Свет
Талибаните возвраќаат на пакистанската офанзива

Милитанти во недела се судрија со пакистански војници кои напредувале кон нивно главно упориште и свето мест во близина на авганистанската граница Армиски извори изјавиле дека се соочуваат до далеку поголем отпор отколку при претходните борби со групи на Ал Каеда и талибаните
Офанзивата во поровинцијата Јужен Вазиристан е преземена под притисок на САД, кои стравуваат дека муџахедините во Пакистан планирале нови терористички напади на Запад и можноста тие да дојдат до нуклеарниот арсенал на државата, велат пакистански воени извори. „Милитантите даваат многу жесток отпор на секоја акција и движење на војските“, изјавил локален жител за Associated Press во градот Мир Али, каде што се воделе жестоки борби. Тој и неговиот пријател пристигнале во градот во недела утрото отако патувале цела ноќ бегајќи од борбите. Во борбите во областа Сарваки загинале еден војник и седум бунтовници, изјавиле разузнавачки извори. Официјално, пакистанските власти потврдија дека во саботата на првиот ден од офанзивата, биле убиени пет нивни војници и 11 бунтовници. Стратегијата на пакситанската армија ќе се потпира главно на воздушни напади и артилериски оган врз позициите на милитантите во високите планински предели, изјавиле воени извори. Офанзивата се води против околу десет илјади милитанти и околу 1.500 странски борци, повеќето од нив од Централна Азија, кои контролираат околу 3.310 квадратни километри, односно половина од провинцијата Јужен Вазиристан каде се сокриени борците лојални на нивнито водач Бејтулах Мехсуд, кој беше убиен во американски ракетен напад во август. Официјални лица изјавиле дека се предвидува офанзивата да трае два месеца. Според хуманитарните организации, околу 150 илјади цивили ја напуштиле последниов месец оваа провинција на границата со Авганистан, а се претпоставуа дека уште 350 илјади се’ уште се обидуваат да излезат од таму. Сепак, пакистанските власти не очекуваат голема бегалска криза како онаа во април при офанзивата во провинцијата Сват. Во текот на последните три месеца, пакистанските воздухопловни сили постојано бомбардираа цели за кои се верува дека се упоришта на талибаните каде го кријат оружјето, а армијата соопшти дека ги затворила сите правци од кои талибаните би можеле безбедно да се повлечат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски: Москва подготвува офанзива

Украинскиот претседател, Володимир Зеленски, предупреди дека Русија подготвува потенцијална воена агресија под маската на заеднички вежби со Белорусија ова лето, објави „Киев Индепендент“.
„Погледнете ја Белорусија – ова лето Русија подготвува нешто таму под маската на воени вежби. Така обично започнуваат нејзините нови напади“, рече Зеленски на Самитот на трите морињa.
„Но, каде овој пат? Не знам. Украина? Литванија? Полска? Бог да нè чува! Но, сите мора да бидеме подготвени. Сите наши институции се отворени за соработка“, рече Зеленски.
Белорусија ќе биде домаќин на воените вежби „Запад 2025“ со руските сили, дел од долготрајната серија вежби што се одржуваат на секои две години од 2009 година.
И покрај тоа што не е директно вклучена во руската инвазија на Украина, Белорусија сè уште е домаќин на руски трупи и ракети на својата територија.
Белорусија граничи со Украина, Полска, Литванија, Латвија и Русија, што ја позиционира како клучен стратешки коридор помеѓу НАТО и Москва.
Зеленски постојано предупредуваше дека Русија би можела да ги ескалира воените дејствија надвор од Украина.
Тој предупреди за време на Минхенската безбедносна конференција дека рускиот претседател Владимир Путин планира да распореди до 150.000 војници, првенствено во Белорусија, што укажува на можно зголемување на силите за идни офанзиви против земјите од НАТО.
Европа
Русите ги нападнаа Харков и Днепар со беспилотни летала: едно лице загина, 46 се повредени

Роеви руски беспилотни летала ги нападнаа украинските градови Харков и Днепар доцна синоќа, при што загинаа најмалку едно лице, а најмалку 46 беа повредени, соопштија официјални лица.
Харков, кој се наоѓа на североисток, во близина на руската граница и е втор по големина град во Украина, е цел на редовни руски напади со беспилотни летала и ракети откако Москва ја започна својата тотална инвазија пред повеќе од три години. Во нападот врз градот доцна синоќа се повредени најмалку 46 лица, меѓу кои две деца и една бремена жена, соопшти регионалниот гувернер Олех Синехубов.
Нападите се случија откако САД, кои се обидоа да посредуваат во мировен договор меѓу Русија и Украина, изјавија дека ќе се повлечат како посредник доколку Москва и Киев не излезат со конкретни предлози.
Завчера, рускиот претседател Владимир Путин прогласи тридневен прекин на огнот од 8 до 10 мај по повод 80-годишнината од победата на Советскиот Сојуз и неговите сојузници во Втората светска војна, додека украинскиот претседател Володимир Зеленски повика на итен прекин на огнот во траење од најмалку 30 дена.
Градоначалникот на Харков, Игор Терехов, изјави дека вчера биле цел на напади неколку делови од градот, кој бил опустошен од последователни напади. Харков е дом на околу 1,2 милиони луѓе, во споредба со речиси 2 милиони пред почетокот на инвазијата во февруари 2022 година. „Врз Харков беа извршени 16 напади. Беше погодена висока станбена зграда, како и приватни куќи, медицински објект и цивилна инфраструктура“, напиша Терехов на Телеграм.
Во југоисточниот град Днепар, беспилотни летала предизвикаа пожари, при што загина 53-годишен маж, а уште едно лице беше повредено, изјави Серхиј Лисак, гувернер на регионот Днепар.
„Тешка ноќ за Днепар. Приватни куќи беа оштетени“, напиша Лисак на Телеграм. Тој рече дека девет руски беспилотни летала биле уништени над регионот преку ноќ. Целосниот обем на ноќниот напад врз Украина не е познат. Двете страни негираат дека гаѓале цивили. Во масовен руски напад со беспилотни летала врз Днепар минатиот месец загинаа четири лица и предизвика голем пожар во хотелски и ресторански комплекс и други згради.
Свет
(Видео) Трамп: Путин сонуваше да ја преземе цела Украина, нема да му дозволам да го направи тоа

Актуелниот американски претседател Доналд Трамп зборуваше за војната во Украина во интервју за Еј-би-си Њуз емитувано синоќа.
Во интервјуто, кое се фокусираше на првите 100 дена од новиот мандат на Трамп, водителот го праша за неговите спротивставени ставови за мировните преговори.
Пред неколку дена, Трамп напиша на социјалната мрежа Truth Social дека е можно Путин „да го влече за нос“ кога станува збор за преговори. Трамп го даде коментарот кратко по средбата со украинскиот претседател Володимир Зеленски во Ватикан на 26 април. „Нема причина Путин да испукува ракети врз цивилни области, градови и села во последните денови“, напиша Трамп во тоа време.
„Затоа мислам дека можеби тој воопшто не сака да ја заврши војната, само ме влече и можеби треба да се изврши притисок врз него поинаку, со банкарски или секундарни санкции?“ додаде Трамп во објавата.
Кога новинар на Еј-би-си Њуз го праша дали мисли дека Путин ги одложува преговорите, Трамп одговори: „Можно е. Можеби малку ме одложува, но би рекол дека сепак би сакал да ја запре војната“, рече Трамп за време на интервјуто. И покрај неговите сомнежи, тој подоцна во едно интервју изјави: „Мислам дека тој сака мир, да. Мислам дека навистина го сака.“
Трамп, кој претходно вети дека ќе преговара за мир во Украина во рок од 100 дена од неговото враќање на власт, во последно време станува сè пофрустриран од она што тој го нарекува неподготвеност на Москва да ја заврши војната, која сега е во својата трета година.
Американските претставници нагласија дека оваа недела ќе биде клучна за одлучувањето за понатамошно вклучување на САД во мировните напори, во време кога незадоволството на Трамп расте.
На 28 април, Путин објави тридневен прекин на огнот од 8 до 11 мај по повод 80-годишнината од победата на Советскиот Сојуз над нацистичка Германија, што специјалниот пратеник на Трамп, Кит Келог, го нарече „апсурдно“.
Кога беше прашан дали му верува на Путин, Трамп избегна јасен одговор и во жестока размена со новинар рече: „Не им верувам на многу луѓе. Ниту вам не ви верувам“.
„Путин сонуваше да ја преземе целата земја. Не мислам дека ќе му дозволам да го стори тоа“, заклучи Трамп.
Иако преговорите сè уште се во тек, руските сили ги засилија нападите во последните недели, вклучително и во регионот Суми. За време на претходното тридневно велигденско примирје на Русија, помеѓу 19 и 21 април, Зеленски ја обвини Москва за речиси 3.000 прекршувања на прекинот на огнот.