Две момчиња од Квинс биле уапсени во петок наутро, заради тоа што во 2008 г. престојувале во Пакистан и заедно Зази, обвиент за бомбашки заговор на Ал Каеда во септември 2009 г., објави FBI

Двете момчиња, 25-годишниот Адис Медуњанин со потекло од Босна и Херцеговина и една година помладиот Зареин Ахмеџај од Авганистан биел под полициски надзор од моментот на отворање на истрагата која доведе до подигнување обвинение против возачот на автобус од аеродромот во Денвер, 14-годишниот Наџубулах Зази, пренесува The New York Times.Обвинението против двајцата  кои се школувале на колеџот Флашинг, како и Зази, се’ уште не се објавени, а се очекува тоа да биде сторено до крајот на денот кога треба да бидат изведени прес сојузниот судија во Бруклин. Адвокатот на Бошњакот Медуњанин, Роберт Готлиб, негира дека неговиот клиент имал каква и  да е улога или поврзаност во заговор или некое друго кривично дело. Готлиб ги обвини американските власти дека на нему и на семејството на уапсениот не им дозволуваат контакт со него.  Адвокатот пред медиумите нагласил дека секоја изјава земена од Медуњанин на овој начин не би била валидна. Таткото, пак, на Авганистанецот Ахмеxај изјавил дека неговиот син нема адвокат. Момчињата биел уапсени по полноќ во петок, соопштило Бирото, откако претходно агентите го заплениле пасошот на Медуњанин во станот на неговото семејство во квартот Флашинг. Полицијата соопшти дека тој потоа следен од агентите на FBI учествувал во сообраќајна незгода. Според судските акти на кои се повикува весникот, Зази кој исто така потекнува од Авганистан, во истрагата признал дека во 2008-та во Пакистан минал низ обуката на Ал Каеда за ракување со оружје и експлозив. Меѓутоа, тој негирал дека учествувал во бомбашкиот заговор чија цел бил терористички напад во Њујорк точно на годишнината на нападите врз Светскиот трговски центар од 11-ти септември 2001 г.