Свет
Двајца мртви 18 ранети во серија експлозија во Ирак

Двајца Ирачани се убиени а 18 се ранети во бомбашки напади во Ирак во неделата наутро, соопшти ирачката полиција
Во западната ирачка покраина Анбар, експлодирал автмобил паркиран близу училиште во градчето Ал-Шурта во близина на Фалуџа, 50-ина километри западно од Багдад, при што загинале две лица, потврдил полициски извор од провинцијата. Во главниот град Багдад бомба одекнала во автобус паркиран во центарот на градот, оштетувајќи неколку возила, изјавил извор од министерството за внатрешни работи на Ирак за кинеската агенција Синхуа, кој барал да остане анонимен. Исто така, три крајпатни бомби експлодирале во населбите Мансур, Кандхмија и Баија, ранувајќи четири сообраќајни полицајци и еден цивил, изјавил изворот. Во грдот Дијала, шест лица се повредени во експлозија на бомба пред куќа во градот Абу Саида, околу 80 километри североисточно од Багдад. Во северниот дел од Ирак, гувернерот на провинцијата Нинива, Атил ал-Нуџаифи избеганал синхронизирани експлозии на две крајпатни бомби кои експлодирале кога минувал неговиот конвој во населбата Даваса во центарот на провинцискиот главен град Мосул, околу 400 километри северно од Багдад. Двете експлозии оштетиле еден од автомобилите од конвојот и раниле три полицајца. Нуџаифи е сунитски Арап гувернер на покраината Нанива и ја предводеше листата на партијата Иракиа предводена од поранешниот министер Ајад Алави. Тој беше цел бомбашки напади неколкупати, бидејќи тој го освои мнозинството на места во провинцискиот избори во почетокот на 2009 г.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија и Украина утре ќе разменат 175 воени заробеници

Русија и Украина утре ќе разменат 175 воени заробеници од двете страни, изјави претседателот Владимир Путин за време на телефонскиот разговор со неговиот американски колега Доналд Трамп.
-Путин објави дека на 19 март руската и украинската страна ќе разменат по 175 затвореници, се вели во соопштението на Кремљ.
Белата куќа, од своја страна, објави дека Трамп и Путин се договориле за 30-дневен прекин на огнот во енергетскиот и инфраструктурниот сектор на Украина и дека преговорите за ставање крај на конфликтот ќе започнат „веднаш“.
Тие разговори ќе бидат на Блискиот Исток, соопшти Белата куќа, пофалувајќи ги „огромните придобивки од подобрените односи“ меѓу САД и Русија
Свет
Трамп: Со Путин е договорен прекин на огнот за енергетските и инфраструктурните објекти

Американскиот претседател Доналд Трамп изјави дека во денешниот телефонски разговор со неговиот руски колега Владимир Путин се договорил за итен прекин на огнот меѓу Русија и Украина во сите енергетски и инфраструктурни објекти.
„Се согласивме на итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп на Truth Social.
Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат“.
„Тој процес сега е во полна сила и ефект, и се надеваме, заради човештвото, дека ќе ја завршиме работата“, рече Трамп.
Свет
Гутереш ги повика Израел и Хамас целосно да го почитуваат прекинот на огнот во Газа

Генералниот секретар на Обединетите нации Антонио Гутереш денеска ги повика Израел и палестинската милитантна група Хамас целосно да го почитуваат прекинот на огнот во Појасот Газа.
Тој рече дека Палестинците во Појасот Газа се подложени на „неподносливо страдање“ додека израелските напади продолжуваат немилосрдно.
Гутереш им рече на новинарите во Женева дека улогата на ОН е меѓународната заедница да изврши притисок врз Израел и Хамас целосно да го почитуваат прекинот на огнот во Појасот Газа, пренесе Ал Џезира.
Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.