Свет
Балканци осомничени за спектакуларниот грабеж во Стокхолм

За многу вешто маневрирање со украден хеликоптер, бомби, мамки за полицајците и филмско уфрлување низ куполата и извлекувањето на вреќите полни со пари низ неа додека полицајците немоќно гледаат во средата се осомничени лица од поранешна Југославија
Веста за спектакуларното ограбување на трезорот на компанијата G4S во холивудски стил изведен во центарот на Стокхолм го обиколи светот а тамошната полиција се’ уште нема осомничени.Шведските медиуми добиле информации од неименувани полициски извори дека сомнежите се насочени кон група ограбувачи од територијата на поранешна Југославија, и тоа на поранешни војници или полциски специјалци.Се претпоставува, исто така, дека групата била многу поголема и добро организирана, бидејќи биле поставени улични препреки ткн. „ежеви“ кои го блокирале приодот до трезерот на полицијата а полициските хеликоптери биле спречени са полетаат со поставување бомба на полицискиот хелиодром, за која подоцна се покажало дека е лажна. Хеликоптерот кој бил украден неколку часови пред грабежот бил пронајден 25 километри од трезорот. Полциските истражители сметаат дека грабежот бил до деали испланиран и дека вежабањето чинело скапо.Шведски медиуми наведуваат изјава на извор кој тврди дека ограбувачите барале добро обучен пилот од Србија. Освен тоа, се тврди дека шведската полиција била предупредена од полцијата на една од балканските држави која поседувала информации дека може да очекува грабеж во кој ќе биде вклучен хеликоптер. Осмислувач на целиот грабеж, според овие информации, бил еден од шефовите на балканската мафија чие име не се споменува. Се’ уште не е објавено колку пари се украдени, но се претпоставува дека станува збор за неколку десетици милиони долари. Грабежот се случи во средата во 5 часот изутрина, кога ограбувачите со хеликоптерот стигнале над трезорот во квартот Вастерберг. Според очевидците неколку маскирани лчица се спуштиле од леталото на покривот и ја скршиле стаклената купола за да влезат во зградата. Се слушнале неколку експлозии, а во зградата во тоа време имало дваесетина службеници. Напаѓачите биле добро вооружени и за веднаш тргнале кон главниот сеф кој го испразниле за помалку од 20 минути. Полицијата била известена за грабежот уште на почетокот па гангстерите слободно пљачкале само неколку минути. Но полицајците не можеле да влезат во зградата па чекале да дојдат специјалците и немоќно гледале како ограбувачите одлетуваат со хеликоптерот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
По две недели, студентите ја прекинуваат блокадата на РТС

Студентите во Белград вечерва објавија дека ја прекинуваат блокадата на зградата на Радио и телевизија на Србија, објави Б92.рс.
Тие на социјалните мрежи објавија дека ја прекинуваат блокадата што беше воведена од 14 април, откако Комисијата за култура и информации донесе одлука за откажување на стариот конкурс и распиша нов конкурс за избор на членови на Советот на Регулаторното тело за електронски медиуми (РЕМ).
Министерот за информации и телекомуникации, Борис Братина, синоќа изјави дека верува оти распишувањето на нов конкурс за избор на членови на советот на РЕМ, кој беше поставен како услов за прекин на блокадата на РТС, нема да ја заврши кризата околу јавниот сервис.
„Прво, оние што протестираат пред РТС всушност се на погрешна адреса. Бидејќи РЕМ се наоѓа на различна адреса од РТС, и тоа е она што всушност најмногу ги интересира, како и многу други. Генерално, тоа е еден вид борба за тој РЕМ, бидејќи највредните работи таму се всушност овие природни ресурси, со други зборови, фреквенциите што ги доделуваат“, истакна Братина.
Тој рече дека Владата добила писмо од директорот на РТС, во кое се наведува дека новинарите немаат услови да работат од дома, дека ситуацијата е тешка, дека програмата е доведена во прашање, но дека никаде не е наведено зошто.
Поради блокадата, РТС ја емитува својата програма според изменет распоред, а јавниот медиумски сервис објави дека вработените вложуваат големи напори за реализација и емитување на програмата, и покрај, како што велат, нелегалната блокада на зградата, студиото, емитувачката и другата опрема, како и прогонот на новинарите и снимателите на терен.
Свет
И Северна Кореја потврди дека нејзини војници се бореле против Украина

Кина одби да го коментира фактот дека и Москва и Пјонгјанг потврдија дека севернокорејските сили учествувале во борбите против украинските сили во Курската област, на руска територија.
И покрај изолацијата на Северна Кореја на меѓународната сцена и меѓународната осуда на Русија за нејзината целосна инвазија на Украина, Кина одржува економски и дипломатски односи со двете земји.
На прес-конференција, портпаролот на кинеското Министерство за надворешни работи, Гуо Џиакун, изјави дека „интеракцијата меѓу Пјонгјанг и Москва, вклучително и воената соработка, е нивна сопствена работа“.
„Ставот на кинеската влада е дека не се меша во односите на трети земји“, додаде Гуо.
Денеска Северна Кореја официјално првпат потврди дека, по наредба на лидерот Ким Џонг-ун, испратила сили да се борат заедно со руските сили во Курската област.
Русија првпат јавно ја потврди оваа информација два дена претходно. Пред тоа, ниту Москва ниту Пјонгјанг јавно не го признаа распоредувањето на силите.
Свет
Санчез до Шпанците: Користете ги мобилните телефони одговорно

Шпанскиот премиер, Педро Санчез, изјави дека телекомуникациите се во критичен момент и ги повика граѓаните одговорно да ги користат своите телефони.
Официјалната причина за прекинот на електричната енергија сè уште е непозната, како што рече шпанскиот премиер.
Од друга страна, Португалците рекоа дека причината е редок атмосферски феномен во Шпанија.
Премиерот додаде дека нема дефинитивни информации за причината и додаде дека во моментов нема закана за јавната безбедност.
Санчез, исто така, истакна дека платните системи и дигиталното банкарство работат нормално.
Тој додаде дека Советот за национална безбедност ќе се состане повторно денес за да процени дали треба да се воведат дополнителни мерки.