Меѓународната организација за човекови права Human Rights Watch, минатата седмица објави извештај за злоупотребата на децата како работна сила во кој е апострофиран случајот дека во Казахстан деца го обработуваат тутунот кој и’ се продава на компанијата „Филип Морис“

Набљудувачите на Human Rights Watch на 115 страници документирале дури 72 случаја од различни казахстански земјоделски стопанства на кои деца на возраст од само десет години го берат тутунот кој се продава на компанијата на најпознатиот бренд цигари. „Децата работат честопати и по 13 часови дневно, и тоа во ропски услови“, се нагласува во извештајот на организацијата. Овој извештај бил направен врз основа на извршени интервјуа со 68 лица кои работеле на тутуновите полиња во оваа средноазиска држава, кои се кооперанти на „Филип Морис“.Во ова истражување кое започнало в октомври минатата година кога претставници на Human Rights Watch контактирале со раководството на Philip Morris, и оттогаш задно дејствуваа на мерки против оваа практика. Меѓутоа организацијата во овој извештај нагласува дека во меѓувреме компанијата која од казахстанските фирми минатата година откупила 1.500 тони тутун, не го применувал тоа што било договорено. Според извештајот, ропскиот однос е особено изразен кај сезонските работници кои во Казахстан доаѓаат од соседните поранешни советски републики Киргистан и Узбекистан. Делумно, како што се наведува во извештајот на Human Rights Watch, тоа се случува и затоа што казахстанските власти не сфаќаат дека мора да ги штитат човековите права на имигрантите, дури и ако тие во земјата престојуваат илегално.Меѓу интервјуираните лица биле членови на шест семејства кои завршиле во ропство на приватни имоти во Казахстан. На пример, сопствениците ги плаќале дури на крајот од кампањата на тутуновите полиња, значи по осум или девет месеци, а за тоа време тие целосно биле зависни од сопствениот а во некои случаи дури биле присилувани и храната да ја купуваат од него. Во други случаи, пак, сопствениците им соопштувале дека илегалните сезонски работници им должат на газдите, па морале да работат уште една сезона за да им ги отплатат наводните долгови, а некогаш одработувале бесплатно за да ги отплатат измислените долгови ко посредниците кои им ја наоѓале работата во Казахстан. Според Human Rights Watch, според овие податоци, во овие случаи станува збор за недозволена трговија со луѓе, бидејќи на работниците им биле одземани и пасошите. Организацијата во дополнување на овој извештај го дава и мислењето на експертите за кои берењето тутун е најлошиот облик на искористување на децата како работна сила. Затоа што според медицинските мерење, берачите на тутун само во еден работен ден можат да бидат изложени на количество никотин кои се состои во 36 просечно силни цигари. Бидејќи никотинот од листовите на тутунот се апсорбира и преку кожата, кај работниците на тутуновите полиња секогаш постои опасност од заболување од ткн. болест на зелениот тутун, во минатото доста раширена и во Македонија, особено до 1930-те во Скопје, Прилепско, Велешко и Струмичко каде најмногу се одгледувал и обработувал тутунот.