Свет
Четиринаесет мртви на училишна забава во Мексико
Вооружена банда на нарко-картел во неделата влегла на училишна забава во градот Сиудад Хуарез и убила 14 тинејџери во еден од најопасните градови на светот
Вооружените напаѓачи излегле од џипови и стрелале врз учениците кои прославувале роденден. Сиудад Хуарез се наоѓа на границата меѓу Мексико и САД и е центар на крвави судири меѓу нарко-картелите за превласт врз илегалните канали за пренесување дроги на американскиот пазар. Очевидци изјавиле дека телата на тинејџерите лежеле на улицата во локви од крв, додека ѕидовите во куќата во која се одржувала забавата биле извалкани со крв и изрешетени со куршуми.Јавната обвинителка Патрисиа Гонзалес изјавила дека најверојатно станува збор за пресметка меѓу нарко-картелите. „Истрагата се движи во две насоки, а една од нив води до трговијата со дроги“, рекла Гозналес. Од 14-те убиени лица, 11 се малолетни, а ранети се уште 14 тинејџери од кои двајца потешко. Сите жртви се на возраст меѓу 15 и 20 години, потврдиле воени претставници.Петнаесетина напаѓачи ги блокирале пристапните улици по што почнале да пукаат пред и во куќата, изјавил портпаролот на мексиканската војска Енрике Торес. Сиудад Хуарез е најопасниот град во последните три години. По војната меѓу бандите за превласт на територијата, насилството не се намали ниту откако беа ангажирани и силни федерални и воени единици. Во 2009 г. во Сиудад Хуарез се убиени околу 2.650 лица, а од почетокот на годинава тие се во пораст, наведуваат локалните медиуми. Во војната од 2006 г. досега во пресметките во Мексико се убиени околу 17 илјади лица. Мексико е главната транзитна точка за шверцување кокаин од Јужна Америка во САД и истовремено е еден од најголемите светски производители на хероин и марихуана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

