Вирџинија Мартинез, регионална пратеничка во Мурсија од шпанската конзервативна партија Вокс, се појави во регионалното собрание oблечена во никаб за да го презентира предлогот на нејзината партија за забрана на таква облека на јавни места.

На снимката објавена од самата Мартинез, може да се види како таа влегува во зградата на регионалниот парламент облечена во никаб. Пред да се качи на говорницата, претседателката на регионалниот парламент, Визитасион Мартинез, ја предупреди дека не може да им се обрати на пратениците облечена на тој начин.

La #AsambleaRegional me prohíbe debatir con el #Niqab. Si no se puede llevar en la sede de la soberanía Regional tampoco se debería llevar en los espacios públicos de la Región. #NiBurka #NiNiqab #Libertad pic.twitter.com/HyP3NUU6Bq

— Virginia Martínez 🇪🇸 (@virginia_vmg) December 10, 2025

„Не можете да учествувате на оваа пленарна седница облечена вака. Ве молам пресоблечете се“, ѝ рече претседателката на парламентот.

Откако го соблече никабот, Вирџинија Мартинез рече дека е среќна што таквата облека не е дозволена. „Драго ни е што ваков вид облека не е дозволена затоа што по 50 години демократија дојдовме до тоа да видиме жени како мора да живеат во затвори направени од ткаенина, а тоа не е слобода за ниту една жена во ова општество“, рече таа.

Таа додаде дека забраната треба да се применува и надвор од парламентот. „Драго ни е што тоа не е дозволено во овој парламент, а ако не е дозволено тука, не треба да биде дозволено на ниту еден јавен простор“, рече Мартинез.

Шпанија нема општа, национална забрана за носење бурка или никаб. Обидите на локалните власти да воведат такви ограничувања беа поништени од судовите во минатото. Уште во 2013 година, Врховниот суд на Шпанија пресуди дека локалните забрани, како онаа во Љеида, се неуставни бидејќи го кршат фундаменталното право на слобода на вероисповед.

Ситуацијата е различна од, на пример, Франција, каде што националната забрана за покривање на лицето во јавност беше потврдена со пресудата на Европскиот суд за човекови права во 2014 година.

Слична ситуација како оваа во регионалното собрание на Мурсија се случи минатиот месец во Австралија, кога сенаторката Полин Хансон беше суспендирана една недела откако носеше бурка во парламентот за да ја промовира забраната за муслиманска облека во јавност.

Ова беше втор пат сенаторката од Квинсленд, членка на антиимиграциската партија „Една нација“, да дојде во парламентот со покриено лице и тело.

Фото: депозитфотос

Романија објави дека пронашла две масерки кои страдаат од лепра во спа центар во северозападниот град Клуж, што е прв потврден случај на болеста во таа земја од Европската Унија по повеќе од 40 години.

Како што објавува Ројтерс, уште две лица се тестираат, а двата потврдени случаи – двете индонезиски државјанки, на возраст од 21 и 25 години – се лекуваат, додаде Министерството за здравство.

Министерот за здравство Александру Рогобете рече дека корисниците на спа центарот не треба да се грижат, бидејќи продолжената изложеност е неопходна за пренесување на болеста.

Една од пациентките неодамна се вратила од Азија, каде што поминала еден месец со нејзината мајка, која моментално е во болница со истата болест, рече Рогобете, како што објави државната новинска агенција Агерпрес.

Властите го затворија спа центарот додека не заврши истрагата, соопштија здравствените службеници.

Последниот потврден случај на лепра во Романија, позната и како Хансенова болест, е откриен пред 44 години, соопшти министерството.

Целосната забрана за продажба на нови автомобили на бензин и дизел во Европската унија од 2035 година ќе биде олеснета, најави еден од водечките политичари на Европскиот парламент.

Одлуката, која Европската комисија треба да ја објави следниот вторник во Стразбур, предизвика остри поделби и гнев кај екологистите, кои тврдат дека тоа го поткопува Зелениот план на ЕУ, пишува „Гардијан“.

Германскиот канцелар Фридрих Мерц денес изјави дека го поддржува таквиот пресврт, по месеци инсистирање за промена на правилата за укинување на моторите со внатрешно согорување.

Фото: депозитфотос