Свет
Прецртување на мапата
Како би изгледала мапата на Европа, кога државите би можеле да си ги бираат соседите, кога би можеле да се направат интервенции во конфигурацијата на теренот? – симулација на британскиот неделник The Economist
Луѓето на кои им е здодеано од нивните соседи, можат да се преселат во друго соседство, но државите не можат. Но, замислете дека можат. Преуредувањето на мапата на Европа би можело да го направи животот многу пологичен или попријателски.
Британија, која ќе треба по генералните избори да се соочи со тешки финансиски проблеми, треба да се помести поблиску до јужните европски земји, кои, исто така, се соочуваат со слични состојби. Би можела да биде извлечена на некоја нова локација блиску до Азурите, западно од Португалија. Ако патувањето се покаже тешко, како по нерамен пат, би било згодно Велс и Шкотска да се одвојат во посебни острови.На местото на Британија, би требало да дојде Полска, која има многу страдано поради својата местоположба, меѓу Русија и Германија, и заслужува шанса да ужива во ветовите на Северниот Атлантик и безбедноста што ќе и’ ја дава водата помеѓу неа и кој и да е потенцијален освојувач.Белгиските бескрајни фламанско-француски препукувања (кои неодамна направија да падне и Владата) мирисаат на централна Европа, особено на глупостите што ги смислува Словачка за нејзиното малцинство што зборува унгарски. Значи, Белгија треба да си го замени местото со Чешката Република. Рамнодушните, добро организирани Чеси одлично ќе излезат на крај со нивните нови соседи, Холанѓаните, и обратно.Белорусија, која е без излез на море и се обидува да се пробие преку Русија, ќе има голма корист од корист блискоста со нордискиот регион, чие влијание играше важна улога во помагањето на Балтикот да го засени нивното советстко наследство. Значи, треба да се помести кон северот, на Балктикот, на местото на Естонија, Летонија и Литванија. Овие три земји треба да се поместат на нова локација, близу до Ирска. Како и Смарагдниот остров, и тие ја биеја битката за „внатрешна девалвација“, сакајќи да си ја обноват конкурентноста преку намалување на платите и цените, наместо да се залагаат за полесната опција, да ја намалат цената на валутата, или со неразумно позајмување, како што тоа го направи Грција. Балтикот исто така ќе биде среќен што ќе биде подалеку од Русија, а поблиску до Америка. Покрај другите преместувања, Калининград би можел да го помести својот брег накај Русија, со што ќе заврши неговиот неприроден статус на ексклава (територија одвоена од матичната држава), наследство од Втората светска војна, отстранувајќи ја секоја можност за некакви идни палавштини на Русија за да си обезбеди железнички транзит.Во просторот испразнет од Полска и Белорусија би требало да дојдат западните и централните делови на Украина. Германија, сега со украинската граница на само 100 километри од Берлин, би требало сериозно да ја сфати европската интергацја на земјата. Украинското поместување, исто така, ќе и’ овозможи и на Русија да се помести кон запад и југ, напуштајќи го Сибир, за да им го препушти на Кинезите, кои и без тоа ќе им го земат, порано или подоцна.На ред доаѓа прераспоредувањето на Балканот. Македонија, Албанија и Косово би требало да си ги заменат местата – Македонија да дојде на местото на Косово, веднаш до Србија; Косово да се премести на местото на Албанија, покрај брегот, а Албанија да се премести кон копното. На тој начин ќе испарат параноидните грчки фантазии за територијални претензии од заблудените Славјани од северот. Босна е премногу кршлива за да се преместува и ќе треба да остане таму каде што е.Многумина често ги мешаат Швајцарија и Шведска, па, ќе биде згодно Швајцарија да се помести кон северот, каде што фино ќе легне меѓу нордиските земји. Нејзината неутралност добро ќе си одговара со Финците и Швеѓаните, а Норвешка ќе биде среќна што ќе има за прв сосед уште една земја што не е членка на ЕУ.Германија и Франција би можеле да останат таму каде што се, но Австрија би можела да се помести кон запад, на местото на Швајцарија, правејќи простор за Словенија и Хрватска да се поместат кон северозапад*. Би можеле да и’ се придружат на северна Италија во нов регионален сојуз. Идеално би било да бидат раководени од дужд (итал. дуче), од Венеција. Остатокот од Италија, од Рим надолу, би требало да се издвои и да и’ се придружи на Сицијлија, основајќи нова држава, официјално нарекувана Кралство на Двете Сицилии (со прекар Бордело). Би можело да стапи во валутна унија со Грција, но – никој друг.*Добредојден страничен ефект на овие промени ќе биде што ќе се направи простор за замислени држави како Руританија од книгите на Ентони Хоуп, Силдавија и Бордурија на Жорж Реми – Ерже, и Вулгарија, земјата од приказната Чити Чити Бенг Бенг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху: Не ја исклучувам можноста за нови напади врз раководството на Хамас, каде и да се
Израелскиот премиер Бенјамин Нетанјаху денес изјави дека не ги исклучува понатамошните напади врз лидерите на Хамас „каде и да се“, додека арапските и исламските шефови на држави одржуваат самит за да покажат поддршка за Катар по нападот од минатата недела врз земјата од Персискиот Залив.
Обраќајќи се на самитот, катарскиот емир Тамим бин Хамад ал-Тани рече дека израелскиот напад бил „кукавички и предавнички“, тврдејќи дека во времето на нападот, лидерите на Хамас го проучувале предлогот за прекин на огнот на САД што им го презентирале Катар и Египет.
Хамас објави дека петмина негови членови се убиени во израелскиот напад, но не и раководството. Еден член на катарските безбедносни сили, исто така, бил убиен.
Зборувајќи заедно со американскиот државен секретар Марко Рубио во Ерусалим, Нетанјаху рече дека Израел сè уште не добил конечен извештај за резултатите од нападот.
Рубио ќе отпатува во Катар по неговата посета на Израел, изјави висок функционер на американскиот Стејт департмент, пренесуваат светските медиуми.
Рубио го повика Катар да продолжи да игра конструктивна улога во решавањето на конфликтот во Газа, велејќи дека тоа би можело да помогне во постигнувањето на целта за ослободување на сите 48 заложници што сè уште се држат во Газа, разоружување на Хамас и градење подобра иднина за жителите на Газа.
Претседателот на САД, Доналд Трамп, посочи дека не е задоволен од нападот и вчера изјави дека Израел треба да биде внимателен.
Фото: принтскрин
Свет
Иран: Непријателите треба да знаат, нашата нуклеарна програма има длабоки корени, не може да биде уништена со воени напади
Шефот на Организацијата за атомска енергија на Иран, Мохамад Еслами, на годишната генерална конференција на Меѓународната агенција за атомска енергија (МААЕ) во Виена изјави дека нуклеарната програма на Иран нема да биде уништена со воена акција. Во исто време, тој ги обвини Израел и Соединетите Американски Држави за нелегални напади врз неговите објекти, пишува Иран Интернешнл.
„Непријателите на Иран треба да знаат дека нашата нуклеарна програма има длабоки корени и не може да биде уништена со воена акција“, рече Еслами во обраќањето пред 69-та Генерална конференција. Тој додаде дека Иран нема да попушти пред политичкиот или воениот притисок и нема да се откаже од своите права.
Шефот на Организацијата за атомска енергија на Иран рече дека соработката на Техеран со МААЕ е „широка и конзистентна“, но ја обвини агенцијата дека не ги осуди она што тој го нарече акти на агресија против нуклеарните објекти на Иран.
„И покрај нашите официјални барања, агенцијата не ги осуди нападите на САД и Израел врз нуклеарните објекти на Исламската Република“, рече тој. „Ова молчење и неактивност ќе останат дамка во историјата на агенцијата“.
Еслами, исто така, ги критикуваше европските напори за активирање на механизам за „враќање“ за повторно воведување на санкциите на Обединетите нации врз Иран, нарекувајќи ги нелегални.
Тој рече дека нуклеарниот договор од 2015 година, официјално познат како Заеднички сеопфатен план за акција (JCPOA), покажал дека дипломатијата може да успее, но тврдеше дека бил поткопан од западните земји. „Денес, на годишнината од JCPOA, гледаме нелегални обиди за активирање на механизмот за враќање“, рече тој. „Овие напори се исмејување на Резолуцијата 2231“.
Еслами, исто така, рече дека израелските напади врз нуклеарните објекти на Иран беа насочени не само кон инфраструктурата, туку и кон самата дипломатија.
„Целта на ционистичкиот режим не е само да ги уништи нашите нуклеарни центри, туку и да го блокира патот кон дипломатијата и мирот“, рече тој. Еслами објави дека Иран ќе поднесе резолуција на конференцијата со која ќе се забранат нападите врз нуклеарните постројки и ќе одржи состаноци со земјите што соработуваат со Техеран.
Фото: принтскрин
Свет
Рубио во Израел: Сите заложници мора веднаш да се вратат дома
Државниот секретар на САД, Марко Рубио, изјави дека сите заложници мора веднаш да се вратат дома и дека Хамас мора да биде „уништена“ како вооружена група.
Зборувајќи на прес-конференција во Ерусалим, Рубио рече дека американскиот претседател Доналд Трамп е сè уште посветен на овие цели, објавува „Тајмс оф Израел“. Рубио, исто така, истакна дека Иран им се заканува не само на Израел и САД, туку и на сојузниците од Персискиот Залив и Европа. Тој рече дека нуклеарниот Иран е „неприфатлив ризик“ за светот.
Рубио го критикуваше Хамас за неговиот „неспоредлив варваризам“ и додаде дека народот на Газа не може да има мир или подобра иднина сè додека Хамас не биде разоружан и сите заложници не бидат вратени дома. „Фокусирани сме на тоа што ќе се случи следно“, рече американскиот државен секретар Марко Рубио, осврнувајќи се на израелскиот напад во Доха минатата недела.
Државниот секретар на САД пристигна во Израел за да му го пренесе на израелскиот премиер Бенјамин Нетанјаху незадоволството на САД од неодамнешниот израелски напад врз Доха, Катар, под изговор дека го напаѓа седиштето на Хамас. Пред состанокот, тој најави дека ќе разговара со Нетанјаху за воените планови на Израел за окупирање на градот Газа, како и за намерата на Израел да анектира делови од окупираниот Западен Брег.
Фото: принтскрин
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...
Скопјанeц ги убил девојката и татко и во Велес, па се самоубил
Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...
Нема зголемена радијација во почвата и воздухот по пожарот во Трубарево, соопшти ИЈЗ
Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...
Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате
Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...
Ноќеска Итната помош 13 пати интервенирала во Трубарево, едно лице е пренесено на Токсикологија
Во текот на изминатата ноќ заклучно со попладнево во реонот на Трубарево се извршени 13 интервенции од Итната медицинска помош,...
Повреден 18-годишник, велосипедист во Чаир испукал кон него неколку куршуми и избегал
Ноќеска ургентниот центар на комплексот клиники „Мајка Тереза“ во полиција пријавил дека кај нив е донесен 18-годишник повреден од огнено...
(Видео) Ангелов: Пожарот во Трубарево е целосно изгаснат, состојбата во „Дрисла“ е драстично подобрена
Пожарот во Трубарево е целосно изгаснат, целата опожарена површина е затрупана со песок и земја. Утрово покажуваше на неколку места...
(Видео) Хибридниот напад од странски центри е смешно алиби за неспособност на Мицкоски, вели Филипче
Претседателот на СДСМ, д-р Венко Филипче, денеска силно ги нападна изјавите на премиерот Мицкоски дека државата била цел на хибриден...
За да нема чадење од „Вардариште“, треба да се најде пристоен дом за над 200 луѓе што живеат среде депонијата, а некои од нив потпалуваат, вели Тошковски
Во решавање на проблемот со депонијата „Вардариште“ треба да се вклучат сите институции, да им се најде соодветен дом на...
(Видео) „Дуото Апасиев – Мециновиќ си пикнало во џебот милиони од партијата Левица, а на поддржувачите им велат донирајте ни пари“, вели Манасиевски
„Дуото Апасиев-Мециновиќ си пикнало во џеб милиони од Левица, а на поддржувачите им велат донирајте ни пари. Глумците Апасиев и...
(Фото) Презентирано визуелното решение за новата Универзална сала
Денеска, пред македонската јавност беше презентирано визуелното решение за новата Универзална сала – модерен и функционален објект, кој ќе го...
(Видео) Граѓаните го блокираа мостот „Близнаци“: секој ден без акција значи уште еден ден вдишување отрови
Граѓаните, утрово, од 7.30 часот, еден час ја блокираа крстосницата кај мостот „Близнаци“ помеѓу општините Аеродром и Гази Баба. „Овој...
(Видео) Запленети 204 банкноти и монети за колекционерски цели
Запленети се 204 банкноти и монети за колекционерски цели, чија вредност е проценета на 700 илјади денари. Случајот е откриен...
„Скопје се труе, Изет се крие: од потпретседател на Али Ахмети, заврши како портпарол на Мицкоски“, велат од ДУИ
„Демократската унија за интеграција изразува длабока загриженост за еколошката катастрофа што го погоди главниот град по избувнувањето на пожарот во...
„Доста беа приказни, за еколошката катастрофа во Скопје мора да има политичка и кривична одговорност“, велат од СДСМ
„Македонија има неспособна власт која раскажува приказни додека горат депонии и фабрики, а граѓаните ја плаќаат цената со сопственото здравје....
Двајца претепале човек во Паркот на жената борец: починал во болница, Обвинителството бара притвор
Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано...
Побаран притвор за четири лица во врска со пожарот во Трубарево
Скопското Обвинителство поведе постапка против четири лица поради сомнение за загрозување на животната средина и природата со отпад, во врска...
Се користи специјална пена врз песокта за да се доизгасне чадењето во Трубарево
Од опожарениот простор во Трубарево моментално има слабо чадење само од неколку места кои веќе се затрупани, информира директорот на...
Онлајн настава една недела во четири училишта во Гази Баба поради пожарот во Трубарево
Министерството за образование и наука информира дека наставата во основните училишта „Крум Тошев“, „Његош“, „Вера Јоциќ“ и „Наум Наумовски Борче“...
(Видео) Командантот на пожарникарите раскажа како се гаснел пожарот во Трубарево – на помош добиле хемиска пена, па стигнал и песокот
Скопските пожарникари во изминатите два дена интервенирале со целокупниот капацитет при големиот пожар во магацините за пластичен и електронски отпад...
