Свет
Почна судењето на Џихад Џејн
Американката Колин Лароуз или позната и како Фатима Лароуз на судот во Филаделфија се изјаснила дека не се чувствува виновна по обвинението кое ја товари за терористички заговор и за заговор за извршување убиство во странство
Колин Лароуз е обвинета дека преку интернет планирала заедно со петмина соработници убиство на шведскиот карикатурист Ларс Вилкс заради карикатурата на Мухамед со која муслиманите беа навредени бидејќи ликот на пророкот беше ставен на кучешко тело. Четириесет иседум годишната Лароуз потекнува од Пенсбург во Пенсилванија беше уапсена во 15-ти октомври 2009 г. во Филаделфија.Лароуз позната во американските медиуми како „Џихад Џејн“ или „Фатима Лароуз“, исто така, е обвинета за давање лажни изјави на државни службеници и обид за крадење идентитет. Џихад Џејн и нејзините соучесници кои не се обвинети се осомничени за регрутирање машки лица на интернет „да водата џихад во“ Јужна Азија и Европа, како и жени кои имале пасоши и можност за патувања во Европа за поддршка на насилниот џихад“, се наведува во соопштението на американското министерство за правда.Според американските функционери, апсењето на Лароуз е поврзано со апсењето на седумте лица во Ирска од 9-ти март, обвинети дека подготвувале заговор за убиството на шведскиот карикатурист Ларс Вилкс. Според обвинението, таа украла американски пасош за да „олесни чин на меѓународен тероризам“, добила „директен налог да убие граѓанин и жител на Шведска, и тоа на начин со кој би се заплашил целиот куфар (неверниците). Во обвинението не се идентификува шведскито граѓанин, но американските медиуми од своите извори до биле потврда дека станува збор за карикатуристот Вилкс. Во потврда на ова се наведува дека Лароуз во октомври минатата година патувал во Европа каде ја следела целата настојувајќи да ја изврши задачата.Ако биде осудена, Лароуз се соочува со можноста да добие доживотна казна затвор и милион долари парична казна. Заговорот почнал во јули 2008 г., која таа поставила коментар на Јутјуб под корисничкото име „Џихад Џејн“, напишувајќи дека „очајнички сака да стори нешто за некако да им помогне на муслиманите“, стои во обвинението кое било објавено во медиумите во вторник. Од декември 2008 до октомври 2009 г. Лароуз според обвинението одржувала електронска комуникација со пет соучесници во заговорот за нивната заедничка намера да водат џихад и да станат маченици. Тие го користеле интернетот за да воспостават меѓусебна комуникација и да ги развиваат плановите кои вклучувале саможртвување, собирање средства за терористи, добивање пасоши и избегнување патни ограничувања за да водат џихад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.