Еден ден по крвавиот атентат во југоисточниот град Пишин, во кој меѓу 42-та загинати се убиени и седум високи команданти на иранската Револуционерна гарда, нивниот главен командант се закани до САД и Велика Британија со одмазда а се нарушени и традиционално добрите односи со Пакистан

Врховниот командант на Револуционерната гарда генералот Мохамад Али Џафари изјавил дека иранските разузнавачки служби имаат документ кој покажува дека во атентатот врз командантите на елитната единица Чувари на револуцијата  има, како што рекол – директна поврзаност меѓу сунитската организација Џандалах и американските, британските и пакистанските разузнавачки служби.„Зад нападот стојат американските и британските разузнавачки апарати и ќе биде нужно да се преземат мерки на одмазда за да бидат казнети“, изјавил Џафари, како што пренесува иранската новинска агенцијa ISNA. Одговорноста за самоубиствениот бомбашки напад во градот Пишна ја презема сунитската бунтовничка организација Џундалах – Божји војници, која тврди дека се бори против доминацијата на доминантната шиитска популација и нивната дискриминација врз малцинските сунити Белучистан. Иранските власти ја обвинуваат за повеќе терористички напади кои се извршени од 2005 г. во покраината Систан-Белучистан на границата со Пакистан.Техеран од Исламабад побара побара предавање на лидерот на Џундалах, Адбулмалик Рихи, за кого Џафари изјави дека дејствува по налог на претходно споменатите разузнавачки служби. Тој додал дека иранското воено раководство наскоро ќе го посети Пакистан за, како што рекол – „ да им покажеме дека знаеме за нивната поддршка на Џундалах“.Сите три држави обвинети дека стојат зад нападот, уште во неделата го осудија терористичкиот акт кој е најкрвавиот напад од завршувањето на војната со Ирак во 1988 г. „Најсилно ги отфрламе сите обвиненија дека ова има какви да се врски со Велика Британија. Британската влада го осудува терористичкито напад во Иран и болната загуба на животи кој се предизвикани со него. Тероризмот е застрашувачки каде и да се случи“, изјави во понеделникот портпаролот на Форин офисот, а западните медиуми забележуваат дека до збор е иста со изјавата што во неделата ја даде портпаролот на американскиот Стејт департмент Иан Кели. Абдул Базит, портпаролот на пакистанското министерство за надворешни работи изјави дела Пакистан не учествува во терористички активности, туку дека се обидува да ја искористи оваа појава. Нападот се заканува да ги влоши досега добрите односи меѓу Иран и Пакистан, кои планираа и изградба на заеднички гасовод, иако Иран подолго време тврди дека Џундалах дејствуваат од пакистанска територија. Иранскиот претседател Махмуд Ахмадинеџад телефонски го повикал пакистанскиот претседател Асиф Али Зардари и побарал помош од Пакистан во наоѓање на напаѓачите. „Ако Иран и Пакистан се братски поврзани, присутноста на терористичките групи во вашата држава не може никако да се оправда“, рекол во телефонскиот разговор Ахмадинеџад, како што пренесува иранската државна агенција IRNA.Припадниците на Џундалах по акција во Иран можат многу брзо да преминат на пакистанска територија, при што Чуварите на револуцијата кои ги контролираат границите на Иран не можат да ги сопрат и да ги фатат. Иранската страна нагласува дека на оваа тема биел одржани неколку заеднички средби на безбедносните сили на двете држави, но без напредок, бидејќи според Техеран пакистанските граничари не покажуваат волја за решавање на проблемот.