Во годишниот извештај за тероризмот објавен во четврток од американскиот Стејт департмент посветен е дел и на терористите од Северен Каваказ , за кои се забележува дека во 2009 г. преземале и планирале масовни напади врз официјални лица

„На Северен Кавказ терористички групи минаа од масовни напади врз цивили во насочени напади против претставници на полицијата, локалните власти и агенциите вклучени во борбата против бунтовниците“, се вели во годишниот извештај на американскиот Стејт департмент посветен на светскиот тероризам.Како пример за ваквата терористичка активност американските стручњаци во извештајот го наведуваат нападот од 22 јуни во кој за малку не загина претседателот на Ингушетија, Јунус-Бек Евкуров. Нападите во Русија честопати тешко може да се разликуваат од злосторствата мотивирани заради грабеж или од одмазда, се наведува во делот од американскиот извештај за тероризмот во Русија. „Според политички претставник на претседателот на Јужниот федерален округ, во 2009 г. во Северен Кавказ се направени речиси 80 терористички напади, што е 30 отсто повеќе отколку од 2008 г. Сепак, многу напади тешко може да се разликуваат од злосторства мотивирани од алчност или одмазда“, се вели во документот. Во извештајот се резимираат информациите за терористички напади во Русија во 2009 г., од кои најголем простор му е посветен на нападот за врз луксузниот воз „Невски експрес“, на линијата Москва – Санкт Петербург од 27 ноември минатата година во кој загинаа 28 луѓе.  Според вашингтонскиот Центар за стратегиски и меѓународни студии, само во Чеченија во 2009 г., имало 16 напади, вклучувајќи и самоубиствени бомбашки напади, додека во 2008 г. имало само четири.Русија презема мерки за борба против тероризмот, вели Стејт Департментот. Меѓу овие мерки, се нагласува декретот на рускиот претседател Дмитриј Медведев за изменување и дополнување на законот за борба против тероризмот, како и измените и предавањето на клучните овластувања во борба против тероризмот од ФСБ во рацете на Министерството за внатрешни работи на Чеченија. Исто така, се збаележува дека Русија е активен учесник во меѓународната борба против екстремизмот, вклучително и во рамките на евроазиската група за борба против перењето пари и финансирањето на тероризмот. Особено во документот е посветен простор на достигнувањата на заедничката руско-американски анти-терористичка работна група. „Правосудните органи на САД и Русија одржуваат размена на значајни и конкретни разузнавачки информации за тероризмот“, се констатира во извештајот. САД и Русија инаку заедно го иницираа создавањето на глобалната иницијатива за борба против нуклеарниот тероризам, потсетуваат авторите на извештајот. Особено се одбележува одржаниот Осми меѓународен состанок на шефовите на разузнавачките служби, правосудните власти и безбедносните агенции одржан во Русија, во јуни 2009 г.