Свет
На шест милиони Пакистанци им треба итна хуманитарна помош

На шест милиони луѓе во Пакистан кој е погоден со најлошите поплави во последните 80 години итно им е потребна хуманитарна помош за да преживеат, оценија во вторник претставниците на Обединетите нации кои ги повикаа меѓународните фондации да соберат за таа цел неколку стотини милиони долари
„Во овој момент концентрирани сме на шест милиони лица на кои најитно им е потребна хуманитарната помош, на кои помошта им е потребна едноставно за да преживеат“, изјави портпаролката на Канцеларијата за координација на хуманитарните прашања при ОН, Елизабет Бирс. На прес-конференцијата во Женева, Бирс изјавила дека процените на пакистанските власти се дека од поплавите сериозно се загрозени околу 14 милиони луѓе, бидејќи има ралзични степени на погоденост на населението, од оние кои повеќе немаат домови, до оние кои буквално немаат ништо за јадење.Во среда во Обединетите нации во Њујорк во присуство на пакистански функционери ќе биде упатен апел до хуманитарните меѓународни фондации за финансиска помош на загрозеното население. Како ште се најавува во информацијата на Reuters, апелот ќе го упати потсекретарот на ОН за хуманитарни прашања, Џон Холмс, а бројката на загрозените кои први ќе добијат помош допрва ќе се одредува. Генереалниот секретар на ОН, Бан Ки-Мун во понеделник изјави дека со донациите ќе се направи обид да се соберат повеќе стотини милиони долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Папата Франциско: Болеста ми помогна појасно да ја видам апсурдноста на војната

Папата Франциско, кој беше хоспитализиран поради пневмонија, преку писмо повика на прекин на војните и на дипломатски решенија за конфликтите.
Во писмото до весникот „Кориере дела сера“ папата рече дека неговата долга болест му помогнала да му стане уште појасна апсурдноста на војната и го обновил својот повик до дипломатијата и меѓународните организации да најдат нова виталност и кредибилитет.
Папата укажа и на важноста на зборовите велејќи дека „мора да ги разоружаме зборовите, да ги разоружаме умовите и да ја разоружаме Земјата“. Претходно денеска, Бакингемската палата потврди дека кралот Чарлс ќе се сретне со папата Франциско меѓу 7 и 10 април и покрај болеста на католичкиот водач.
Папата (88) беше примен во римската болница „Гемели“ на 14 февруари со тешка респираторна инфекција и оттогаш не е виден во јавноста, пренесува „Танјуг“.
Регион
Во хрватскиот Сабор едноминутно молчење за загинатите во Македонија

Хрватскиот Сабор, денеска, со едноминутно молчење им оддаде почит на 59-те лица што завчера загинаа во пожарот во Кочани, Македонија.
„Загубени се многу млади животи и во име на хрватскиот Сабор сакам да изразам сочувство до семејствата на жртвите и да им посакам брзо закрепнување на повредените“, изјави претседателот на Собранието, Гордан Јандроковиќ.
Во пожарот што завчера избувна во „Пулс“ во Кочани загинаа 59 млади лица, а повеќе од 150 се повредени.
Свет
Кремљ го објави времето за почеток на разговорите Трамп – Путин

Кремљ потврди дека телефонскиот разговор меѓу Владимир Путин и Доналд Трамп ќе се одржи денеска, со почеток во 14 часот по македонско време (16 часот по московско време).
Американскиот претседател пред телефонскиот разговор со Путин изјави дека многу елементи од мировниот договор во Украина се веќе договорени со неговиот руски колега.
Во своето ноќно обраќање во понеделникот украинскиот претседател Володимир Зеленски го обвини Путин за продолжување на војната. „Овој предлог можеше одамна да се спроведе“, рече тој додавајќи дека „секој ден во време на војна значи човечки животи“.