Конзервативното народно движење Tea Party ја потврди својата сила на предизборите за американските локални и конгресни избори во ноември, откако неговите кандидати ги поразија републиканските во сојузните држави Делавер и Њујорк, покрај изедначените гласови во Њу Хемпшир

Во државата Делавер конзервативната политичка коментаторка Кристин О,Донел лесно го победи конгресменот со девет мандати Мајк Кастел на предизборите за американскиот Сенат, со тоа давајќи му на движењето Tea Party уште една значајна победа над кандидатите кои ја поддржуваат Републиканската партија во САД.„Ние, народот, повторно ќе го имаме својот глас во Вашингтон. Ние ќе ја обновиме Америка“, изјавила О,Донел пред своите поддржувачи, прославувајќи ја својата победа во Довер, пренесува Fox news.О,Донел освоила повеќе 53 отсто од гласовите, а Кастел 46 отсто, по жестоката кампања која на површина ја исфрли внатрешната борба во меѓу конзервативните поддржувачите на движењето и умерените партиски структури во редовите на републиканците. О,Донел ја доби поддршката и од поранешната гувернерка на Аласка, Сара Пејлин како и донација за кампањата од 150 илјади долари од ткн. Tea Party Express, додека Кастл на кампањата потрошил повеќе од пет милиони доалри, пренесуваат во четврток американските медиуми.Во Њујорк конзервативецот Карл Паладино поддржан од Tea Party (Ти парти) го победи Рик Лази на републиканските предизбори за гувернер, додека во Њу Хемпшир канидадот на движењето Овид Ламонтањ имал изедначен скор во борбата со поранешниот државен обвинител Кели Ејоте во борбата за сенатската кандидатура на републиканците по 85 отсто од преброените гласови. Кандидатите зад кои стои Tea Perty движењето годинава освоиле најмалку осум големи републикански номинации во САД, на Аласка, во Делавер, на Флорида, во Кентаки, Невада, Њујорк, Пенсилванија и во Јута. Неговите кандидати ист отака покажале респектабилна сила и на многу други изборни на регионално и локално ниво.Политичките аналитичари во САД го поставуваат прашањето дали е можно кандидатите од десното крило на републиканскиот електорат да ги поразат демократските противници на изборите за Конгресот кои ќе се одржат во ноември, кога залогот ќе биде поголем и кога ќе решаваат сите избирачи. Така, на пример, се прави анализа дека победата на О,Донел во Делавер ги зголемува шансите на демократите да го задржат местото во Сенатот кое некогаш го држеше потпретседателот Џозеф Бајден, како и да го сочуваат мнозинството во овој претставнички дом. Од другите резултати од предизборите одржани во вторник, 80-годишниот конгресмен Чарлс Рејнџел победи на предизборите за Њујорк за да може да влезе во трката за неговиот 21 мандат, и покрај обвинувањата за етички прекршувања, додека градоначалникот на Вашингтон, Адриан Фенти загуби на предизборите од претседателот на градскиот совет Винсент Греј.Предизборите коишто се одржаа во вторникот беа последни пред гласањето што ќе се одржи на 2-ти ноември, односсно за помалку од два месеца. На овие збори американските избирачи ќе го избираат целиот состав за Претставничкиот дом на Конгресот, третина од Сенатот, повеќе од половина гувернери и илјадници локални функционери и советници.