Свет
Судир на камион со автобус однел 11 животи во Зимбабве

Во судир на автобус и камион, во Зимбабве, загинале 11 луѓе, од кои и едно шестчлено семејство што се враќало од погреб
Полициски извори објавиле дека камионот удрил директно во фронталниот дел на автобусот. Рангараи Мушаура, помошник полициски комесар, изјавил дека возачот на камионот, кој бил меѓу загинатите, се обидувал да го претекне третото возило на лентата. Несреќата се случила на излезот од престолнината на Зимбабве, Хараре, доцна синоќа. Другите 10 жртви исто така се возеле во камионот.На почетокот од месецов, 40 луѓе загинале во друга несреќа при судир на камион и автобус, јужно од Хараре.Ваквите несреќи биле чести во Зимбабве, а за тоа се обвинуваат прекумерната брзина, слабото одржување на возилата, истрошените гуми и бедните патишта. Рутинските поправки на патиштата биле стопирани поради економската немоќ во државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
АП: ИДФ проценува дека има до 3.000 милитанти на Хамас во градот Газа

Израелски воен претставник, анонимно зборувајќи за Асошиејтед Прес (АП), изјави дека „главната фаза“ од операцијата во градот Газа започнала, при што трупите се движат од периферијата на градот кон неговиот центар. Воздушните напади го напаѓаат градот Газа веќе некое време како подготовка за операцијата, уривајќи облакодери во градот, објави АП.
Службеникот рече дека израелската војска проценува дека има приближно 2.000 до 3.000 милитанти на Хамас во градот Газа, како и тунели што ги користи милитантната група. Воените капацитети на Хамас се сериозно намалени за време на речиси двегодишната војна и сега главно извршува герилски напади, при што мали групи борци поставуваат експлозиви или напаѓаат воени позиции пред да се повлечат.
Свет
ЕУ го повика Израел да ја прекине офанзивата во Газа

Европската Унија денес го повика Израел да ја запре копнената инвазија на северна Газа. „Офанзивата ќе доведе до поголемо уништување, повеќе смртни случаи и поголемо раселување“, изјави портпаролот на Европската комисија, Ануар Ел Ануни. „Тоа исто така ќе ја влоши веќе катастрофалната хуманитарна ситуација и дополнително ќе ги загрози животите на заложниците“.
Шефицата за надворешна политика на ЕУ, Каја Калас, утре ќе презентира предлози до националните парламенти за зголемување на притисокот врз Израел во врска со неговата воена кампања во Газа, објави АП.
Замрзнување на средства за Израел
Минатата недела, претседателката на Европската комисија, Урсула фон дер Лајен, изјави дека ќе побара одобрение од земјите-членки на ЕУ за нови санкции против крајнодесничарските израелски екстремисти и делумно суспендирање на трговскиот договор со Израел.
Таа, исто така, изјави дека ќе замрзне милиони евра што извршната власт на ЕУ ги доделува на Израел, што нема да бара одобрение од сите земји-членки.
фото: принтскрин
Свет
(Видео) Објавена снимка како Израел го презема Појасот Газа

Израелската војска започна со проширување на копнените операции во градот Газа како дел од операцијата „Кочиите на Гидеон“, објави портпаролот на ИДФ.
„Во текот на изминатиот ден, активностите на ИДФ во градот Газа се одвиваа според оперативниот план и се очекува да се прошират во согласност со моменталната безбедносна проценка. Целта е да се постигнат воените цели во Газа и да се консолидираат придобивките постигнати за време на борбите“, се вели во објавата на Икс.
⭕️ IDF troops have begun expanding ground operations in Gaza City as part of Operation Gideon’s Chariots II
In the past day, IDF activity in Gaza City has began according to the operational plan, and is expected to expand in line with the current situational assessment.
Its aim… pic.twitter.com/dJBpd7wq1x
— Israel Defense Forces (@IDF) September 16, 2025
Тој, исто така, објави видео на кое се гледа проширувањето на областа што ИДФ ја зазеде во Појасот Газа.