Израелскиот безбедносен кабинет денеска го одобри договорот за прекин на огнот, со што се отвора патот за враќање на првите заложници од Газа уште задутре, како и завршување на 15-месечниот конфликт што ја опустоши палестинската крајбрежна енклава.

Договорот меѓу Израел и Хамас се уште чека одобрување од целиот кабинет. Војната меѓу израелските сили и палестинските милитантни групи опустоши голем дел од Газа, убивајќи повеќе од 46.000 луѓе и раселувајќи го најголемиот дел од населението на енклавата.

Доколку биде успешен, прекинот на огнот може да го намали интензитетот на конфликтот на Блискиот Исток, каде што војната од Газа се прошири во Иран, со учество на либанскиот Хезболах, јеменските Хути и вооружените групи во Ирак, како и во го окупираниот Западниот Брег.

Израелската авијација денеска продолжи со нападите во Газа, а палестинската служба за вонредни состојби објави дека од објавувањето на договорот, завчера, се убиени 116 Палестинци, од кои речиси 60 се жени и деца. Како дел од првата, шестнеделна фаза од трифазниот договор, Хамас ќе ослободи 33 израелски заложници, вклучувајќи  жени, војници и цивили, деца и мажи постари од 50 години. Израел до крајот на првата фаза ќе ги ослободи сите палестински жени и деца помлади од 19 години од израелските затвори.

Вкупниот број на ослободени Палестинци ќе зависи од ослободувањето на заложниците и може да биде помеѓу 990 и 1.650 Палестинци, вклучувајќи мажи, жени и деца. Израелското Министерство за правда денеска објави список од 95 палестински затвореници кои ќе бидат ослободени задутре, во првата размена. Хамас во соопштението рече дека тешкотиите што се појавија во условите на договорот за прекин на огнот во Газа се решени.

Договорот наиде на силен отпор од тврдокорните во владата на израелскиот премиер Бенјамин Нетанјаху. Министерот за национална безбедност Итамар Бен-Гвир се закани дека ќе поднесе оставка доколку договорот биде одобрен. Сепак, тој рече дека нема да ја собори владата.

По состанокот на безбедносниот кабинет, Бен-Гвир во изјава го повтори своето противење на договорот за прекин на огнот и ги повика членовите на целиот кабинет да му се придружат во гласањето против него. Израел тврди дека во Газа се уште се држат 98 заложници, а се верува дека околу половина се се уште живи. Израелските власти првпат официјално ги информираа семејствата на заложниците за имињата на првите 33 кои ќе бидат ослободени, но не се знае колку од тој список се живи.

Орбан, долгогодишен сојузник на Трамп, е поканет да присуствува на церемонијата на 20 јануари во Вашингтон.

И покрај неговата блиска врска со Трамп, унгарскиот премиер нема да патува во САД, туку тој ден ќе одржи презентација во Будимпешта.

Неговиот говор ќе се фокусира на неодамнешното претседателство на неговата земја со ЕУ, изјави неговиот прес секретар Берталан Хаваси за унгарската информативна платформа Телекс.

Портпаролот за медиуми на Орбан, Золтан Ковач, изјави дека никој од светските лидери не добил официјална покана бидејќи тоа не е традиција за претседателски инаугурации.

Орбан јавно ја поддржа успешната трка на Трамп за Белата куќа во 2016 година.

Трамп го угости Орбан во Белата куќа во 2019 година за време на неговиот прв мандат.

Унгарскиот премиер, исто така, отпатува во САД во јули минатата година за да се сретне со Трамп на Флорида.

Потоа Орбан го пофали својот пријател, велејќи дека републиканскиот лидер, доколку биде избран за претседател, ќе стави крај на војната во Украина. Тој исто така беше меѓу првите кои му ја честитаа изборната победа во ноември.

Одлуката на Трамп да покани светски лидери како Орбан на неговата инаугурација ја прекина децениската традиција, бидејќи странските шефови на држави обично не присуствуваат на заклетвата на новите американски претседатели.

Неонацистот Калум Парслоу, е осуден на затворска казна откако се обидел да убие барател на азил во хотел во Ворчестершир, Англија, пишува „Скај њуз“.

Калум Парслоу го нападнал со нож Нахом Хагос од Еритреја додека бил на вечера во Пир Треи Ин во април минатата година. Нападот беше прогласен за терористички. Калум (32) има тетоважа со потписот на Адолф Хитлер на раката и се обидел да објави терористички манифест на платформата „Икс“.

Тој е осуден на доживотен затвор и ќе треба да одлежи најмалку 22 години и осум месеци, а обидот за убиство го опиша како протест против илегалните имигранти кои ја минуваат границата со мали чамци.

Нахом Хагос од Еритреја изјави дека е чудо што преживеал откако бил прободен со нож во градите и раката. Парслоу го нападна со нож од 770 фунти, купен преку интернет.

„Направивте суров и неиспровоциран напад врз странец, кој се здоби со сериозни повреди како резултат на вашето насилство“, му рече судијата Џастис Дов на сторителот за време на изрекувањето на пресудата.

Судијата, исто така, истакна дека Парслоу бил мотивиран од прифаќање на екстремно десничарскиот неонацистички начин на размислување кој потоа поттикнал искривени, насилни и расистички ставови. Тој заклучи дека без сомнение станува збор за терористички напад. Парслоу беше прогласен за виновен за обид за убиство во октомври минатата година.

Парслоу побарал насоки од Хагос до тоалетот, по што го нападнал со нож. На снимката од надзорната камера се гледа како жртвата трча на паркингот додека Парслоу ја следи. Хагос успеал да се врати назад во главната рецепција на хотелот, а менаџерот потоа ја заклучил влезната врата. Сторителот се обидел повторно да влезе во хотелот, преку друг влез, очигледно барајќи дополнителни жртви.

Менаџерот на хотелот и градежен работник со комбе го пренеле Хагос, кој силно крварел, во болница во Ворчестер. Во болницата било откриено дека има рана долга 8 сантиметри, но таа не зафатила ниту еден витален орган. Во меѓувреме Парслоу побегнал, а минувачите забележале дека има крвави раце. Полицијата подоцна утврдила дека крвта на жртвата се совпаѓа со сечилото на ножот што го фрлил Парслоу.

По прободувањето, додека полицијата му пријде, Парслоу се обиде да објави терористички манифест на Платформата „Икс“. Тој ги означи десничарскиот активист Томи Робинсон и политичарите Најџел Фараж, Суела Браверман и Сер Кир Стармер. Тој исто така напиша дека ја исполнил својата должност кон Англија само со обидот да го истреби Нахом Хагос. Сепак, неговата објава не помина бидејќи означи премногу корисници. Така, меѓу другите, на неговата листа се најдоа Борис Џонсон, Доналд Трамп.

Судот, исто така, слушна дека секира, метална бејзбол палка и уште еден нож биле пронајдени во изнајмениот стан на сторителот во Бромјард Терас, Ворчестер. Полицијата открила и лента со свастика, медалјон од нацистичката ера и копии од хитлеровата книга „Мојат борба“.

На поротниците им беше кажано дека на Парслоу го истетовирал потписот на Хитлер на раката за да ја покаже неговата поврзаност со идеите на лидерот на германската нацистичка партија, а тој исто така се изјаснил за виновен за неповрзан сексуален престап и две други обвиненија за испраќање е-пошта со намера да предизвикаат вознемиреност и страв.