Свет
Убиени четири исламистички бунтовници во Дагестан
Четири исламистички милитанти се ликвидирани во текот на специјална операција на руската полиција во Сергокалинската област на Дагестан, пренесоа руските агенции во петок повикувајќи се на извори во безбедносните сили
„За време на нападот загинаа четири милитанти. Засега се уште не се утврдеи нивните идентитети. Во тек е детална проверка на куќата во којашто се сокривале“, изјавил соговорникот на РИА Новости при што се забележува дека не е даден одговор на прашањето дали имало загуби меѓу припадниците на безбедносните сили.Претходно во петокот. извори од руското министерство за внатрешни работи за агенцијата Интерфакс изјавија дека во акција спроведувана во селото Махарги биле убиени двајца исламистички бунтовници.Според овие извори, имало ранети припадници на специјалните единици. Изворот нагласил дека во петокот наутро во акцијата имало и ранети бунтовници, кога полицијата се обидела да изврши претрес по претходно добиени оперативни информации за скалдирано оружје во една приватна куќа во Сергокалинската обалст. Истовремено во Дагасетан се спроведува уште една акција против бунтовничка група во градот Дербент. Според министерството за внатрешни работи на Дагестан, во една приватна куќа биле забарикадирани најмалку три бунтовника кои се повикани да се предадат. Имајќи го предвид досегашното однесување на бунтовниците во вакви ситуации, највероајтно во текот на денот ќе дојде до акција на специјалците врз куќата во која се кријат бунтовниците, пишува РИА Новости.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Советник на Путин: Мирот е можен само ако Русија добие пет украински региони
Близок советник на рускиот претседател Владимир Путин изјави дека и Украина и Молдавија би можеле да престанат да постојат како независни држави, во интервју за рускиот весник Комсомолскаја Правда објавено вчера.
„Не може да се исклучи дека Украина оваа година ќе престане да постои“, изјави Николај Патрушев, поранешен секретар на Советот за национална безбедност на Русија.
Тој додаде дека Молдавија најверојатно „ќе се приклучи на друга држава или целосно ќе престане да постои“.
Москва ќе прифати мировно решение со Украина само под услов да го задржи анектираниот полуостров Крим, како и украинските региони Луганск, Доњецк, Запорожје и Херсон, рече тој.
На прашањето за плановите на новоизбраниот американски претседател Доналд Трамп да стави крај на војната, Патрушев рече дека претпоставува дека разговорите за Украина меѓу Русија и САД треба да се одржат без учество на други западни земји.
Тој додаде дека нема што да се разговара ниту со Европската унија ниту со Велика Британија.
Тврдокорниот Патрушев (73) е близок соработник и советник на Путин. По 16 години на чело на рускиот Совет за безбедност, тој беше сменет во мај минатата година и назначен за советник на Кремљ за бродоградба.
Европа
Огромен ракетен напад врз Украина, експлозии во милионскиот град
Во тек е масовен руски напад со крстосувачки ракети и беспилотни летала врз Украина. Прогласена е закана од воздушен напад низ целата земја.
Силни експлозии се слушаат во Харков, вториот по големина украински град со еден милион жители. Како што предупреди украинското воздухопловство, шест групи крстаречки ракети летаат кон регионот на Киев.
Се стравува дека можна цел е киевската хидроцентрала на реката Днепар на северот од земјата.
Регион
Земјотрес во Албанија
Земјотрес со јачина од 3,8 степени според Рихтеровата скала е регистриран вечерва во 20 часот и 11 минути во Албанија.
Потресот се наоѓа на длабочина од приближно 15 километри под површината на земјата.
Засега нема извештаи за материјална штета или повредени, а надлежните служби ја следат состојбата.