Вашингтон најави дека на самитот за климатските промени ќе ги предложи целите на неговата администрација за ограничување на емисијата на штетните гасови кои го предизвикуваат ефектот на стаклена градина

Со ова американскиот претседател Барак Обама сака да ја избрише најголемата пречка за постигнување политички договор на самитот во Копенхаген. Овие цели Обама ќе ги претстави пред почетокот на самитот, најави Белата куќа во понеделникот. САД се една од големите индустријализирани држави кои досега не го објави својот план за ограничување на емисијата на т.н. стаклени гасови.На брифингот со американските новинари, неименуван висок службеник на администрацијата на Обама не изнел подробности од планот, но според предлог-законите кои се во ставени во процедура во Конгресот на САД, американските медиуми сметаат дека најверојатно предложените ограничувања се однесуваат на 2020 г., а се движат меѓу 17 и 20 отсто во однос на нивото на емисијата на овие гасови од 2005 г. Но тоа и натаму е далеку под ограничувањата што ги претпочитаат Европската Унија и другите високоиндустријализирани држави. Администрацијата на Обама и порано најави дека Конгресот пред самитот во Копенхаген ќе донесе закон за ограничување на јаглероддиоксидот, но кризата во стопанството ги фрустрираше мнозинските демократи да обезбедат доволна поддршка за законот, па и во сопствените редови.Како што им е кажано на новинарите, Обама исто така треба да реши и дали ќе им се придружи на другите претседатели и премиери од 65 држави на самитот во Копенхаген, на кој треба да се соберат околу десет илјади учесници.Објавувањето на овие планови би значело радикална пресвртница во досегашната политика на Белата куќа, кога станува збор за прашањето на количеството на емитирање на штетните гасови во атмосферата која досега не прифаќаше да преземе обврска за нивно намалување, иако САД и Кина се најголемите светски загадувачи.Инаку, во Сенатот засега се запрени сите обиди да се изгради консензус за законот за климатски промени, а најавено е дека тоа прашање нема да биде поставено пред февруари идната година. Наспроти САД, минатата седмица на самитот ЕУ-Русија беше нагласено единството и надминувањето на спорните прашања, а двете страни меѓусебно си изразиле поддршка за прашањата од трговијата и климатските промени, објавија во заедничко соопштение.Европската Унија посакува руска поддршка за амбициозниот план против глобалното затоплување за кое во декември ќе стане збор на состанокот во Копенхаген под покровителство на Обединетите нации. Русија, пак, од ЕУ бара поддршка за што побрзо нејзино примање во Светската трговска организација (СТО).„Самитот ја потврди нашата заедничка цел, односно стратешко партнерство изградено на доверба и транспарентност“, изјави шведскиот премиер Фредрик Реинфелд каде како претседавач со Унијата се одржи самитот. Рускиот претседател Дмитриј Медведев изразил задоволство од разговорите, оценувајќи ги како конструктивни и „без емоции“ кои би и’ попречувале на заедничката соработка.Како што изјавиле првите луѓе на ЕУ, Медведев ветил дека до 2020 г., Русија ќе го намали емитувањето на штетните гасови за 20 до 25 отсто под нивото од 1990 г.Како што забележуваат медиумите, тоа е десет отсто од претходната руска понуда, со која Русија ги усогласи ставовите со ЕУ, каде оценуваат дека тоа претставува важен момент при разговорите во Копенхаген, особено со другите важни држави, како што се САД и Канада.