Најмалку 48 лица се убиени во тридневните безредијата во економскиот центар на Пакистан, кои беа испровоцирани од политички, етнички и религиозни нерпеливости, соопштија агенциите повикувајќи се на извори од службите за безбедност

Безредијата избувнаа откако во четвртокот беше пронајден обезглавен труп на активист на највлијателната политичка партија во Карачи, движењето Мутахида Кауми, кое ја застапува заедницата Мохаџири, кои говорат урду јазик и се партнер на Пакистанската народна партија на претседателот Ариф Али Зардари. Во петокот, министерот за внатрешни работи Рахман Малик нареди на безбедносните сили да ги засилат патролите низ Карачи, за да се спречи прелевањето на насилството, посочуваат агенциите. Во Карачи, кој има 18 милиони жители, се наоѓаат главната пакистанска берза, Централната банка и две важни пристаништа. Од Карачи пристигнуваат 68 отсто од средствата во државната каса. Економијата на градот генерира една четвртина од бруто домашниот производ на земјата. Иако се коалициски парнери на национално и локално ниво, Мутахида Кауми и Пакистанската народна партија постојано се во борба за превласт. Во самиот град доминира партијата на претседателот, додека движењето има поголемо влијание во селските реони на провинцијата Синд, чија главен град е токму Карачи. Извршителите на криминалниот чин што ги предизвика безредијата не се познати. Полицијата смета дека активистот на движењето Мутахида Кауми бил убиен од локални банди, од кои секоја припаѓа кон некоја од мноштвото религиозни и етнички заедници. На 28-ми декември, во бомбашки напад врз процесијата на малцинските шиитски муслимани, загинаа 43 луѓе и беа повредени десетици, а веднаш потоа избија немири во кои беа запалени или демолирани илјадници продавници и други објекти.Карачи инаку има долга историја на насилства, особено предизвикани од меѓуетничката омраза, меѓу Паштуните и припадниците на Урду заедницата, кои тврдат дека се потомци на бегалците од британската колонијална Индија.