Индиската полиција отворила во петок оган врз демонтрантите во Кашмир, притоа ранувајќи најмалку четири лица, соопштил за AFP полициски извори

„Според првичните информации, безбедносните сили отвориле оган за да ги запрат демонстрантите кои фрлале со камења. Четири лица се ранети. Две од нив се во критична состојба“, изјавил неименуван полициски офицер од округот Будгам.Во четврток навечер седум демонстранти биле ранети кога силите за безбедност отвориле оган на две ралични локации во местото Сопоре, околу 50 килметри северно од главниот град на индиски Кашмир, Сринагар.Регионот беше опфатен од антииндиски демонстрации во текот на целото лето, а последните судири беа дополнително испровоцирани минатиот викенд од најавата за палење на Куранот во САД.Во обид да спречат уште една серија насилства, полицијата и паравоените единици патролираат по напуштените улици на градовите во индискиот дел на Кашмир и со мегафони најавуваат дека оние кои ќе го прекршат полицискиот час ќе бидат веднаш застрелани.Сепак, група демонстранти излегоа на улиците на градот Барамула, северно од главниот град на кашмир, Сринагар и фрлаа со камења по полицијата. Полицијата реагираше со стрелање во воздух и со солзавец, при што беа повредени тројца демонстранти.Регионот со месеци е опфатен од постојани антииндиски демонстрации на претежно муслиманското население, во кои  во текот на летото загинаа најмалку 88 луѓе.Регионот Кашмир е поделен меѓу Индија и Пакистан, а и двете држави тврдат дека е целосно нивни. Од создавањето на двете држави пред 60 години, тие четири пати воделе војни за овој регион.Од 1989 г. во регионот трае сепаратистичко востание, во кое досега загинаа околу 68 илјади луѓе. Иако вооруженото востание е, главно, потиснато, регионот и  натаму е огромно присуството на армијата, со контролни пунктови  на сите главни патишта. Исто така, во регионот се стационирани десетици илјади индиски војници, а суровите закони на вонредната состојба се уште важат, што придонесува кон тензиите меѓу населението и армијата.