Свет
Мексиканската полција најде уште две оскатени тела
Полицијата во градот Тихуана крај северната мексиканска граница најде осакатено тело на човек обесено на надвозник од автопат, што е ваков втор случај за една седмица
Канцеларијата на обвинителот на сојузната држава Баја Калифорнија, изјавил дека на телото биле видливи траги од удари и осакатувања.Локалните медиуми пренесуваат дека на човекот му бил отсечен јазикот, па се претпоставува дека со тоа некоја од локалните нарко банди праќа порака дека ќе ги казни инфроматорите на полицијата.Пред неколку дена и на друг висечки мост во Тихуана исто така било најдено тело на човек кој бил осомничен дека ги снабдувал со лажни исправи и документи припадниците на нарко картелите во државта која граничи со американската сојузна држава Калифорнија. Во саботата во друг кварт на Тухуана било пронајдено и тело на жена на која и’ биле отсечени главата и рацете. Во друго насилство истиот град, во престрелка меѓу полицијата и вооружени лица загинале полицаец и напаѓач а ранети биле двајца полицајци. Федералните агенти пронашле три возила во кои имало пет автоматски пушки и панцири, ги користеле напаѓачите. Во војната меѓу мексиканските нарко картели и силите за безбедност од 2006 г. убиени се околу 14 илајди лица. Убиствата се извршуваат свирепо, а бандите оргнизирано напаѓаа и војници и полицајци и нивни семејства.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Жителите на Нови Пазар утрово ги разбуди слаб земјотрес, известуваат медиумите во Србија.
Јачината на земјотресот е 2,5 степена според Рихтеровата скала, а е регистриран во 7.37 часот.
Се проценува дека интензитетот на ударот во епицентарот е III-IV од Меркалиевата скала.
Свет
Генералното собрание на ОН би требало да ја поддржи кандидатурата на Палестина за членство
Генералното собрание на Обединетите нации денеска треба да ја поддржи палестинската кандидатура за полноправно членство во ОН со тоа што ќе ја признае како квалификувана за членство и ќе го испрати барањето назад до Советот за безбедност на ОН „да го преиспита прашањето во корист на Палестинците“.
Палестинците ја оживуваат својата кандидатура за полноправно членство во ОН, кое декларативно би ја признало палестинската држава, откако САД ставија вето во 15-члениот Совет за безбедност на ОН минатиот месец.
Гласањето на Генералното собрание од 193 члена се смета за испитување на светското мислење за палестинското прашање. Барањето за полноправно членство во ОН прво мора да биде одобрено од Советот за безбедност, а потоа и од Генералното собрание.
Но, иако самото Генерално собрание не може да даде полноправно членство во ОН, нацрт-резолуцијата за која се гласа денеска ќе им даде на Палестинците некои дополнителни права и привилегии од септември 2024 година, како што е место меѓу членките на ОН во собраниската сала, но тие нема да имаат право на глас во телото.
Дипломатите велат дека нацрт-текстот најверојатно ќе ја добие поддршката потребна за усвојување.
Свет
Двајца скијачи загинаа во лавина во САД, третиот успеал да се ископа од снегот
Откако вчера започна лавина во планините покрај Солт Лејк Сити, Јута, двајца скијачи загинаа, додека властите успеаја да спасат трет со хеликоптер.
Несреќата се случила во близина на Лон Пик, каде неодамна паднаа над 76 сантиметри снег. Центарот за лавина во Јута (UAC) ја потврди смртта на двајца мажи. Спасувачите досега не можеа да стигнат до нивните тела поради небезбедни услови. Центарот наведува дека фаталните лавини се ретки во овој период од годината.
Спасувачите со хеликоптер стигнале на местото на несреќата во кањонот Литл Котонвуд и потврдиле дека двајца скијачи загинале, пишува Би-би-си.
Третиот скијач успеал да се ископа од лавината и бил пренесен во болница. Имињата на загинатите мажи се уште не се објавени, но станува збор за скијачи на возраст од 23 и 32 години. Едниот бил од Јута, додека другиот пристигнал да скија од друга американска држава.