Сад го демантираа тврдењето на голем број од новинарските агенции дека се откажале од распоредувањето на антиракетниот штит во Полска и Чешка

Филип Кроули актуелниот портпарол на Стејт Департментот Филип Кроули изјави дека таа информација е невистинита и неточна и дека САД и понатаму ќе продолжи да ја разгледува антиракетната стратегија.База во Израел и во Турција, или на Балканот – тоа се локациите на кои Американците би можеле да го постават антиракетниот штит кој требаше да се гради во средна Европа, така звучеше информацијата која денес полскиот дневен весник „Газета виборча“, ја пласира повикувајќи се на извори од Вашингтон.Рики Елисон, шефот на Иницијативата за противракетна одбрана, која лобира за проширување на штитот, му потврдил на весникот дека одлуката е веќе донесена. Истото го потврдиле и неименувани извори од американскиот конгрес.Администрацијата на Обама наводно веќе неколку недели испитува како конгресмените би реагирале на промената на планот. За администрацијата на Обама од особена важност е изградба на партнерски односи со Русија – која не го криеше несогласувањето со изградбата на антиракетниот систем во непосредна близина на нејзините граници.Доколку се покаже дека антиракетниот систем и од новите локации ќе може да ја остварува задачата, да ја штити Европа и САД од нуклеарен напад, од земји какви што се Иран или Северна Кореја, промената на планот би можела да добие зелено светло во конгресот каде демократите имаат мнозинство. Мобилниот антиракетен штит кој го понуди компанијата Боинг или системот со ракети пресретнувачи од бродовите, според експертите се само делумно решение – за да може да го уништи евентуалните непријателски ракети веднаш по лансирањето на САД и треба одбранбен систем на копно.Самиот податок дека Израел и Турција се меѓу клучните сојузници на САД дополнително ја олеснуваше ситуацијата. Секако тука е и базата Бондстил во Косово со што американците го зацврстија своето присуство на Балканот. Безбедностаната и политичка стабилност во тој случај се приоритетни за САД кои ќе пристискаат земјите од западен Балкан да се интегрираат во Еу и да станат членки на НАТО.