Свет
Русија и САД пред потпишување на START
Двете водечки супер сили се пред постигнувањето на новиот договор за нуклеарно разоружување, соопштија во четврток американската државна секретарка Хилари Клинтон и нејзиниот домаќин, рускиот министер за надворешни работи, Сергеј Лавров
„Блиску сме до договор и се надеваме дека преговарачите набрзо ќе го објават завршувањето на нивната работа“, изјавил Сергеј Лавров кој додал дека сега треба да се договори што ќе им се предложи на претседателите на државите, вклучувајќи го и датумот и местото каде ќе се потпишат конечните документи.Хилари Клинтон изјавила дека напредокот постигнат во новиот START e, огромен, како што се изразила американската државна секретарка. Според Клинтон, од резултатите на последниот круг од преговорите се насетува дека брзо ќе дојде до конечен договор.Руските и американските преговарачи во последните шест месеци редовно се состануваат во Женева работејќи на изработката на новиот документ кој ќе го замени договорот START 1 кој истече на крајот од 2009 г. Меѓутоа, Клинтон не пропушти да го изрази своето незадоволство од одлуката на Русија кон средината на 2010 г. да ја почне првиот реактор на нуклеарна централа во иранскиот Бушер, оценувајќи ја таа одлука како „прерана“.Рускиот министер за надворешни работи на оваа забелешка возврати дека Бушер е важен за одржувањето на присутноста во Иран на Меѓународната агенција за атомска енергија (IAEA) при Обединетите нации.Градењето на централата во Бушер ја почна германската компанија Siemens пред Револуцијата во 1979 г. Потоа изградбата беше запрена на почетокот од војната меѓу Иран и Ирак во 1980 г., а Русија го продолжи проектот во 1994 г. Инаку Клинтон два дена престојува во Москва официјално заради седницата што во петок ќе ја одржи ткн. Квартетот за Блискиот Исток, составен од претставниците на Европската Унија, Русија, САД и на Обединетите нации, како симбол на меѓународната поддршка на обновениот израелско-палестински мировен процес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина ги повлекува тенковите Абрамс од борба: Пет од нив веќе се уништени во руските напади
Украина ги повлече од борбата тенковите Абрамс М1А1 испратени до неа од САД, делумно затоа што нападите со руски беспилотни летала ја попречија работата на тие тенкови и затоа што тие се цел на напади, изјавија за АП двајца американски воени претставници.
Засега, тенковите се преместени од првите линии на фронтот, а САД ќе соработуваат со Украинците за да најдат нова тактика за користење на тие тенкови, изјавија заменик-претседателот на Здружениот генералштаб, адмирал Кристофер Грејди и неименуван претставник на одбраната.
САД одобрија испраќање 31 тенк Абрамс во Украина во јануари 2023 година, откако украинските власти побараа нивна испорака, тврдејќи дека тенковите, кои чинат по околу 10 милиони долари, се од витално значење за пробивање на руските борбени линии.
Оттогаш фронтот значително се промени, особено поради употребата на руски извидувачки беспилотни летала, што им отежна на украинските сили да ги заштитат тенковите Абрамс од руски напади, бидејќи беспилотните летала брзо ги откриваат, наведува АП.
Агенцијата додава дека пет од 31 тенк Абрамс веќе се уништени во руските напади.
Свет
Јенс Столтенберг: Украина се уште може да ја добие војната против Русија
Генералниот секретар на НАТО Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.
Во четвртокот, на состанокот на непрофитната организација „Атлантски мост“ во Берлин, Столтенберг рече дека членките на НАТО сега треба да го претворат она што и го ветија и обврзаа на Украина во итна испорака на оружје и муниција, објави Киев Индипендент.
„Во последните месеци, членките на НАТО не ја дадоа поддршката што ја ветија“, рече Столтенберг.
Свет
Во Аргентина откриен нов вид диносаурус
Аргентинските палеонтолози објавија дека откриле нов вид диносаурус, наречен Chakisaurus nekul, кој живеел пред околу 90 милиони години во областа на денешна Патагонија.
Chakisaurus nekula е тревојаден диносаурус со средна големина, а фосилот е пронајден во природниот резерват Пуебло Бланко, во јужната провинција Рио Негро, каде што претходно биле пронајдени бројни остатоци од други диносауруси, цицачи и риби.
Се смета дека најголемиот чакисаурус достигнал големина од три метри во должина и 70 сантиметри во висина, а новите студии покажуваат дека овој тип на диносаурус трчал брзо и имал невообичаено закривена опашка, наведува Ројтерс.