Свет
Во Барселона самит на ОН за климатските промени

Во Барселона денеска почнал петдневен самит на Обединетите Нации за климатските промени, на кој преговарачи од 175 земји имаат последна шанса да ги надминат разликите пред клучниот состанок закажан за декември во Копенхаген,пренесуваат новинските агенции
Последните недколку недели функционери од ОН изјавувале дека не постои можност до крајот на годината да се постигне договор околу сите детали на новиот обврзувачки договор за глобално затоплување, но сепак се надевале на договор околу клучните елементи од новиот документ који би требало да го замени Протоколот од Кјото по неговото истекување во 2012 година.Најголемите несогласувања биле околу тоа колку индустриски развиените земји би требало да ја намалат емисијата на јаглен-диоксид и околу износот кој богатите земји би требало да им го даваат на сиромашните за да им помогнат во борбата против климатските промени. Спорно е и прашањето колку далеку ќе одат државите во развој во ограничувањето на порастот на емисија на CO2.Директорот на Секретаријатот за климатски промени на ОН Иво Де Бур на денешното отворање на самитот во Барселона предупредил дека „времето речиси истече“, но рекол и дека и покрај тоа што разговорите се блокирани, тој „чувствувал дека пости голема желба да се постигне успех“ на самитот во Копенхаген од 7 до 18 декември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Драма на најпрометниот аеродром во Лондон: луѓето во паника поради сомнителен пакет

Еден од терминалите на аеродромот Хитроу беше евакуиран поради „соменителен пакет“, оставајќи илјадници патници во неизвесност.
Патниците беа евакуирани од Терминалот 3 на најпрометниот британски аеродром по дојава за сомнителен предмет во зградата.
Метрополитенската полиција претходно соопшти дека е на терен и дека се справува со ситуацијата.
Портпарол на полицијата изјави за „Д Сан“: „Станува збор за сомнителен пакет и сме на лице место, постапуваме.“
На социјалните мрежи беа објавени бројни видеа и фотографии од луѓе кои сведочат дека биле евакуирани поради безбедносната закана.
Сепак, полицијата подоцна потврди дека станувало збор за „лажна тревога“ и дека повеќе нема закана.
Возовите на „Хитроу експрес“ исто така беа погодени од вонредната состојба – операторот објави на социјалните мрежи дека има доцнења на некои од нивните услуги.
Сè уште не е потврдено дали ќе има доцнења и кај летовите поради евакуацијата.
„Попладнево, нашите тимови реагираа на потенцијално сомнителен предмет во Терминал 3. Како претпазливост, еден мал дел од терминалот беше привремено евакуиран додека надлежните органи ги извршија потребните проверки. Проблемот сега е безбедно решен. Им се извинуваме на патниците за предизвиканата непријатност.“, беше соопштено.
Свет
Турција воведе казни за патниците кои ќе станат пред да запре авионот

Турција воведе казни за патниците кои ќе станат пред да се изгаси знакот за сигурносен појас по слетувањето, соопшти турската Агенција за цивилно воздухопловство, а пренесува Би-Би-Си.
Агенцијата наведува дека паричните казни се воведени поради поплаките од патници. Новите правила стапија на сила порано овој месец.
Агенцијата предупреди дека е забележано сериозно зголемување на ваквите инциденти, при што многу поплаки се однесуваат на патници кои земаат рачен багаж од преградите над седиштата пред целосното запирање на авионот.
Десетици милиони туристи секоја година ја посетуваат Турција. Воздухопловната агенција соопшти дека комерцијалните авиокомпании сега мора да ги информираат патниците за новите правила за време на летот и да ги пријават оние кои нема да ги почитуваат. Патниците мора да бидат информирани дека не смеат да ги одврзуваат појасите, да стануваат од седиштата и да ги отвораат преградите за багаж пред да се изгаси знакот за сигурносен појас.
Свет
Хамас го отфрли американскиот мировен план за Газа

Хамас не го прифаќа предлогот на американскиот пратеник, Стив Виткоф, за примирје и размена на заложници и побара одредени промени, велат извори запознаени со деталите.
Извор за „Ерусалим пост“ изјави дека Хамас се чувствува измамен од американската администрација, со предлог кој е пристрасен кон Израел и не гарантира крај на војната.
Предлогот, исто така, бара сите заложници да бидат вратени во Израел во рок од една недела, со што ќе се изгуби дополнителната преговарачка моќ на Хамас.