Бискуп близок на поранешниот папа Јован Павле Втори, објавил дека „холокаустот е еврејска измислица“

„Иако е непобитно дека повеќето жртви во концентрационите логори биле Евреи, имаше и Роми, Полјаци, Италијанци и католици“, рекол монсињор Тадеуш Пиеронек на страницата Pontifex.roma.it.„Оттаму, оваа трагедија не смее да биде присвојувана во пропагандни цели“, додава 75-годишниот прелат (бускуп во своевидна пензија) кој тврди дека според него не е историски точно дека во концентрационите логори страдале само Евреи, а дека се премолчува фактот дека во нив страдале и многу Полјаци.Логорот Аушвиц-Биркнау е изграден во 1940 г. на територијата од окупираната Полска и стана симбол на стравотиите на Втората светска војна и холокаустот. Во него се погубени 1,1 милион луѓе, меѓу кои според официјалните извори дури еден милион Евреи. Според Пиеронек, холокаустот се искористува како пропагандно оружје, честопати за да се добие неоправдана предност. „За Евреите добро се пишува во весниците затоа што зад себе имаат моќни финансиери, голема власт и безусловна поддршка од САД, што ги поттикнува на дрскост која станува неснослива“, вели бискупот кој нагласува дека секако тоа во никој случај не може да ја избрише срамотата и искривоколченоста на нацизмот.Во италијанските медиуми за овие изјави се коментира дека доаѓаат во моментот кога повторно се затегнати односите меѓу Католичката црква и еврејската заедница, по одлуката на папата Бенедикт XVI да продолжи со процесот на беатификација на папата Пие XII, кој е критикуван за молчењето во времето на холокаустот.Пред една седмица Бенедикт XVI ја посети римската синагога, заземајќи се за дијалог истакнувајќи ја, како што ја нарече –  заедничката духовна оставнина на еврејската и католичката религија.