Свет
Седум убиени во бомбашки атентат во Авганистан

Седум авганистански полицајци се убиени во недела во експлозија додека нивното возило било во патрола во покраината Бадакшан во североисточниот дел од земјата, потврдиле локални службеници за AFP
„Оваа бомба беше активирана со далечински управувач. Атентатот им го припишуваме на бунтовничките групи“, изјавил вецегувернерот на покраината Бадакшан.Во друг одвоен инцидент во планините Баглан северно од Кабул, авганистанските единици и на НАТО со поддршка на авијацијата убиле 18 борци на локална група која е поврзана со талибаните. Сличен напад талибанските бунтовници во сабота извршија и врз полциски конвој во источната провинција Пактиа, при што убија пет полицајци. Потоа нападнатите полицајци побарале воздушна поддршка од НАТО силите, чии авиони ги ракетирале позициите на бунтовниците, при што биле убиени два и ранети шест нивни борци.Талибаните во сабота објавија дека по тешки борби успеале да заземат и да воспостават власт во Барг Матал во источната провинција Нуристан по петдневни жестоки битки со припадниците на авганистанската полиција и паравоените сили кои се во сојуз со владата во Кабул. Стотиците борци на талибаните, во чии редови имало муџахедини и од Пакистан и од Чеченија, од понеделникот го нападнаа овој округ, но досега тие наидуваа на жесток отпор од помалубројната авганистанска полиција во Нуристан.Авганистанските талибани се кренаа на бунт откако меѓународната коалиција која ја предводеа САД ги собори од власт во 2001 г, откако тие завладеаја за земјата во 1996 г.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
„Повредите им се тешки, изгорениците покриваат и до 28% од кожата“: се огласија лекарите од Ургентниот центар во Белград

Најмалку 59 лица загинаа во пожар што избувна ноќта меѓу саботата и неделата во дискотеката „Пулс“ во Кочани. Најмладата жртва имала само 14 години. Меѓу повредените има 150 лица, а 12 пациенти биле донесени во Белград во неделата вечерта со авион на војската на Србија, од кои некои се во Ургентниот центар во Белград.
„Девет пациенти се примени на Ургентниот центар, а тројца се на ВМА. Дијагностичките процедури беа започнати и завршени за пациентите веднаш по приемот. Станува збор за повреди од изгореници кои зафатиле помеѓу два и 28 проценти од површината на телото. Сите пациенти покажуваат симптоми и знаци на оштетување или контакт со токсични гасови произведени за време на пожарот, но некои имаат и изгореници на горните дишни органи и тие се класифицирани како сериозни повреди опасни по живот“, изјавија од Ургентниот центар во Белград, пренесе Танјуг.
„Засега немам дополнителни информации дали ќе дојдат уште пациенти, но ние сме подготвени за тоа. Тешко е да се зборува за прогнози за изгореници, но тоа ќе стане јасно во наредните денови. Нашите пациенти се млади, на возраст од 18 до 35 години, тие се рехабилитирани и нивниот третман продолжува бидејќи тоа е долготраен процес кој бара недели лекување. Еден пациент е на механичка вентилација и е најтешко повреден“, изјавија за медиумите од Ургентниот центар во Белград.
Регион
Бугарија обезбедува превоз и сместување за семејствата на повредените во пожарот во Кочани

Бугарските дипломати обезбедуваат превоз од Македонија до Бугарија и гарантираат дека оние што ќе пристигнат ќе имаат каде да се сместат.
Амбасадата на Бугарија во Скопје, заедно со Ситуациониот центар на Министерството за надворешни работи, помага во транспортот и сместувањето на роднините и пријателите на повредените од пожарот во Кочани, Македонија, кои се пренесени во бугарските болници, јави БГНЕС.
Бугарската држава прими 14 од повредените, кои беа пренесени со воен авион „Спарта“ и шест амбулантни возила.
Бугарската амбасада во Скопје ги известила најблиските членови на семејството на лицата кои се лекуваат во Софија, Пловдив и Варна дека Бугарија е подготвена да им обезбеди превоз и сместување за потребниот период на лекување.
Свет
(Видео): Двегодишно момче во САД пронашло пиштол и го застрелало својот близнак

Двегодишно дете е во болница откако случајно било застрелано од неговиот брат близнак, пишува Дејли мејл. Полицијата на округот Хенри одговори на дојавата за пукање во дом во Хемптон, Џорџија, пред пет дена околу пладне. Детето, чиј идентитет и пол не се објавени, било пренесено со хеликоптер од домот на 200 Robin Hood Lane, во мирна населба јужно од Атланта.
Службениците за итни случаи од пожарникарската и спасувачката служба на округот Хенри му пружиле прва помош на детето на местото на настанот пред да биде пренесено во болница. Според официјалните информации, детето е оперирано и сега е во стабилна состојба. Полицијата ја опколи куќата во која се случи престрелката. Жителите на населбата изјавија за Fox5 дека полицајците блокирале дел од улицата додека трае истрагата.
Истражителите веруваат дека братот близнак на детето го пронашол пиштолот и случајно го испукал. Засега не се знае кој го поседува оружјето и за каков тип на пиштол се работи, а за инцидентот засега никој не е обвинет.
На фотографиите од местото на настанот се гледа како инспекторите ја пребаруваат еднокатната куќа, која е одвоена од остатокот од улицата со полициска лента. Пред куќата може да се видат детски играчки, вклучувајќи мал автомобил и кошаркарски обрач.