Свет
Демохристијаните победуваат на изборите во Германија

Се остваруваат прогнозите од анкетата на магазинот Stern дека досегашната канцеларка Меркел ќе ја формира и идната влада во коалиција со либералите
Демохристијанскиот блок партии (CDU) на Ангела Меркел на денешните парламентарни избори освоила најмногу гласови, 33,5 отсто и заедно со Либерално-демократската партија (FDP), кои добија 14,5 отсто, може да формира нова влада, покажуваат првичните прогнози и анализи во геманските медиуми.Според прогнозите, демохристијаните и либералите заедно може да имаат 320 пратенички места во Бундестагот.Социјалдемократската партија (SDP), чиј кандидат за канцелар беше досегашниот министер за надворешни работи Франк-Валтер Штајнмаер според овие податоци освоил 23,5 отсто од гласовите.Зелените освоиле 10 отсто, а партијата Левица – 13 отсто, додека другите партиите освоиле вкупно 5,5 отсто од гласовите.Овие резултатите се објавени откако во 18 часот беа затворени избирачките места на кои денеска Германците гласаа за 17-тиот состав на Бундестагот (долниот дом на германскиот парламент) по Втората светска војна.Шеесет и два милиони Германци гласаа на 80 илјади избирачки места, на општите парламентарни избори на кои учествуваа 29 партии. Излезноста на избирачите е висока за европски прилики и изнесувала 72 отсто, но е помалку од пред четири години кога била 78 отсто. Изборите минале во мирна атмосфера, а аналитичарите сметаат дека Меркел сепак ќе успее да ја зачува канцеларската функија и оти главно прашање е со кого ќе ја дели власта, со т.н. природен партнер на демохристијаните, либералите или можеби повторно со социјалдемократите повторно во т.н. голема коалиција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
САД почнаа да ги наплаќаат новите царини на Трамп од 10%

Американските царински службеници почнаа да ја наплаќаат едностраната царина од 10 отсто на претседателот Доналд Трамп за сите увозни производи од многу земји, а повисоките давачки за стоките од 57 главни трговски партнери треба да започнат следната недела.
Меѓу земјите кои први беа погодени од царината од 10 отсто се: Австралија, Велика Британија, Колумбија, Аргентина, Египет и Саудиска Арабија.
Во среда треба да стапат во сила повисоките „реципрочни“ царини на Трамп од 11% до 50%.
Увозот во Европската унија ќе биде погоден со царини од 20 отсто, додека кинеската стока ќе биде погодена со царини од 34 отсто, со што вкупниот износ на новите царини на Трамп за Кина ќе достигне 54 отсто.
Канада и Мексико се ослободени од најновите царини на Трамп, бидејќи тие сè уште подлежат на царина од 25 отсто поврзана со американската криза со фентанил за стоки што не се во согласност со правилата за потекло меѓу САД, Мексико и Канада.
Американскиот претседател ги исклучи стоките како челик и алуминиум, автомобили, камиони и автоделови од ова, бидејќи тие подлежат на специјални царини за национална безбедност од 25%.
Неговата администрација, исто така, објави список со повеќе од 1.000 категории производи ослободени од тарифи. Ова го вклучува увозот на сурова нафта, нафтени деривати и други енергетски производи, фармацевтски производи, ураниум, титаниум, дрва и полупроводници и бакар, чија вредност се проценува на 645 милијарди долари увоз во 2024 година.
Свет
Бројот на загинати во земјотресот во Мјанмар се искачи на 3.354 лица

Бројот на загинати во земјотресот во Мјанмар се искачи на 3.354, додека 4.850 лица се повредени, а 220 се водат како исчезнати, јавија утринава локалните медиуми.
Во исто време, шефот за хуманитарна помош на ОН, Том Флечер, ја пофали работата на хуманитарните организации и организациите во заедницата кои водат одговор на ситуацијата со земјотресот.
Според ОН, повеќе од една третина од населението на Мјанмар сега има потреба од хуманитарна помош.
Флечер вчера беше во Мјанмар, во вториот по големина град Мандалај, кој се наоѓа во близина на епицентарот на земјотресот.
Земјотрес со јачина од 7,7 степени според Рихтеровата скала го погоди Мјанмар на 28 март, а епицентарот се наоѓал на околу 16 километри од Мандалеј, вториот по големина град во земјата.
Уништени се згради во неколку градови и населени места, вклучувајќи железнички и патен мост на автопатот Јангон-Мандалај.
Се случи и силен последователен потрес од 6,4 степени според Рихтеровата скала.
Свет
Полска ја затвора вратата; „Не им верувајте на Путин и Лукашенко, тие ве лажат“

Полскиот премиер Доналд Туск денеска најави „информативна кампања“ во седумте земји од кои доаѓаат повеќето мигранти за да ги спречат да влезат во Полска преку Белорусија.
Поради оваа миграција, која, по Варшава, беше оркестрирана од Минск и Москва, на крајот на март, Полска го ограничи правото на азил на странците по пристигнувањето на границата со Белорусија.
Туск исто така рече дека „илјадници војници, граничари и полицајци, камери и дронови го следат секој метар од границата 24 часа на ден“.
Туск не прецизираше во кои земји ќе се одвива „информативната кампања“ што ја најави.
Најголем дел од мигрантите кои сакаат да влезат во Полска се од Блискиот Исток и Африка.
„Нашата порака ќе биде едноставна: полската граница е затворена! Не им верувајте на шверцерите, не верувајте му на белорускиот претседател Лукашенко, не му верувајте на Путин! Ве лажат кога велат дека ова е патот до Европа. Тоа не е точно! рече Туск.
Според полските граничари, повеќе од 30.000 луѓе се обиделе илегално да ја преминат границата со Белорусија во 2024 година.
Полска постави метална гранична ограда висока пет метри со софистицирани уреди за надзор и распореди илјадници војници по неа.