателот на АНП, Антонело Џанели, истакна дека законот е чекор напред.
Свет
Во хакерски напад украдени имињата на холандски полицајци
Имињата на сите холандски полицајци се украдени во сајбер напад, изјави денеска министерот за правда на земјата.
Дејвид ван Вел, министерот за правда и безбедност во Холандија, попладнево во писмо до Претставничкиот дом на Холандија рече дека вчера бил информиран од началникот на полицијата дека „податоци поврзани со работата“ на сите полицајци во Холандија биле украдени во хакерски напад.
Сè уште не е јасно кои точно детали се украдени, но во писмото се вели дека хакерскиот напад не влијаел на „приватните и на податоците од истрагите“.
Полицијата го истражува инцидентот и холандскотот тело за заштита на податоците е известено, рече ван Вел. Тој додаде дека ќе му достави на Парламентот повеќе детали кога ќе станат достапни.
Тој за холандскиот печат изјави дека владата проценува дали има некакви ризици за тајните службеници.
Регион
Вучиќ: Работите во светот не одат во добра насока, Косово е многу комплициран јазол
Работите во светот „не одат во добра насока“, оцени денеска во Њујорк српскиот претседател Александар Вучиќ на крајот од шестдневниот престој во САД по повод заседанието на Генералното собрание на Обединетите нации.
„Единствената суштинска вест овде е Блискиот Исток“, изјави тој за РТС.
„Блискиот исток го јаде американското внимание, не сум сигурен дека тоа е добра вест за Украина. Европа прави се за да ја запре таа војна“, рече Вучиќ и нагласи дека приоритет мора да биде прекинот на конфликтот во Украина.
Тој рече дека имал повеќе разговори на тема политика и економија и оти „за првпат биле остварени важни контакти“ за економски напредок на Србија.
Вучиќ рече дека „ситуацијата во рударството и енергетиката“ во Србија ќе мора да се подобри бидејќи „лошо им оди“, додека „индустриското производство добро расте, производството расте, но потребни се повеќе инвеститори“, рече Вучиќ.
Тој рече и дека „немал лесни разговори“ за Косово и дека не може да зборува за деталите од средбите.
„Тоа е многу комплициран јазол. Мораме да го зачуваме мирот, да ги зачуваме животите, опстанокот и напредокот на нашето население на Косово, зачувувајќи ја правната и политичката државност на Србија и интересите на сите граѓани на Србија“, изјавил Вучиќ.
„Ќе се погрижиме да не направиме ниту една грешка, никој да не може нам ништо да ни забележи и да се зголемува силата на нашата економија и да се зголемува нашата поддршка за нашиот народ на Косово“, заклучил Вучиќ.