Најголемата терористичка мрежа испрати закана за сите Ирачани кои ќе гласаат во недела и прогласи „полициски час“ за да го спречи одржувањето на парламентарните избори

„Исламската држава објавува дека на оние кои ќе излезат за да тој ден учествуваат на изборите и така да му пркосат на Бога, се излагаат на бесот и секое оружје на муџахедините“, објави ирачката ќелија на Ал Каеда во соопштението кое го пренесоа исламистичките интернетски сајтови и американскиот центар за нивен надзор SITE.Во ова соопштение било додадено и дека самопрогласената Исламска држава прогласила „полициски час“ на денот н изборите, во недела, во период од 6 до 18 часот на територијата на цел Ирак а посебно во регионите кои се населени со претежно сунитски верници.Ал Каеда и екстремната муслиманска групација Ансар ал-Суна и пред неколку дена се заканија дека ќе сторат се’ за да ги оневозможат одржувањето на парламентарните избори утре. Ова се втори парламентарни избори во Ирак по американската инвазија од 2003 г. и се оценети како клучни за државата и властите кои треба да докажат дека имаат капацитет да спроведат демократски избори и да ја гарантираат безбедноста во државата.