Свет
Путин: Нема да има потреси во 2012-та
Путин за себе и за претседателот Медведев рече дека се луѓе од една партија и дека нема да има никакви „потреси“ во 2012 г., кога треба да се одржат претседателските избори, изјавил за новинарите германскиот политиколог Александар Рар, по состанокот на рускиот премиер со учесниците на форумот
Како што пренесуваат руските новински агенции, Александар Рар нагласил дека и минатата година на заедничкиот состанок на учесниците на престижниот Валдаи клуб на чии дебати учествуваат научници од разни сфери од целиот свет, рускиот премиер Владимир Путин, за себеси и за рускиот претседател Дмитриј Медведев рекол дека се „луѓе со иста крвна група“. „Годинава тој рече: Ние сме исти луѓе – се замисли и додаде – на една партија“, рекол Рар цитирајќи го рускиот премиер.Еден член на Валдаи клубот присутен на средбата во понеделник направил споредба на рускиот тандем со владејачкиот тандем во Велика Британија.„Путин објасни дека заедно тие ја разработуваат стратегијата за развој на Русија и истовремено ја реализираат, што е еден од балезите на тандемите, кои секако постојат и во другите земји“, додал Рар.„Има конкуренција, но тоа е една сила, еден тим“, го цитира познатиот германски политиколог Путин.Според Рар, рускиот премиер рекол дека одлуката ќе ја донесат заедно со Медведев, но дека во 2012 г. нема да има изненадувања и потреси. Тоа всушност речиси истата изјава што и минатата година Путин им ја даде на странските новинари учесници на состанокт на шефови на влади и членовите на меѓународниот форум Клуб Валдаи, кои ги итнересира каков ќе биде односот меѓу првите луѓе на Русија за кои се шпекулира дека влегуваат во тивка необјавена конкурентска битка. „Во 2012 г., заедно ќе размислиме при што ќе ги земеме предвид тогашните реалности, нашите лични планови, состојбите на политичката сцена и како стои партијата Обединета Русија, по што ќе донесеме одлука”, рече минатата година во септември Путин. Од ланската и од годинешнава изјава може да се заклучи дека Путин не ја исклучува можноста за уште една претседателска кандидатура во 2012 г., но тој во секој случај смета дека нема да има претседателска трка меѓу него и Медведев.Спротивно од Рар, портпаролот на рускиот премиер, Дмитриј Песков, одговорот на Путин за прашањето за тандемите, го толкува сосема поинаку. Според Песков, премиерот одговорил дека станува збор за два сосема различни тандема.„Таму заедништвото на спротивностите е заради краткорочни цели, тука, пак, единството во ставовите е во име на севкупната стратешка насока, при што ние лично имаме учество“, го цитира портпаролот својот премиер.Reuters, пак, тврди дека Путин искажал колебливост во врска со кандидатурата на рпетседателските избори во 2012 г.Според репортерот на агенцијата рускиот премиер објаснил дека пред изборите „ќе се реши што е најдбро за Русија, но дека ниту тој, ниту неговиот сојузник, претседателот Дмитриј Медведев, нема да дејствуваат спротивно на уставот“.„Се уште не сме решиле што е најдобро за Русија“, рекол Путин во Сочи, цитира Rеuters, што е уште едно повтроување на минатогодишната негова изјава по истото прашања.И Путин и Медведев во повеќе наврати навестија дека еден од нив ќе бдие кандидат за руски претседател во 2012 г. и дека за то а однапред ќе се договорат кој ќе биде тоа. Во Русија претседателот има шестгодишен мандат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Премиерот на Гренланд: Ако треба да избереме помеѓу САД и Данска, ја бираме Данска
Премиерот на Гренланд изјави дека доколку неговиот народ мора да избере „тука и сега“, ќе ја избере Данска пред САД.
Изјавата на Јенс-Фредерик Нилсен, дадена на заедничка прес-конференција со данската премиерка, е најсилната порака од полуавтономната данска територија откако американскиот претседател Доналд Трамп го обнови својот план за нејзина анексија, објави Би-би-си.
Трамп тврди дека САД треба да го „поседуваат“ Гренланд за да се одбранат од Русија и Кина.
Белата куќа предложи купување на островот, но не ја исклучи можноста за употреба на сила за негово анексија. Данска е членка на НАТО, а премиерката Мете Фредериксен предупреди дека воената акција би значела крај на трансатлантската одбранбена алијанса.
Локацијата на Гренланд помеѓу Северна Америка и Арктикот го прави идеален за системи за рано предупредување од ракети и за следење на бродови во регионот, и покрај тоа што е најретко населено подрачје во светот. Трамп постојано повторува дека Гренланд е клучен за националната безбедност на САД, тврдејќи без докази дека е „покриен со руски и кинески бродови насекаде“.
САД веќе имаат повеќе од 100 војници трајно стационирани во базата Питуфик во северозападен Гренланд, објект што го управуваат од Втората светска војна. Според постојните договори со Данска, САД имаат овластување да донесат колку војници сакаат во Гренланд. Но, Трамп им рече на новинарите во Вашингтон минатата недела дека договорот за закуп не е доволен – САД „мора да имаат сопственост“ и „НАТО мора да го разбере тоа“.
На прес-конференција во Копенхаген, Фредериксен го осуди „целосно неприфатливиот притисок од нашиот најблизок сојузник“ и предупреди дека „многу индикации се дека најпредизвикувачкиот дел е пред нас“. Премиерот на Гренланд рече дека се соочуваат со „геополитичка криза“, но дека позицијата на островот е јасна.
„Ако треба да избираме помеѓу САД и Данска тука и сега, ние ја избираме Данска“, рече тој.
„Едно нешто мора да им биде јасно на сите. Гренланд не сака да биде во сопственост на САД. Гренланд не сака да биде управуван од САД. Гренланд не сака да биде дел од САД.“, додаде тој.
Европа
Поранешни вработени го обвинија Хулио Иглесијас за сексуална злоупотреба, откриени детали
Шпанскиот пејач Хулио Иглесијас е обвинет за сексуален напад од страна на две поранешни вработени, кои тврдат дека биле подложени на „несоодветно допирање, навреди и понижување во атмосфера на контрола и постојано вознемирување“. Обвинувањата беа објавени по тригодишна истрага, објавува „Гардијан“.
Жените, куќна помошничка и физиотерапевт вработени во вилите на Иглесијас во Доминиканската Република и на Бахамите, тврдат дека наводните напади се случиле во 2021 година.
Тригодишна истрага
Обвинувањата произлегуваат од заедничка истрага на шпанскиот портал elDiario.es и телевизиската мрежа Univision Noticias, кои собраа сведоштва од 15 поранешни вработени кои работеле за 82-годишниот пејач помеѓу крајот на 1990-тите и 2023 година.
„Интервјуата ги опишуваат условите за изолација на жените, работните спорови, хиерархиската структура на персоналот и напнатата атмосфера создадена од избувливата природа на Иглесијас“, се вели во својот извештај на elDiario.es.
„Двете жени кои го пријавија сексуалниот напад беа интервјуирани повеќе пати во период од повеќе од една година и нивните искази останаа конзистентни. Нивните искази беа поткрепени со обемни документарни докази, како што се фотографии, дневници на повици, пораки на WhatsApp, визи, медицински извештаи и други документи.“
Детали за сведочењето
Една од жените, идентификувана под псевдонимот Ребека за да се заштити нејзиниот идентитет, изјави дека Иглесијас, тогаш 77-годишен, често ја канел во својата соба на крајот од работниот ден. Таа тврдеше дека потоа сексуално ја злоупотребил без нејзина согласност. „Ме користеше речиси секоја вечер“, изјави таа за elDiario.es и Univision Noticias. „Се чувствував како предмет, како роб“.
Според Ребека, нападите обично се случувале во присуство и со учество на друг вработен кај Иглесијас, кој бил нејзин претпоставен.
Друга жена, позната под псевдонимот Лаура, изјави дека Иглесијас ја бакнувал и ги допирал нејзините гради без нејзина дозвола. „Бевме на плажа и тој дојде до мене и ме допре“, рече таа, додавајќи дека сличен инцидент се случил покрај базенот во вилата на пејачот во Пунта Кана.
Двете жени рекоа дека работниците биле подложени на напната и контролирачка атмосфера и зборуваа за тоа како Иглесијас „ја нормализирал злоупотребата“. Ребека рече: „Таа куќа треба да се нарече куќа на ужаси затоа што е кошмар – нешто навистина ужасно“.
Поднесена жалба и реакции
ElDiario.es објави дека две жени поднеле формална жалба до обвинителите во највисокиот кривичен суд во Шпанија, обвинувајќи го Иглесијас за трговија со луѓе и сексуален напад.
Новинарите што го истражуваат случајот постојано се обидуваат да го контактираат Иглесијас и неговиот адвокат, но не добиле одговор. Сепак, жената што Ребека ја идентификуваше како нејзин претпоставен во вилата во Пунта Кана ги отфрли обвинувањата како бесмислени.
Таа рече дека чувствува само „благодарност, восхит и почит кон големиот уметник и човечко суштество каков што е тој“, опишувајќи го како „скромен, дарежлив, вистински господин и голем почитувач на сите жени“.
Шпанската министерка за труд Јоланда Дијаз го нарече сведочењето на жените „ужасно“, велејќи дека тие опишале „сексуален напад и ситуација на ропство“.
Од друга страна, Изабел Дијаз Ајусо, претседателка на мадридскиот регион, застана во одбрана на Иглесијас. Таа рече дека нејзината администрација нема да ги послуша повиците да му се одземат почестите на пејачот. „Мадридскиот регион никогаш нема да придонесе за дискредитирање на уметник, а уште помалку кога станува збор за најуниверзалниот од сите пејачи: Хулио Иглесијас“, напиша таа на социјалната мрежа Икс.
Регион
(Видео) Вучиќ се појави во изборниот рекламен спот на Орбан заедно со лидерите на европската десница
Српскиот претседател Александар Вучиќ се приклучи на изборната кампања на унгарскиот премиер Виктор Орбан преку учество во промотивен спот.
Во видеото, покрај Вучиќ се појавуваат уште десет политичари, меѓу кои и премиерите на неколку земји и крајно десничарските лидери од Германија и Франција, објавува порталот Нова.рс.
Thank you for your support! @MorawieckiM, @RobSchneider, @GiorgiaMeloni, @predsednikrs, @MLP_officiel, @matteosalvinimi, @AndrejBabis, @JMilei, @Alice_Weidel, @Santi_ABASCAL, @netanyahu, @herbert_kickl pic.twitter.com/7JI021IgRq
— Orbán Viktor (@PM_ViktorOrban) January 11, 2026
Во видеото за изборите, кои беа распишани денеска за 12 април, Орбан е поддржан од премиерите на Италија, Чешка и Израел – Џорџа Мелони, Андреј Бабиш и Бенјамин Нетанјаху. Меѓу политичарите се и крајно десничарските опозициски лидери: копретседателката на Алтернатива за Германија (AfD) Алис Вајдел, лидерката на Националниот собир во францускиот парламент Марин Ле Пен, претседателот на шпанската партија Вокс, Сантијаго Абаскал Конде, и претседателот на Партијата на слободата на Австрија, Херберт Кикл.
Вучиќ во видеото вели: „Се надевам дека следните избори ќе значат многу за сите нас, што значи дека ќе бидеме сведоци на уште една победа за Фидес“.
(Видео) Премиерот на Гренланд: Ако треба да избереме помеѓу САД и Данска, ја бираме Данска
Премиерот на Гренланд изјави дека доколку неговиот народ мора да избере „тука и сега“, ќе ја избере Данска пред САД....
Поранешни вработени го обвинија Хулио Иглесијас за сексуална злоупотреба, откриени детали
Шпанскиот пејач Хулио Иглесијас е обвинет за сексуален напад од страна на две поранешни вработени, кои тврдат дека биле подложени...
(Фото) Тошковски на проштална средба со амбасадорката Агелер: САД остануваат клучен стратешки партнер во безбедноста
Министерот за внатрешни работи на Република Северна Македонија, Панче Тошковски, денеска оствари проштална средба со амбасадорката на Соединетите Американски Држави...
Зеленски се обиде да го назначи поранешниот премиер за министер за енергетика, парламентот го одби
Украинските пратеници го отфрлија назначувањето на министерот за одбрана во заминување Денис Шмихал за министер за енергетика, што е ретка...
Бројот на жртви варира во голема мера: „Иран Интернешнл“ тврди дека најмалку 12.000 луѓе се убиени во протестите
Се појавуваат извештаи за илјадници жртви во немирите во Иран, што би претставувало најголем број смртни случаи во протестите од...
Каја Калас: Историјата е полна со примери за паѓање на режими, но прашањето е што следува потоа
Високиот претставник на Европската Унија за надворешни работи и безбедносна политика, Каја Калас, изјави дека е неизвесно што ќе се...
Времето утре – сончево со мала до умерена облачност, максималната температура до 10 степени
Времето утре ќе биде сончево со мала до умерена облачност. Ќе дува слаб до умерен ветер од западен и северозападен...
Јордан Апостолски, Наташа Бошкова и Сашо Георгиевски кандидати за судии во Европскиот суд за човекови права
Владата на денешната 141 седница беше информирана за текот на постапката за номинирање кандидати за позицијата судија во Европскиот суд...
Утрешното судење за пожарот во „Пулс“ е одложено за 26 јануари
Судењето за пожарот во „Пулс“ што требаше да се одржи утре е одложено за 26 јануари, соопшти Кривичниот суд. Расправата...
Бугарски државјанин протеран од земјава, кај него се пронајдени боксирач и транспарент со навредлива содржина
Полицијата уапси бугарски државјанин на Граничен премин Деве Баир, кај него се пронајдени боксирач и транспарент со навредлива содржина. Според...
МНР апелира македонските државјани да го напуштат Иран во прва можна прилика
Министерството за надворешни работи апелира сите македонски државјани што се наоѓаат во Иран да ја напуштат земјата поради влошената состојба....
Обвинителството бара притвор за лицето што ја искрши влезната врата на бугарската Амбасада
Основното јавно обвинителство Скопје поведе постапка против 55-годишник осомничен за кривично дело – Оштетување туѓи предмети од член 243 став...
Техничката влада мора да остане, велат од СДСМ
Техничката влада мора да остане. Таа е единствена шанса, единствен обид за некакви минимални услови за фер избори, велат од...
Со паричка во погача, голем број семејства вечерва ќе ја дочекаат Старата Нова година
Според Јулијанскиот календар, по кој се водат православните христијани, вечер се дочекува православната нова година, кај народот позната уште како...
Во Кавадарци се води истрага за два случаи на сексуално насилство врз деца
Кавадаречкото Обвинителство споведува истрага за два одвоени случаи во кои има сомненија за силување на дете кое не наполнило 15...
Словачките лидери едногласни: Крај на воената помош за Украина
Највисоките словачки функционери – претседателот Петер Пелегрини, премиерот Роберт Фицо и претседателот на парламентот Рихард Раши – потврдија единство околу...
Претседателката на Молдавија: На референдум би гласала за обединување со Романија
Претседателката на Молдавија, Маја Санду, изјави дека би гласала за обединување со Романија доколку тоа прашање некогаш се најде на...
Германија предупредува: Плановите на Трамп за Гренланд може да го загрозат НАТО
Германскиот министер за надворешни работи Јохан Вадефул изјави дека сојузниците во НАТО мора да соработуваат кога станува збор за безбедноста...
Конгресмен предлага закон за анексија на Гренланд
Републиканскиот конгресмен Ренди Фајн предложи закон до американскиот Конгрес со кој на САД би им се овозможила анексија на Гренланд...
18-годишникот кој усмрти жена во Капиштец избега од државата, МВР распиша потерница
Министерството за внатрешни работи распиша меѓународна потерница по 18-годишникот кој прегази жена во Скопје и избега од местото на настанот....
