Свет
Хилари Клинтон бара полициски час на Хаити

Државната секретарка на САД го посети раозорениот Хаити, каде се сретна со претеседателот Превал, поддржувајќи ги напорите за помош и предупредила дека ситуацијата се’ уште е многу тешка, покрај владата која не функционира а според неа се’ повеќе има информации и за безбедносни проблеми
Хилари Клинтон во главнит град на Хаити пристигнала преку Порторики со транспортен авион Ц-130 Херкулес на американската Крајбрежна стража, кој довезе во Порт-о-пренс сто пакети вода за пиење во шишиња, со пакети говоти јадења и продукти за лична хигиена, пренесе CNN.Клинтон престојувала на Хаити четири часа во кои ненапуштајќи го аеродромот, а на враќање со неа биле евакуирани и пеесетина Аемриканци кои престојувале на Хаити коига се случи катастрофалниот земјотрес.Американската државна секретарка во сретнала со хаитскиот претседател Рене Превал, во шатор подгинат на аеродромот каде се сместени неговите привремени „канцеларии“, бидејќи неговата резиденција се урна во вторникот, од каде со американските службеници раководи со операциите за санирање на последиците.Посетата на Клинтон има цел да ја демонстрира поддршката на САД на Хаити, при што таа нгалсила дека престојот ќе го искористи да ги „идентификува оние потреби кои само САД може да ги исполнат“. Според неа, хуманитарните напори добиваат на интензитет, при што го истакнала воспоставуањето 14 дистрибутивни центри за доставување храна и вода за два милиони лица на кои според американските проценки итно им е потребна помош.Војската на САД веќе го контролира и пристаништети КејпХаитиан, на север од државата, со што ќе се зголеми обемот на помошта која Хаити може да ја прими, нагласила Хилари Клинотн.Таа предупредила дека ситуацијата се’ уште е многу тешка, покрај владата која не функционира а според неа се’ повеќе има информации и за безбедносни проблеми.Во текот на летот државната новинарка ги брифирала американските новинари кои ја следеле најзината посета и изјавила дека се надева дека владта на Хаити ќе прогласи вонредн асостојба со што би можело да се прогласи полициски час и други безбедносни мерки.„Прогласувањето вонредна состојба на владата би и’ дала големо овластување кое во практика би ги го делигирале на нас“, рекла Клинтон.Таа била загрижена заради веста на CNN дека група лекари од Мајами била принудена да побегне од имптовизираната шатроска болница оставајќи ги пациентите, откако во близината се слушнале истрели.Полициските сил на Хаити се десеткувани по земјотресот во кој досега се регистрирани околу 50 илајди загинати, па се и незабележителни, а редот го одржуваат седум илјади припадници ан мировните сили на ОН и околу десет илајди американски војници.„Работиме на тоа да ги поддржиме а не да ги замениме. Мировните сили овде се со години, имаат штаб и веќе воспоставен надзор. Размислуваме за то акако да им помогнеме“, рекла Клинтон.При посетата, американската држава секретарка била придружувана од директорот на Американската агенција за меѓународен развој (USAID), Раџив Шан, забележува репортерот на CNN.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
ОН го осуди Израел: Изгладнувањето на цивилите во Газа е воено злосторство

Високиот комесар на ОН за човекови права, Волкер Турк, предупреди на целосен колапс на виталната помош во Појасот Газа и рече дека гладувањето на цивилите во енклавата, за која е одговорен Израел, може да се смета за воено злосторство.
„Секоја употреба на гладување на цивилното население како метод на војување претставува воено злосторство, како и сите форми на колективно казнување“, рече Турк.
Тој ја повика меѓународната заедница да преземе мерки против хуманитарната катастрофа. Само судовите можат да утврдат дали се извршени воени злосторства.
Израел ја блокира испораката на помош за Газа од почетокот на март. Пекарите остануваат без брашно и гориво за своите печки, додека болниците веќе останаа без лекови и материјали за лекување на рани.
Израел ја обвинува палестинската милитантна организација Хамас за присвојување на хуманитарната помош со сила и продажба на цивилното население по високи цени.
Израел соопшти дека нема да дозволи никаква испорака на помош сè додека Хамас не ги ослободи сите израелски заложници. Израелски извори наведуваат дека уште 24 заложници, како и телата на 35 киднапирани лица, се држат во крајбрежната област.
Свет
(Видео) Трамп: Златното доба на Америка доаѓа; УПС: Ќе поделиме 20.000 откази поради царините

Американскиот логистички гигант УПС вчера објави отпуштање на околу 20.000 работници и затворање на повеќе од 70 објекти низ САД, како дел од големата реорганизација на бизнисот поради падот на соработката со Амазон и зголемувањето на трошоците поврзани со царините наметнати од администрацијата на американскиот претседател Доналд Трамп.
Компанијата планира да затвори вкупно 73 изнајмени и во сопственост згради оваа година, а можни се и дополнителни рационализации, соопшти УПС.
„Мерките што ги преземаме за реорганизирање на нашата мрежа и намалување на трошоците доаѓаат во критично време“, изјави главниот извршен директор на УПС, Керол Томе. „Макроекономските услови може да бидат неизвесни, но благодарение на нашите потези, UPS ќе излезе од оваа фаза посилна и поагилна.“
Во јануари, УПС објави дека постигнал договор со Амазон, нивниот најголем клиент, со кој се намалува договорениот обем на испораки за повеќе од 50 проценти до втората половина на 2026 година.
За време на презентацијата на резултатите од четвртиот квартал, Томе потоа нагласи дека партнерството со Амазон траело речиси 30 години, но дека тие одлучиле да го преиспитаат односот. „Амазон е нашиот најголем клиент, но не е и најпрофитабилен“, рече Томе. „Неговата маржа е сериозно штетна за профитабилноста на нашиот бизнис во САД.“
Таа додаде дека компанијата разгледала различни опции и заклучила дека намалувањето на обемот на испорака е најдобриот избор. Според податоците од финансиската платформа FactSet, УПС вработува околу 490.000 луѓе ширум светот.
Во својот говор на 2 април 2025 година, кој го нарече „Ден на ослободувањето“, американскиот претседател Доналд Трамп откри нова стратегија за трговска политика, воведувајќи сеопфатни царини за увоз.
Овие мерки, кои тој ги опиша како „декларација за економска независност“, вклучуваа основна царина од 10% за целиот увоз, со дополнителни, повисоки стапки за поединечни земји, како што се 145% за кинески производи.
Трамп тврдеше дека царините ќе го поттикнат домашното производство, ќе создадат нови работни места и ќе генерираат „милијарди долари“ за намалување на даноците и националниот долг. Сепак, овие мерки предизвикаа загриженост за можно зголемување на потрошувачките цени и глобалните трговски тензии.
По победата на претседателските избори, Трамп го објави почетокот на „златното доба на Америка“, ветувајќи економски бум преку политиката „Америка на прво место“.
Неговите мерки, вклучително и воведувањето царини, имаа за цел заштита на американските работници и индустријата. Сепак, економските аналитичари предупредуваат дека овие политики би можеле да доведат до зголемени трошоци за потрошувачите и потенцијално забавување на економскиот раст.
Финансиските пазари реагираа негативно на најавата за царините, а инвеститорите изразија загриженост за можното влијание врз глобалната трговија и економската стабилност.
Регион
Вучиќ: Ќе се сретнам двапати со Трамп во наредните денови

Претседателот на Србија, Александар Вучиќ, синоќа изјави дека во следните три до четири дена ќе се сретне двапати со претседателот на Соединетите Американски Држави, Доналд Трамп, јавува Анадолу.
„Ќе се сретнам двапати, од различни причини, во следните четири дена. Не ми верувајте на збор, ги измешав датумите и временските зони“, рече Вучиќ за време на обиколката на работите во новата детска клиника „Тиршова 2“, одговарајќи на новинарско прашање за тоа кога ќе се сретне со американскиот претседател, додавајќи дека „сè ќе се случи во следните три или четири дена“.
Тој, исто така, најави дека очекува италијанската премиерка Џорџa Мелони да го посети Белград во август или септември, која ја опиша, заедно со претседателката на Европската комисија, Урсула фон дер Лајен, како една од најмоќните жени во светот.