Свет
Пентагон ја укинува Командата на здружените сили

Американскиот министер за одбрана Роберт Гејтс, најави низа мерки за намалување на трошоците во функционирањето на Пентагон, кое ќе почне со укинување на една од главните команди и десет процентно намалување на буџетот за кооперантите, пишува Reuters
Одбранбениот министер на САД, Роберт Гејтс има намера да ја укине Команданта на дружените сили чија база е в Вирџинија и да организира увежбување и распоредување на војниците од различните единици и родови кои треба да дејствуваат заеднички. Оваа команда има годишен буџет од 240 милиони долари. Поштеден од општото кастрење на трошоците на сите нивоа во САД, буџетот на Пентагон за 2011 г. е за малку зголемен и изнесува 700 милијарди долари, во што се пресметани и парите за водењето ан војните во Ирак и во Авганистан. И покрај тоа, Пентагон најави дека има намера да заштеди 100 милијарди долари во идните пет години. Од 2001 г. до сега, буџетот за одбрана на САД е повеќе од удвоен. Буџетот кој се издвојува за Пентагон е првата ставка од Буџетот на Соединетите држави и сочинува 40 отсто од вкупните средства во светот кои се издвојуваат за одбраната.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Со Путин е договорен прекин на огнот за енергетските и инфраструктурните објекти

Американскиот претседател Доналд Трамп изјави дека во денешниот телефонски разговор со неговиот руски колега Владимир Путин се договорил за итен прекин на огнот меѓу Русија и Украина во сите енергетски и инфраструктурни објекти.
„Се согласивме на итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп на Truth Social.
Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат“.
„Тој процес сега е во полна сила и ефект, и се надеваме, заради човештвото, дека ќе ја завршиме работата“, рече Трамп.
Свет
Гутереш ги повика Израел и Хамас целосно да го почитуваат прекинот на огнот во Газа

Генералниот секретар на Обединетите нации Антонио Гутереш денеска ги повика Израел и палестинската милитантна група Хамас целосно да го почитуваат прекинот на огнот во Појасот Газа.
Тој рече дека Палестинците во Појасот Газа се подложени на „неподносливо страдање“ додека израелските напади продолжуваат немилосрдно.
Гутереш им рече на новинарите во Женева дека улогата на ОН е меѓународната заедница да изврши притисок врз Израел и Хамас целосно да го почитуваат прекинот на огнот во Појасот Газа, пренесе Ал Џезира.
Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.
Свет
Ница ја погоди земјотрес со јачина од 4,1 степени

Земјотрес со јачина од 4,1 степени според Рихтер вечерва ја погоди областа во близина на францускиот град Ница, соопшти Европскиот медитерански сеизмолошки центар (EMSC).
Земјотресот се случил на 16 километри северно од Ница, каде живеат околу 340.000 жители, додава EMSC.
Земјотресот се случил на длабочина од десет километри.