Илјадници луѓе ќе имаат можност да учествуваат на вируелната конференција во организација на Агенцијата за меѓународен развој на САД, каде ќе можат да се слушнат и да се кажат многу идеи од области значајни за светот

Тридневната виртуелна конференција „Глобален пулс 2010“ започнува на 29 март, а е со цел да поврзи илјадници луѓе од целиот свет кои ќе зборуваат за најголемите светски предизвици и евентуални решенија. „Сакаме да слушнеме идеи од поединци кои не седат на иста маса со луѓето кои одлучуваат секојдневно“, вели д-р Раџиф Шах, администратор во Агенцијата за меѓународен развој на САД. „За да се соочиме со нашите колективни предизвици, мора да ги искористиме придобивките од денешната технологија што ни овозможува да се поврземе во еден дијалог меѓу индивидуалци и заедници од целиот свет“.Темите на “Глобален пулс 2010 “ се десеете глобални предизвици на полето  на науката и технологијата, економската иднина и човечкиот развој. На конференцијата ќе учествуваат владини лидери, луѓе од приватната индустрија и граѓански организации кои ќе имаат можност да разговараат со влијателни личности кои ќе провоцираат подлабоки размислувања на одредена тема.„Глобалниот пулс 2010“ е спонзоризрана од Агенцијата за меѓународен развој на САД во партнерство со државните оддели за образование, стопаснство и здравсво. Според платформата, учесниците ќе бидат насочувани на дискусиите на темата за која се најмногу заинтересирани. Властите во САД се надеваат дека ќе мотивираат многу поединци да се придружат на овој глобален разговор каде онлајн идеите ќе можат да се претворат во вистински светски акции.