Контакт

Свет

Најмалку 38 загинати во пожар во клинија за рехабилитација

Објавено пред

Најамлку 38 лица зе загинатт во недела рано наутро откако пожар зафатил клиника за регханилитација на зависници од дроги во казахстанскито град Талдикорган

dobivaj vesti na viber

Министерството за внонреднисссостојби соопштило дека од клиниката биле спасени 40 лица,а причината за пожарот се’ уште е непозната. Клиниката во Талдикорган е една од ммногуте држазни сдравствени институции во кои на зависнисте од дроги им се нуди терапија и совати за надминување на нивните проблеми.Казахстан се наоѓа на главните правцина патото на криумчаренитте наркотици од Авганистан кон западна Европа, а дел од дрогата се задржува на домашниот нарко пазар.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Во Германија формирана голема коалиција

Објавено пред

Претседателот на Христијанско-демократската унија (ЦДУ) Фридрих Мерц и веројатно иден германски канцелар, за време на презентацијата на коалицискиот договор на идната демохристијанска социјалдемократска влада во Берлин изјави дека договорот е силен сигнал за Германија, но и за Европската унија.

dobivaj vesti na viber

„Германија добива ефикасна и силна влада, тоа е порака до нашите европски партнери. Европа може да има доверба во Германија“, изјави Мерц по завршувањето на коалициските преговори меѓу Христијанско-демократската унија ЦДУ/ЦСУ и Социјалдемократската партија на Германија (СПД).

Мерц ги пофали брзите и хармонични преговори со СПД и заклучи дека тоа е важна основа за идната соработка.

„Овој договор го постигнавме заеднички и мислам дека е добра основа за работата на владата во следниот изборен период“, рече Мерц.

Тој изрази уверување дека новата влада ќе почне со работа „најдоцна на почетокот на мај“.

„Иднината на нашата земја, нашите граѓани, но и иднината на Европа е во прашање“, рече Мерц. Веројатниот иден канцелар укажа на новите глобални околности и заклучи дека „многу механизми работат против нив, а не во нивна корист“.

Мерц како најважни елементи на коалицискиот договор ги истакна намалувањето на даноците, новите инвестиции и инвестициите во инфраструктурата. За да се помогне на индустријата, особено на онаа која зависи од евтината енергија, се планира намалување на данокот на струјата.

Меѓу важните точки на договорот, како што нагласи Мерц, е крајот на нерегулираната миграција и измените во законот кон странците, кои вклучуваат измени на неодамна донесениот закон за државјанство, така што стекнувањето германско државјанство ќе биде повторно можно дури по пет години наместо досегашните три.

Мерц рече дека формирањето влада ќе го намали подемот на десничарската Алтернатива за Германија (AФД), која бележи зголемување на популарноста во последните денови во анкетите на јавното мислење

Претседателот на Христијанско-социјалната унија (ЦСУ), Маркус Содер, рече дека коалицискиот договор е „пакт за Германија“, но и сигнал во странство „дека Германија се враќа“.

Покрај Мерц и Содер, потпретседателите на СПД Ларс Клингбејл и Саскија Ескен пред новинарите во зградата на парламентот го претставија коалицискиот договор.

При претставувањето на коалицискиот договор не беа споменати имињата на новите министри, но беше најавено дека ЦДУ ќе добие шест министерства, меѓу кои и МНР и за економија, СПД седум, меѓу кои и Министерството за финансии, а ЦСУ три министерства, од кои најистакнато е Министерството за внатрешни работи.

Дали СПД ќе влезе во коалициска влада со Унијата треба да одлучи базата на партијата на референдум во наредните денови. Текстот на договорот ЦДУ ќе го стави на гласање на партискиот конгрес.

Во својата прва реакција на коалицискиот договор, претседателката на АФД, Алис Вајдел рече дека тоа е „повелба за капитулација“ на Фридрих Мерц.

„ЦДУ/ЦСУ се откажа од сите свои предизборни ветувања“, најави Вајдел.

Прикажи повеќе...

Свет

Америка останува без пластични божиќни украси, а Кина без четири милијарди долари

Објавено пред

Кинеските производители на пластични новогодишни елки и други празнични украси велат дека нарачките од САД, кои се клучни за нивниот бизнис, требало да почнат досега. Но, поради наглото зголемување на увозните давачки за кинески стоки тоа не се случи.

dobivaj vesti na viber

Американскиот претседател Доналд Трамп ги зголеми тарифите за кинески производи на 104 отсто во ескалирачката трговска војна која се заканува да има големи последици за најголемиот светски извозник на индустриски производи. Американските трговци на мало се речиси целосно зависни од Кина за божиќните украси, од која набавуваат 87 проценти од таквите производи во вредност од 4 милијарди долари.

Кинеските фабрики се исто така многу зависни од американскиот пазар, каде што продаваат половина од своето производство. Ако Американците сакаат нови божиќни украси оваа година, ќе мора да платат значително повеќе за нив – ако воопшто можат да ги најдат на полиците.

„Оваа година, никој од моите американски клиенти сè уште не направил нарачка“, рече Кун Јинг, кој раководи со фабрика за вештачки новогодишни елки во источниот кинески град Џинхуи, додавајќи: „Се разбира, станува збор за царината. До средината на април, сите нарачки обично се завршени, но во моментов е тешко да се знае дали нешто ќе пристигне воопшто. Можеби американските клиенти ќе нарачаат нешто оваа година“.

Во Шаоксинг, на околу 160 километри од Џинхуи, сопственикот на фабриката Лиу Сонг беше уверен дека неговиот бизнис може да се одржи со продажба на повеќе стоки во Русија, Европа и Југоисточна Азија, кои заедно веќе купуваат 75 отсто од неговите производи.

„Загрижени сме дека нарачките од САД ќе се намалат, но дефинитивно ќе победиме во оваа трговска војна“, изјави Сонг за Ројтерс.

Џесика Гуо, која исто така води фабрика за новогодишни елки во Џинхуи, рече дека важен американски клиент штотуку ја известил дека паузира нарачка вредна три милиони јуани (408.191 долари), за која веќе потрошила 400.000 јуани на материјали.

„Моите колеги и јас се потпираме на американските наредби за да преживееме. Ова неизбежно ќе влијае на многу луѓе. Никој нема да биде поштеден”.

Економистите велат дека овогодинешната трговска војна ќе го намали економскиот раст на Кина за 1-2 процентни поени, ќе го влоши проблемот со вишокот индустриски капацитет, ќе ги загрози работните места и дополнително ќе ги поттикне дефлаторните притисоци.

Бидејќи кинеските извозници продаваат помалку во САД, кои купија стоки во вредност од повеќе од 400 милијарди долари минатата година, тие ќе мора поинтензивно да се натпреваруваат со цените на другите пазари. Тоа ќе ги погоди нивните веќе слаби профитни маржи и ќе ги принуди да ги намалат трошоците дома, велат економистите.

Фабриката на Гуо од 10.800 метри квадратни вработува 140 луѓе постојано, но во шпицот на производствената сезона бројот на вработени може да порасне до 200. Оваа година таа не очекува да има потреба од дополнителни работници.

„Губењето на американскиот пазар сигурно ќе влијае на многу работни места“, рече Гуо, додавајќи дека домашната побарувачка за божиќни украси во Кина е занемарлива.

Набавката од други земји исто така не е опција. Вториот најголем извозник на божиќни украси во САД е Камбоџа, која произведува 5,5% од таквите стоки за американскиот пазар, а минатата недела Трамп воведе царина од 49% за увозот од Камбоџа.

Преместувањето на производството во САД, една од целите на Трамп за воведување царини во Кина и речиси сите други земји во светот, не е изводливо, според Џејми Ворнер, извршен директор на Американското здружение за новогодишни елки.

„Дрвјата секако не можат да се произведуваат во Америка. Нема производство, технологијата не постои овде, пазарот на трудот не е подготвен“, вели Ворнер.

Таа очекува значително зголемување на цените и додава дека 80 отсто од сите новогодишни елки во САД се вештачки. Претходно украсените новогодишни елки, кои го сочинуваат најголемиот дел од пазарот, се направени исклучиво во Кина.

Ворнер критикува дека нејзината индустрија стана колатерална жртва на геополитички конфликт:

„Она што нашите членови го прават и продаваат не се стратешки производи. Ние не сме закана. Ние сме среќна индустрија. Би сакале да останеме во таа среќна индустрија“.

Прикажи повеќе...

Свет

Европската Унија воведе царини за САД

Објавено пред

Од

Европската унија одобри воведување контрамерки во форма на царини за повеќе американски производи како што се соја, мотоцикли и сок од портокал. Според информациите на дипломати вклучени во гласањето, единствена членка која се спротивстави на пакетот е Унгарија, додека останатите 26 земји гласаа „за“.

dobivaj vesti na viber

„ЕУ ги смета американските тарифи за неоправдани и штетни, предизвикувајќи економска штета на двете страни, како и на глобалната економија. ЕУ јасно стави до знаење дека претпочита преговори со САД кои би резултирале со избалансирани и заемно корисни решенија“, се вели во соопштението на Европската комисија.

Како одговор на тарифите наметнати од американскиот претседател Доналд Трамп за европскиот челик и алуминиум, ЕУ ќе ги воведе своите контрамерки во три фази. Првиот бран стапува на сила следната недела, вториот во средината на мај, а третиот на крајот на годината, во декември.

Од вторник, 15 април, планирано е да се воведат тарифи од 25 проценти на првичната листа на производи, на која се очекува да бидат мотоцикли, луксузни чамци и сок од портокал. Оригиналната листа вклучуваше и американски бурбон, вино и млечни производи, но тие беа отстранети по лобирањето од европската винска индустрија.

Првично, овие мерки требаше да стапат во сила на 1 април, но беа одложени за да се остави простор за преговори. Сепак, Трамп веднаш го отфрли предлогот на претседателката на Европската комисија, Урсула фон дер Лајен, за договор без царини.

Втората фаза, која ќе почне во средината на мај, ќе опфати текстил, кожни производи, јајца, забен конец и живина.

Третата фаза е закажана за 1 декември кога ќе се воведат контрамерки за американските производи од соја и бадеми. Сојата, која се користи како добиточна храна, има најголема извозна вредност меѓу американските земјоделски производи извезени во Европа.

Во меѓувреме, денеска стапија во сила новите американски царини од 20 отсто за увозот од ЕУ, но овие европски контрамерки за кои денеска се гласаше во Брисел не се однесуваат на овие последни потези на Трамп. Европската комисија подготвува дополнителни контрамерки, кои би можеле да бидат објавени веќе следната недела.

Прикажи повеќе...

Најново

Македонија3 часа

(Видео) Кажале дека бараат часовник што го изгубил затвореник додека си играл со кучката Цеца, а барале кокаин и марихуана во топка, кривични за штипски затворски полицајци

Директорот на Управата за извршување на санкции, Александар Пандов, поднесе кривични пријави против неколкумина затворски полицајци од затворот во Штип...

Македонија3 часа

Определен 30 дена притвор за директорот на Геријатрија

Судот им определи 30 дена притвор на директорот на ЈЗУ Специјализирана болница за геријатриска и палијативна медицина во Скопје, Мухсин...

Македонија5 часа

ССМ на состанок во Владата: Дојдовме да им кажеме на функционерите дека треба да живеат на минималец ако не ги зголемат платите

Делегација од Сојузот на синдикатите на Македонија (ССМ) точно напладне влезе на состанок со претставници од Владата. Претседателот на ССМ,...

Македонија7 часа

Четворица од повредените лица во пожарот во Кочани денеска се враќаат од странство

Министерството за здравство информира дека денеска се враќаат четворица од повредените лица во пожарот во Кочани, кои се лекуваа во...

Македонија7 часа

„Трошки за работниците наместо вистинско зголемување на платите, Владата ги извиси граѓаните“, велат од СДСМ

„Наместо вистинско и реално зголемување на платите, владата ги извиси работниците. Власта им фрла трошки на работниците со покачување од...

Македонија7 часа

„Десетици нови дестинации од двата домашни аеродрома и преговори за десетина нови авиолинии“, велат од ВМРО-ДПМНЕ

„Владата предводена од ВМРО-ДПМНЕ работи на привлекување нови авиокомпании и нови авиолинии. Во фокусот е развој на авиосообраќајот и зголемување...

Македонија8 часа

(Видео) Мециновиќ побара да не се носи закон за медиуми без дискусија со медиумите

„Јас барам точката седумнаесет, а тоа е предлог на Законот за изменувањето и дополнувањето на Законот за медиумите во прво...

Македонија9 часа

ДУИ: Изјавите на Изет Меџити се шокантни и длабоко вознемирувачки

„Изјавите дадени вчера од Изет Меџити, еден од раководителите на една мала партија во рамки на владината коалиција, се шокантни...

Македонија9 часа

Состојбата на другите четворица пациенти од пожарот во Кочани во „Пирогов“ и понатаму е сериозна, но стабилна, изјави Аргирова

Состојбата на другите четворица пациенти во „Пирогов“ сѐ уште е сериозна, но стабилна. Ова во „Денот почнува“ го изјави раководителот на...

Свет9 часа

„Сам нека си ги одгледува кокошките“: кинеските социјални мрежи преполни со пораки против Трамп

Додека Кина се подготвува за царини од 104 отсто на голем дел од извозот во Америка, на кинеските социјални мрежи...

Свет11 часа

(Видео) Се урна покрив на ноќен клуб во Доминиканската Република, загинаа најмалку 79 лица

Според последните извештаи, најмалку 79 луѓе загинале, а 155 се повредени при уривање на покрив на ноќен клуб во главниот...

Свет11 часа

Може ли Кина да ги издржи царините на Трамп за увоз од 104 проценти

Утрово стапија на сила рекордните американски царини за кинески увоз, кои ќе достигнат дури 104 отсто за многу производи. Некои...

Свет11 часа

Кандидатот на Трамп за шеф на НАСА: Мисијата на Марс е приоритет

Кандидатот на американскиот претседател Доналд Трамп за директор на НАСА, Џеред Ајзакмeн, рече дека вселенската агенција ќе даде приоритет на...

Свет11 часа

Во сила нов пакет-тарифи на Трамп, за Кина воведени царини од 104 отсто

Новиот сет на царини на Трамп стапи на сила утрово за приближно 60 земји ширум светот. Од 6 часот наутро...

Европа11 часа

ОН: Речиси 13.000 цивили убиени во Украина од почетокот на војната

Обединетите нации проценуваат дека околу 13.000 цивили се убиени од почетокот на војната во Украина, изјави во вторникот пред Советот...

Свет11 часа

Трамп: Ќе заработуваме 2 милијарди долари дневно од царини

Американскиот претседател Доналд Трамп вчера вечер, по потпишувањето на извршната наредба за јаглен, ги коментираше царините што ги воведува на...

Регион23 часа

Кој им дозволил на Вучиќ и новинарите да влезат кај пациентите од Македонија: студентите бараат одговорност

Народниот правобранител на Србија, Зоран Пашалиќ изјави дека ќе ги истражи сите околности наведени во шестото барање на студентите, кои...

Македонија1 ден

Директорот на геријатрија зел 20.000 евра поткуп за да смести неподвижно лице

Заедно со посредник, директорот на болницата за геријатрија,  Мухсин Арифи, барал и примил поткуп за сместување на болно и неподвижно...

Топ1 ден

Селанецот во Кривопаланечко убиен, па запален за 100 евра, зад убиството стојат двајца млади браќа

Двајца браќа се осомничените за убиството во Луке, кривопаланечко. Тие се на возраст од 20 и 25 години, а убиениот...

Македонија1 ден

И јас и Таравари вчера избегавме од ДУИ, сега преговори со нив значат испорачување фактури од ДУИ, вели Меџити  

Сите коалиционери во „Вреди“, освен министерот за здравство и лидер на Алијансата за Албанците, Арбен Таравари, сметат дека единствена опција...