Свет
Јануари најсмртоносен за странските војници во Авганистан
Од 1-ви јануари до денеска во Авганистан загинале 44 странски војници, што претставува најголем број во еден месец од почетокот на дветгодишната војна
Според податоците на France Presse која се повикува на специјализираната итнернетска статистичка страница icasualties.org, во јануари 2010 г. во Авганистан загинале 44 странски војници или 19 повеќе во истиот период минатата година. Меѓу загинатите странски војници најбројни се Американците, со 29 жртви или двојно повеќе од лани. Со секоја година се зголемуваат и загубите на меѓународните сили, па так во 2009 загинаа 520 војници, додека, пак, во 2008 г. Бројката загинати изнесуваше 295.Во Авганистан расте и бројката на цивилните жртви. Според податоците на Обединетите нации, во 2009 г. Животите ги загубиле 2.412 цивили, што е најголема бројка досега од почетокот на инвазијата во 2001 г. Странските војници најмногу страдаат од крајпатни мини. Околу 113 илјади странски војници се распоредени во Авганистан, меѓу нив о околу 200 македонски, а до крајот на 2010 г. се очекува оваа бројка да биде зголемена за уште 40 илјади војници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.