Главниот правен советник на Пентагон изјави дека деветмесечното истражување за хомосексуалците во војската на САД најверојатно ќе се прошири и на преиспитување на правилата за орален секс и сoдомија, пренесува Асошиејтед прес

Единствениот законик за воено правосудство забранува сoдомија и орален секс, дури и меѓу возрасни и брачни партнери. Главниот правен советник на воената команда на американката војска Џех Џонсон, кој е еден од водачите на истражувањето за сегашната политика на војската во однос на хомосексуалците, изјави дека планира да ги преиспира сите сексуални аспекти на воениот законик. Истражувањето е под името „Не прашувај, не говори“.На прашање на демократскиот конгресмен од Арканзас, Вик Снидер, дали ревизијата ќе се прошири и на сoдомијата и оралниот секс, Џонсон одговора потврдно. Џонсон во средната сведочеше на сослушувањето пред Одборот за вооружени сили на Претставничкиот дом во Конгресот.Пентагон минатиот месец ја поддржа кампањата за промена на политиката „не прашувај, не говори“. Поддршката стигна од двајца високи претставници на министерството за одбрана кои на сослушување пред Сенатот го подржаа планот на американскиот претседател Барак Обама за укинување на контроверзната политика кон хомосексуалците во војската позната меѓу војниците „не прашувај, не говори“.Сведочејќи пред сенатскиот Одбор за вооружени сили, заповедникот на здружениот стожер адмиралот Мик Мулен, оцени дека “вистинската работа што треба да се направи“ е укинувањето на политиката која бара од хомосексуалците да ја кријат својата сексуална определба. Мулен изјави дека е особено вознемирен од ваквата политика, но дека овие негови мислења се лични и дека говори само од свое име.Од друга страна, високи претставници на Пентагон пак сметат дека укинувањата на ваквата посебна политика кон хомосексуалците може да предизвика проблеми во моралот на војниците, особено на боиште. Тие се залагаат за поинаква интеграција на хомосексуалците во војската која би траела со години.Поддршка на планот на Обама даде и министерот за одбрана Роберт Гејтс.“Во целост ја подржувам одлуката на претседателот. Прашањето не е дали војската треба да ги спроведе ваквите измени, туку како да се подготви за нив“, изјави Гејтс минатиот месец.Потоа формира работна група за да ги истражува различните аспекти на проблемот. Од таа група, деновиве произлегоа и предлозите за полиберален пристап и кон оралниот секс и сoдомијата. Работната група своите конечни предлози треба да ги даде во рок од 45 дена, кој истекува кон крајот на месецот.