Свет
Нов биланс на жртвите во Русија

Најмалку 112 лица го загубија животот, а 120 се повредени во пожар што избувна во еден бар во рускиот град Перм во близината на Урал, соопшти руското Министерство за вонредни состојби
Руските власти стравуваат дека бројот на жртвите може да порасне бидејќи голем е бројот на повредените со тешки изгореници по телата. Дел од нив со авиони се префрлаат во болниците во Москва, Санкт Петербург и Чељабински со цел да бидат соодветно згрижени.
Пожарот што избувна во петок доцна навечер во клубот „Ќопавиот коњ“ најверојатно го предизвикале пиротехнички направи кои го запалиле покривот на барот, по што пламените јазици го зафатиле и другиот дел од барот во моментот додека во него се наоѓале околу 200 луѓе.
Медиумите првично јавија дека настрадале 102 луѓе, а поради труење со чад се задушиле 60-мина други кои итно биле префрлени во болница. Сепак овие информации од медиумите не биле службено потврдени.
Противпожарните стандарди ретко се почитуваат во Русија, па така во последните неколку години имаше неколку катастрофални пожари во домови за старци, во болници и во угостителски објекти.
Градот Перм има 1.2 милион жители и е шести по големина град во Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Мелони и Ердоган разговараа за претстојните руско-украински преговори во Истанбул

Италијанската премиерка Џорџа Мелони телефонски разговараше со турскиот претседател Реџеп Таип Ердоган за преговорите за прекин на огнот во Украина, кои треба да започнат во четврток во Истанбул, соопшти нејзиниот кабинет.
„Во светлината на подготвеноста на Турција да биде домаќин на мировни преговори меѓу Украина и Русија во Истанбул, двајцата лидери разговараа за дипломатските перспективи и ја повторија својата поддршка за праведен и траен мир во Украина“, се вели во соопштението.
Се додава дека Мелони му се заблагодарила на Ердоган за посветеноста на Турција на договорено решение кое ќе го заврши конфликтот во Украина, пренесува Анса.
За време на разговорот, Мелони изрази надеж дека Русија, како што направи Украина, ќе прифати целосно и безусловно 30-дневно примирје, „како конкретен знак на подготвеност за мир“.
Портпаролот на Кремљ, Дмитриј Песков, денес изјави дека руската делегација ќе ја чека украинската страна во Истанбул во четврток, но засега не е познато дали рускиот претседател Владимир Путин ќе учествува во преговорите.
Регион
Силен земјотрес го погоди грчкиот остров Крит

Земјотрес со магнитуда од 6,1 степен го погоди островот Крит во Грција во средата, објави ЕМСЦ.
Според објавените информации, земјотресот бил на длабочина од 71 километар.
Земјотресот бил почувствуван и во соседна Турција.
Засега нема информации за жртви и материјална штета.
Свет
(Видео) Саудијците го пречекаа Трамп како крал – му купија и мобилен „Мекдоналдс“

Саудиска Арабија подготви раскошен пречек за американскиот претседател Доналд Трамп во Ријад, каде што тој слета денес, буквално на тепих од лаванда.
Во 2021 година, Саудиска Арабија го замени традиционалниот црвен тепих со лаванда, наведувајќи дека бојата е инспирирана од „природното наследство на Саудиска Арабија“, имено сезонските цветања на лаванда во пустинските региони на земјата.
Саудиска Арабија очигледно се погрижи на американскиот претседател ништо да не му недостасува за време на неговата посета на Блискиот Исток, дури ни неговата омилена брза храна.
Според американските медиуми, Саудијците обезбедиле мобилен ресторан на „Мекдоналдс“ во случај Трамп да не стигне до една од многуте постоечки филијали во земјата.
Yes, it’s a mobile @McDonalds here in Riyadh. pic.twitter.com/Y6T2EBDbQf
— Mordechai Wagenheim (@Mike_Wagenheim) May 13, 2025
Трамп е познат по својата склоност кон брза храна, а за време на кампањата дури и им служеше на гостите во „Мекдоналдс“ во Пенсилванија.
Но, разликата во протоколот беше видлива и на друго ниво, политичкото.
За разлика од посетата на поранешниот американски претседател Џо Бајден во 2022 година, кога саудискиот престолонаследник Мохамед бин Салман испрати делегација да го пречека на аеродромот, Трамп денес беше лично пречекан од бин Салман на скалите од претседателскиот авион.
Да потсетиме дека пред да пристигне во Саудиска Арабија, Бајден изјави дека ќе го „изолира кралството“ поради убиството на новинарот Џамал Кашоги и кршењата на човековите права. Трамп, од друга страна, одржува блиски политички и деловни врски со кралското семејство уште од својот прв мандат.