Поголема група жени со не-арапско потекло кои се подготвувани за бомбаши-самоубијци се испратени на цели во западните земји

Припадниците на безбедносните служби а особено припадниците на обезбедувањата на јавни објекти, аеродроми, пристаништа, метроа, железнички станици, стадиони и други места каде има масовно присуство на луѓе се предупредени да внимаваат на жени кои имаат пасоши од западни држави, за кои се верува дека успеале да го преживеат нападот врз кампа на Ал КАеда во Јемен.„Има повеќе лица кои се увежбувани а не се Арапки и немаат никакви досиеја, лица кои воопшто не изгледаат како да се припадници на Ал Каеда и не мораат нужно да бидат мажи, бидејќи во кампот биле обучувани и жени“, изјавил поранешниот советник на Белата куќа, Ричард Кларк, пренесува Daily Mаil.Оваа сознание се темели на сознание добиено пир испитувањето на Нигериецот Умар Фарук Абдулмуталаб кој на 25-ти декември се обиде да го урне авионот кој леташе од Амстердам до Деторит. И самиот тој обучуван за неговиот неуспешен напад во Јемен, рекол дека има уште лица од запад кои со него биле на обука. Досега жени самоубијци од арапско потекло извршија напади во Ирак и Израел, но безбедносните служби сега предупредуваат дека неизоставно ќе следат напади и на западни жени во САД и во Европа.Во Русија исто така ткн. „црни вдовици“, жени од Чеченија кои ги загубиле мажите или некој друг машки член од семејството во судирите со руските безбедносни сили, пред неколку години изведоа самоубиствени и терористички напади.Ова предупредување всушност е причина што британското министерство за внатрешни работи во петок навечер го подигна нивото на узбуна од терористички закани од „висока“ на „опасна“, што според соопштението значи многу веројатна опасност од нападМерката е преземена неколку дена пред одржувањето на двата големи меѓународни собири кои ќе се одвиваат во Лондон, на кои ќе присуствуваат политички претставници од повеќе од 60 држави. Првиот собир е средбата за Јемен, во среда а во четврток ќе се зборува за ситуацијата во Авганистан.