Свет
Серија бомбашки напади во Кабул-јавните институции на мета

Најмалку 13 луѓе се повредени во серијата бомбашки напади што изутрината ги извршија талибанските бунтовници во Кабул
Дваесетина талибански бунтовници го запоседнаа авганистанскиот главен град вршејќи низа бомбашки напади, а жестоки борби и натаму се водат во некои од предградијата на Кабул.Според информациите на НАТО, полицијата во еден трговски центар застрелала најмалку двајца милитанти кои се обиделе да го заземат.Портпаролот на талибанците, како што јавија агенциите, потврди дека најмалку 20 милитанти подготвени на самоубиствени бомбашки напади изутрината започнале акции за напади во Кабул, а цел се зградата на Владата вклучувајќи ја и претседателската резиденција.Според нив на метата на талибанците се наоѓаат и министерството за одбрана и правосудство но и хотелот Серена во кој отседнуваат најголем дел од западните дипломати при престојот во Кабул.Авганистанскиот министер за здравство потврди дека најмалку 13 цивили се повредени во судирите меѓу талибанците и безбедносните сили.НАТО објави дека неговите сили им излегле во пресрет на авганистанските војници во борбите против бунтовницитеМакедонија неодамна во Авганистан испрати 149 војници од втората пешадиска бригада како дел од осмата ротација на мисијата ИСАФ кои се дел од командата на Обединетото кралство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Лавров: Русија постепено се оддалечува од терминот „непријателскa земји“

Русија постепено се оддалечува од терминот „непријателски земји“, постојат само земји со влади кои не се пријателски настроени кон Москва, изјави рускиот министер за надворешни работи Сергеј Лавров.
„Постепено се оддалечуваме од терминот непријателска земја, иако тој останува во законодавството“, објави Лавров на прес-конференција посветена на подготовките за „Интервижн“, пренесува ТАСС.
Лавров одговори дека Русија нема непријателски земји, туку дека постојат само земји кои „имаат непријателска влада во однос на Руската Федерација“.
Фото: принтскрин
Свет
Затворени плажи во Хургада поради појава на ајкули

Неколку плажи во египетските одморалишта Хургада и Макади беа затворени во последните денови откако ајкули беа забележани во близина на брегот. Ова го објавуваат локалните медиуми.
Според туристите, неколку хотели одлучиле да ги затворат своите плажи како мерка на претпазливост, додека некои од нив во меѓувреме се отвориле повторно.
Како што објавуваат медиумите, експертите предупредуваат дека видови како што се тигрести и леопардски ајкули, кои се сметаат за особено опасни за луѓето, може да се појават во Црвеното Море. Поради оваа причина, се препорачува да се биде дополнително внимателен и да се почитуваат сите мерки пропишани од одморалиштата и службите за спасување, според написите.
Фото: принтскрин
Свет
Подготвени сме за секакво сценарио за време на посетата на Трамп, објави британската полиција

Британската полиција објави дека е целосно подготвена за сите можни ситуации и сценарија пред државната посета на претседателот на Соединетите Американски Држави, Доналд Трамп, оваа недела.
– Многу сум задоволен што испланиравме многу сеопфатен план за полициска и безбедносна операција што ги зема предвид речиси сите можни сценарија што би можеле да се случат – изјави помошникот на главниот комесар Крисјан Бант од британската полиција.
Бант изјави дека ќе бидат присутни значајни, многу видливи полициски сили, но одби да го прецизира бројот на распоредени полицајци.
Тој, исто така, објави дека воздушниот простор над замокот Виндзор ќе биде затворен, а специјализираните полицајци ќе бидат подготвени да се справат со секаков протест што може да се случи.
Британскиот крал Чарлс ќе го пречека Трамп во замокот Виндзор утре, пред американскиот претседател да ја продолжи својата посета во четврток на имотот на британскиот премиер Кир Стармер.
Фото: принтскрин