Повеќе до стотина луѓе се убиени во недела во судирите меѓу муслиманските овчари и христијанските селани во близина на нигерискиот град Хос, каде во борбите во јануари меѓу двете заедници

Жителите од селото Дого Нахава, јужно од Хос, рекле дека овчарите Фулани од околните ридови утрово околу 3 часот по локално време нападнале пукајќи во воздух а потоа сечејќи ги со мачети оние кои излегле одс своите домови.Очевидец на Reuters кој го посетил селото пребројал околу сто тела собрани на куп во селото.Директорот на државната болница во градот, Пам Дантонг на новинарите им покажал 18 тела кои биле довезени од селото, а некои од нив биле запалени. Болнички извори изјавиле дека други тела биле однесени во други болници во Хос.Во јануари во четиридневните насилства според официјалните податоци биле убиени 326 луѓе во Хос, кој е главен град на нигериската сојузна држава Платеа, која се наоѓа меѓу муслиманскиот север и христијанскиот југ.Судири меѓу муслиманските милитанти и нигериската војска се разгоруваат повремено во регионите Борно, Потискум и Јоба. Спорадични пресметки има и во провинцијата Вудилу, на околу 20 километри од Кано, најголем град во северниот дел од Нигерија, како и во Баучи, во една од 12 провинции во северна Нигерија со мнозинско муслиманско население. Таму пред девет години почна да спроведува шеријатско право, што предизвика судири меѓи муслиманите и припадниците на локалното христијанско малцинство, и оттогаш во судирите се убиени повеќе од илјада лица. Нигерија е составена од  вкупно 36 држави и има население од околу 150 милиони, кои речиси по половина се христијани и муслимани.