Американскиот претседател Доналд Трамп денес е домаќин на украинскиот претседател Володимир Зеленски во Вашингтон за да разговараат за иднината на војната во Украина, еден ден откако американскиот претседател најави нов самит со Владимир Путин во Будимпешта во наредните недели.

Зеленски рече дека пред средбата со Трамп во Овалната соба, ќе се сретне со претставници на одбранбени и енергетски компании. „Очекуваме дека моментумот во сузбивањето на теророт и војната, што е постигнат на Блискиот Исток, ќе помогне да се стави крај на руската војна против Украина“, рече украинскиот претседател.

Зеленски се огласи на социјалните мрежи.

Already in Washington.

Today, I am having meetings with representatives of defense companies – producers of powerful weapons that can definitely strengthen our protection. In particular, we will discuss additional supplies of air defense systems. I will also meet today with… pic.twitter.com/MRFmPARkq1

— Volodymyr Zelenskyy / Володимир Зеленський (@ZelenskyyUa) October 16, 2025

„Ништо не се промени за Русија, таа продолжува да ги тероризира животите во Украина. Рој беспилотни летала го нападнаа Криви Рих, погодувајќи ја цивилната инфраструктура. Имаше уште десетици напаѓачки беспилотни летала на нашето небо. Беа снимени и проектили. Всушност, ниту една ноќ во последните недели не помина без руски напади врз Украина. Повеќето од целите се инфраструктурни објекти, што е систематска кампања на терор против нашиот енергетски сектор.

Русија се обидува да го претвори овој дел од Европа во остров на опасност и страдање за човечки животи. Клучот е да не се дозволи тоа да се случи. Русија ќе биде принудена да ја запре војната во моментот кога повеќе нема да може да ја води. А нејзината вистинска подготвеност за мир не лежи во зборовите што на Путин никогаш не му недостасуваат, туку во вистинското прекинување на нападите и убиствата, и токму таму има проблем.

Путин сигурно не е похрабар од Хамас или кој било друг терорист. Јазикот на сила и правда неизбежно ќе работи против Русија. Веќе можеме да видиме дека Москва брза да го продолжи дијалогот штом ќе чуе за ракетите Томахавк.

Затоа секој противвоздушниот систем е важен за Украина – спасува животи. Секоја одлука што може да нè зајакне го приближува крајот на војната. Безбедноста може да се гарантира ако сè за што се договоривме, вклучително и овде во Вашингтон, навистина се спроведе. Им благодарам на сите што стојат зад Украина“, рече Зеленски на Икс.

Претседателот на САД, Доналд Трамп, изјави дека за време на разговорот со рускиот претседател Владимир Путин, ја споменал можноста Украина да добие крстосувачки ракети Томахавк.

Trump said he told Putin: “You wouldn’t mind if I gave a couple thousand Tomahawk missiles to your opposition?” — adding that the Russian leader didn’t like the idea. pic.twitter.com/hYainBXRW9

— KyivPost (@KyivPost) October 16, 2025

„Го прашав: ‘Дали би имал ништо против ако им дадам неколку илјади Томахавки на вашите противници?’“, им рече Трамп на новинарите.

Тој додаде дека Путин „не бил задоволен што ја слушнал таа идеја“.

Трамп и Путин разговараа по телефон пред планираниот состанок на нивните советници следната недела и најавениот состанок меѓу двајцата претседатели во Будимпешта, кој треба да биде посветен на обидот за постигнување договор за војната во Украина.

фото: принтскрин

Известувачот на Европскиот парламент за Србија, Тонино Пицула, изјави дека претставниците на ЕУ треба да се воздржат од прекумерно фалење на реформите во Србија, која е потресена од месеци антивладини протести предизвикани од железничката несреќа во Нови Сад пред една година.

Тој се осврна на честите пофалби од Европската комисија, како онаа минатата година кога претседателката на Комисијата, Урсула фон дер Лајен, му се обрати на српскиот претседател Александар Вучиќ со „драг Александар, покажа дека делата ги следат твоите зборови“.

За време на посетата на Белград во среда, наративот малку се смени, при што фон дер Лајен му се обрати на Вучиќ со „Господине претседателе“.

„Апелираме до Комисијата наместо тоа јасно да ја артикулира потребата од вистински и сеопфатни реформи, вклучително и враќање на демократските институции, зајакнување на владеењето на правото и борба против корупцијата и организираниот криминал“, рече Пицула.

Потпретседателката на пратеничката група на С&Д, белгиската европратеничка Кетлин Ван Бремпт, која е задолжена за проширување на ЕУ во нејзината група, истакна дека секоја неоправдана пофалба од страна на Комисијата за властите во Србија води до тоа студентите и граѓаните што протестираат на улиците да се чувствуваат предадени.

Европскиот парламент следната недела во Стразбур ќе дебатира за резолуција за растечката репресија во Србија, една година откако се урна настрешница на железничката станица во Нови Сад, при што загинаа 16 лица. Трагедијата предизвика месеци протести што Вучиќ ги нарекува „обоена револуција“.

Во изјава за новинарите во Брисел, Пицула рече дека од февруари до септември оваа година имало повеќе од 10.700 протести низ цела Србија, кои биле обележани со репресија врз демонстрантите, произволни апсења и политички мотивирани притворања.

фото: принтскрин