Свет
Пакистан распишува награда за фаќање на талибанските водачи

Пакистанскиот министер за надворешни работи изјави дека офанзивата во племенските региони на провинцијата Јужена Вазиристан ќе заврши порано од очекуваното, а од понедленик ќе објави листа со премии за информации кои ќе доведат до фаќање на водачите на талибаните
Како дел од владината стратегија против милитантите, Исламабад ќе понуди премии до 50 милиони рупии, односно околу 600 илјади амрикански долари за секоја полезна информација во врска со талибаните, што ќе важи во трите погранични провинции во кои се упориштата на талибаните. Тоа ќе биде направено во понеделник преку официјален оглас во пакистанските весници, пренесува Associated Press, преку кој ќе се проследи и меѓународно. Премиите на владата ќе бидат понудени за информации кои ќе овозможат пронаоѓање жив или мртов на Хакимула Мехсуд, кој како лидер на пакистанските талибани го наследи својот роднина Бејтула Мехсуд убиен од CIA. Потоа, Валиур Рахман, командант на бунтовниците во Јужен Вазиристан, како и Кари Хусеин Мехсуд за кој се верува дека е главен во обуката на бомбашите самоубијци. Помали награди биле понудени за други 16 талибани, потврдиле пакистански функционери. Оптимизмот на министерот за надворешни работи Макдум Шах Махмуд Куреши се темели, како што рекол, од успехот во офанзивата во Јужен Вазиристан. Меѓутоа, ваквиот оптимизам според странските медиуми е поматен од серијата терористички напади на талибаните и последните акции на бунтовниците кои напаѓаат војници и киднапираат и ликвидираат локални авторитети кои соработуваат со властите. Сепак, Куреши и покрај тоа инсистира дека двоседмичната офанзива има големи резултати во полуавтономните племенски региони, каде последните години талибаните го зголемија своето влијание. „Операцијата досега беше многу успешна. Отпорот што ние го очекуваме првично, не дојде со предвидениот итнензитет“, изјавил за новинарите Куреши во недела во Куала Лумпур, каде присуствувал на состанокот на муслиманските држави кој почнува во понеделник. Според последните информации на пакистанското разузнавање, паравоениот пограничен корпус во недела води жестоки бори за заземање на селото Канигурам, кое е силно упориште на милитантите. Официјални претставници на армијата, пак, рекле дека во последните 24 часа биле убиени девет бунтовници и двајца војници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Белата куќа: Се надеваме на директни преговори меѓу Русија и Украина следната недела

Белта куќа изрази надеж дека Русија и Украина ќе се сретнат следната недела во Истанбул и ќе продолжат со директни преговори со цел да се постигне напредок кон завршување на војната, пренесува агенцијата „Анадолија“.
„Колку што јас разбирам, а на тоа и се надеваме, дека Русија и Украина ќе учествуваат во директни разговори и преговори следната недела во Истанбул. Веруваме дека тој состанок ќе се одржи, а тоа е состанок што претседателот го поддржа и силно го застапуваше за двете страни да се сретнат и директно да преговараат“, изјави портпаролката на Белата куќа, Каролин Левит.
Таа додаде дека американскиот претседател, Доналд Трамп, од почетокот на војната јасно ставил до знаење дека сака решение на преговарачка маса, а не на бојното поле: „Тоа им го кажа и на двајцата лидери, и јавно и приватно. Значи, се надеваме дека следната недела ќе направиме чекор напред.“
Левит додаде дека нема планови претседателот да испрати американски претставник на преговорите, но не ја исклучи таа можност.
Втората рунда директни преговори меѓу Русија и Украина е предложена за 2 јуни во Истанбул, откако двете страни се сретнаа на 16 мај. Тогаш, меѓу другото, се договорија за размена на заробеници и за подготовка на нацрт-документи за понатамошни мировни чекори.
Додека Русија најавува дека ќе го претстави нацрт-документот на преговорите, Украина бара да го добие однапред, пред самата средба.
Кремљ го оцени ставот на Украина како неконструктивен.
Свет
Драма на најпрометниот аеродром во Лондон: луѓето во паника поради сомнителен пакет

Еден од терминалите на аеродромот Хитроу беше евакуиран поради „соменителен пакет“, оставајќи илјадници патници во неизвесност.
Патниците беа евакуирани од Терминалот 3 на најпрометниот британски аеродром по дојава за сомнителен предмет во зградата.
Метрополитенската полиција претходно соопшти дека е на терен и дека се справува со ситуацијата.
Портпарол на полицијата изјави за „Д Сан“: „Станува збор за сомнителен пакет и сме на лице место, постапуваме.“
На социјалните мрежи беа објавени бројни видеа и фотографии од луѓе кои сведочат дека биле евакуирани поради безбедносната закана.
Сепак, полицијата подоцна потврди дека станувало збор за „лажна тревога“ и дека повеќе нема закана.
Возовите на „Хитроу експрес“ исто така беа погодени од вонредната состојба – операторот објави на социјалните мрежи дека има доцнења на некои од нивните услуги.
Сè уште не е потврдено дали ќе има доцнења и кај летовите поради евакуацијата.
„Попладнево, нашите тимови реагираа на потенцијално сомнителен предмет во Терминал 3. Како претпазливост, еден мал дел од терминалот беше привремено евакуиран додека надлежните органи ги извршија потребните проверки. Проблемот сега е безбедно решен. Им се извинуваме на патниците за предизвиканата непријатност.“, беше соопштено.
Свет
Турција воведе казни за патниците кои ќе станат пред да запре авионот

Турција воведе казни за патниците кои ќе станат пред да се изгаси знакот за сигурносен појас по слетувањето, соопшти турската Агенција за цивилно воздухопловство, а пренесува Би-Би-Си.
Агенцијата наведува дека паричните казни се воведени поради поплаките од патници. Новите правила стапија на сила порано овој месец.
Агенцијата предупреди дека е забележано сериозно зголемување на ваквите инциденти, при што многу поплаки се однесуваат на патници кои земаат рачен багаж од преградите над седиштата пред целосното запирање на авионот.
Десетици милиони туристи секоја година ја посетуваат Турција. Воздухопловната агенција соопшти дека комерцијалните авиокомпании сега мора да ги информираат патниците за новите правила за време на летот и да ги пријават оние кои нема да ги почитуваат. Патниците мора да бидат информирани дека не смеат да ги одврзуваат појасите, да стануваат од седиштата и да ги отвораат преградите за багаж пред да се изгаси знакот за сигурносен појас.