Свет
Откажани изборите во Авганистан

Авганистанската изборна комисија објавила дека е откажан вториот круг на претседателските избори кој требаше да се одржи на 7 ноември
На конференцијата за печат која била одржана во Кабул, портпаролот на Комисијата, изјавил дека победникот во првиот круг, Хамид Карзаи, е прогласен за претседател на државата.
До ова дошло после одлуката на единствениот преостанат опозиционен кандидат, Абдула Абдула, да се повлече од вториот круг на гласање изјавувајќи дека се плаши од реприза на изборните измами од првиот круг, кога претседателот Карзаи не го исполнил неговото барање да ги смени водечките луѓе во Изборната комисија.
Во Кабул денес присуствува Генералниот секретар на НАТО, Бан Ки Мун, кој ја поздравил одлуката во врска со откажувањето на изборите и му честитал на Хамид Карзаи.
Слични честитки Карзаи добил и од САД и Британија.
Во соопштението на Американската амбасада во Кабул се вели дека САД се радуваат за тоа што ќе работат со Карзаи во спроведувањето на реформи и подобрување на безбедноста во земјата.
Се додала и оцената дека одлуката на Изборната комисија е во согласност со Авганистанскиот закон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Драма на најпрометниот аеродром во Лондон: луѓето во паника поради сомнителен пакет

Еден од терминалите на аеродромот Хитроу беше евакуиран поради „соменителен пакет“, оставајќи илјадници патници во неизвесност.
Патниците беа евакуирани од Терминалот 3 на најпрометниот британски аеродром по дојава за сомнителен предмет во зградата.
Метрополитенската полиција претходно соопшти дека е на терен и дека се справува со ситуацијата.
Портпарол на полицијата изјави за „Д Сан“: „Станува збор за сомнителен пакет и сме на лице место, постапуваме.“
На социјалните мрежи беа објавени бројни видеа и фотографии од луѓе кои сведочат дека биле евакуирани поради безбедносната закана.
Сепак, полицијата подоцна потврди дека станувало збор за „лажна тревога“ и дека повеќе нема закана.
Возовите на „Хитроу експрес“ исто така беа погодени од вонредната состојба – операторот објави на социјалните мрежи дека има доцнења на некои од нивните услуги.
Сè уште не е потврдено дали ќе има доцнења и кај летовите поради евакуацијата.
„Попладнево, нашите тимови реагираа на потенцијално сомнителен предмет во Терминал 3. Како претпазливост, еден мал дел од терминалот беше привремено евакуиран додека надлежните органи ги извршија потребните проверки. Проблемот сега е безбедно решен. Им се извинуваме на патниците за предизвиканата непријатност.“, беше соопштено.
Свет
Турција воведе казни за патниците кои ќе станат пред да запре авионот

Турција воведе казни за патниците кои ќе станат пред да се изгаси знакот за сигурносен појас по слетувањето, соопшти турската Агенција за цивилно воздухопловство, а пренесува Би-Би-Си.
Агенцијата наведува дека паричните казни се воведени поради поплаките од патници. Новите правила стапија на сила порано овој месец.
Агенцијата предупреди дека е забележано сериозно зголемување на ваквите инциденти, при што многу поплаки се однесуваат на патници кои земаат рачен багаж од преградите над седиштата пред целосното запирање на авионот.
Десетици милиони туристи секоја година ја посетуваат Турција. Воздухопловната агенција соопшти дека комерцијалните авиокомпании сега мора да ги информираат патниците за новите правила за време на летот и да ги пријават оние кои нема да ги почитуваат. Патниците мора да бидат информирани дека не смеат да ги одврзуваат појасите, да стануваат од седиштата и да ги отвораат преградите за багаж пред да се изгаси знакот за сигурносен појас.
Свет
Хамас го отфрли американскиот мировен план за Газа

Хамас не го прифаќа предлогот на американскиот пратеник, Стив Виткоф, за примирје и размена на заложници и побара одредени промени, велат извори запознаени со деталите.
Извор за „Ерусалим пост“ изјави дека Хамас се чувствува измамен од американската администрација, со предлог кој е пристрасен кон Израел и не гарантира крај на војната.
Предлогот, исто така, бара сите заложници да бидат вратени во Израел во рок од една недела, со што ќе се изгуби дополнителната преговарачка моќ на Хамас.