Свет
Рабините продавале бубрези за 160 илјади долари

Апсењата од четвртокот се резултат на двегодишна истрага која се одвивала од Њу Џерси преку Израел до Швајцарија. Аупсени се и подигнати обвиненија против вкупно 44 лица, меѓу кои три градоначалника, двајца конгресмена и пет рабини
Њу Џерси отсекогаш важел за центар на корупцијата, но апсењето на 44-те лица во што учествувале околу 200 агенти на FBI, ги натфрли сите досегашни афери. Меѓу уапсените се градоначланиците од редовите на демократите во Хобокен, Питер Камарано и во Сакаусус, Денис Илвел, републикански конгресмен и заменик градоначалничката на Џерси Сити, Леона Белдини. Од уаспените, 29 се обвинети за корупција при извршување јавна служба, а 15 за перење пари.Уапсени се и рабините од Њу Џерси и од Њујорк, Саул Касин од синагогата во Бруклин, а истрагата покажала и дека се одвивал и трговија со бубрези за пресадување, дејност од која особено на црниот пазар добро се заработува. Овој криминал се одвивал повеќе до десет години замаскиран како „донација на бубрези од роднини во Израел“. Под ова обвинение е уапсен Леви Ицак Розенбаум, кој на озвучен доушник на Бирото му понудил бубрег за неговиот вујко по цена од 160 илјади долари. Главната ролја ја имал 36-годишниот лидер на еврејското верско училиште и градежен претприемач, Соломон Двек, кој всушност станал доушникот на FBI, откако во 2006 г. бил уапсен за измама на банката PNC за 25 милиони долари. Потоа, претставувајќи се како градежник, од 2007 г. на градоначалниците и на други функционери им нудел мито за да добие градежни дозволи.Истражителите изјавиле дека земањето мито честопати било поврзано со собирање прилози за предизборните кампањи, а дел од обвинетите примале готовина деиректно. Во истрагата на федралците за перење пари, Двек се претставуал како лице кои озвршува многу нелегални бизниси, вклучувајќи и банкарски измами и фалсификување женски чанти. Во перењето пари кое го извршувале рабините преки верските донротворни организации биле испрани околу тримилиони долари.„Обемот на отркиената корупција едноставно е срамотен и недозволив.“, нагласил во своето соопштение гувернерот на Њу Џерси, демократот Џон Корзине кој беше избран 2006-та, ветувајќи дека ќе ја искорени корупцијата.Масовни апсења во САД поради корупција
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Папата Лав XIV на првата миса: Технологијата, моќта и задоволството се некаде поважни од верата

За време на првата миса, папата Лав XIV изрази жалење поради фактот што во многу делови од светот технологијата, парите, успехот, моќта и задоволството се повредни од христијанската вера, која, како што предупреди, на многу места се смета за апсурдна, наменета за слабите и за неинтелигентните.
Новиот папа истакна дека верниците често се изложени на потсмев, предизвици, презир – или во најдобар случај – само се толерирани и сожалувани.
Тој додаде дека Исус сè повеќе се сведува на некаков харизматичен лидер или суперхерој и предупреди дека тоа не се случува само меѓу неверниците, туку и меѓу крстените, кои, според него, го живеат својот живот во состојба на практичен атеизам.
Папата ја почна мисата со обраќање на англиски јазик велејќи како Господ направил чудесни дела.
„Додека денес славиме заедно, ве повикувам да ги прославиме чудата што Господ ги направи и благословите што тој продолжува да ги излева врз нас“, рече тој.
Папата истакна дека бил повикан да ја прифати оваа мисија од службата на свети Петар.
„Знам дека можам да сметам на секој од вас да оди со мене“, заклучи папата Лав XIV.
„Затоа што ние сме народот што Бог го избра како свој за да ги објави чудесните дела на оној што нè повика од темнината во својата прекрасна светлина“, додаде тој.
Свет
Русите и Украинците меѓусебно се обвинуваат за прекршување на примирјето на Путин

Русија и Украина денеска меѓусебно се обвинија дека го прекршиле тридневниот прекин на огнот еднострано прогласен од рускиот претседател Владимир Путин. Според податоците на украинскиот Генералштаб, во изминатите 24 часа на бојното поле имало речиси 200 судири.
Околу клучниот рударски град Покровское во источниот регион Донецк, Украина одби 71 руски напад, според извештајот за ситуацијата. Градовите во близина на борбената линија исто така беа гранатирани, рече тој.
Руските власти известија за напад со украинско беспилотно летало врз регионалната администрација во Белгород. Гувернерот Вјачеслав Гладков објави видео на „Телеграм“, на кое очигледно се гледаат последиците од нападот.
На снимката некои метални делови – веројатно остатоци од дрон – можеа да се видат на теренот, иако не беа видливи поголеми оштетувања на зградите. Нема загинати и повредени, изјави Гладков.
Информациите од линијата на фронтот не можеа да бидат независно проверени.
Прекинот на огнот, кој Путин рече дека го прогласил од хуманитарни причини, треба да заврши в сабота навечер. Тоа доаѓа во време кога Русија со голема парада на Црвениот плоштад во Москва ја одбележува 80-годишнината од победата над нацистите во Втората светска војна. Украина тврдеше дека примирјето е само привидно и повика да се продолжи за 30 дена.
Свет
(Фото/видео) Заврши Парадата на победата во Москва: првпат претставено ново оружје

Парадата по повод Денот на победата во Москва заврши. Траеше нешто помалку од два часа, а дроновите „Лансет“ и „Геран-2“ беа прикажани првпат. Според „Скај њуз“, на парадата присуствувале 11.500 припадници на руските вооружени сили.
Денес, во Москва се одржа голема Парада на победата по повод 80-годишнината од победата над фашизмот во Втората светска војна. На овој голем настан присуствуваа многубројни светски функционери.
На парадата присуствуваа повеќе од 11.500 војници од руското Министерство за одбрана и други безбедносни структури – ФСБ, Рускиот воен округ и Руската гарда, како и возила од други земји учеснички во војната.
За време на парадата гледачите имаа можност да видат повеќе од 130 единици воена опрема, ракетни системи „Искандер“, системи за воздушна одбрана, како и најнова технологија.
Прво, пешадиски парадни возила, како и кадети од воените училишта, поминаа покрај трибините, каде што седеа рускиот претседател Владимир Путин и 29 светски лидери.
На парадата учествуваа и Козаци, претставени од парадната единица на Кубанскиот козачки полк, воени извидници, деминери, пилоти, морнари, кадети од воени училишта и академии од цела Русија, полкот на Руските воздухопловни сили, како и академии за воено инженерство и други воени академии.
На парадата учествуваа и жени војници, од кои повеќето се наследнички на познати офицерски семејства.